agriculture news in marathi, flood situation in solapur, maharashtra | Agrowon

सोलापूर जिल्ह्यातील भीमा, सीना नद्यांकाठी पूरसदृश स्थिती
सुदर्शन सुतार
शनिवार, 23 सप्टेंबर 2017

सोलापूर  ः पुणे जिल्ह्याकडून उजनी धरणाच्या पाणलोट क्षेत्राकडे सुरू असलेला विसर्गामुळे धरणातून भीमेत पुन्हा विसर्ग वाढवण्यात आला आहे. त्याशिवाय पाणलोट क्षेत्रातील पावसामुळे नीरा, सीना आणि भोगावती या जिल्ह्यातील महत्त्वाच्या नद्याही दुथडी भरून वाहत असल्याने पूरसदृश्‍य परिस्थिती निर्माण झाली आहे. पुराची खबरदारी म्हणून प्रशासनाच्या वतीने सतर्कतेचा इशारा देण्यात आला आहे. पण परिस्थिती नियंत्रणात आहे.

सोलापूर  ः पुणे जिल्ह्याकडून उजनी धरणाच्या पाणलोट क्षेत्राकडे सुरू असलेला विसर्गामुळे धरणातून भीमेत पुन्हा विसर्ग वाढवण्यात आला आहे. त्याशिवाय पाणलोट क्षेत्रातील पावसामुळे नीरा, सीना आणि भोगावती या जिल्ह्यातील महत्त्वाच्या नद्याही दुथडी भरून वाहत असल्याने पूरसदृश्‍य परिस्थिती निर्माण झाली आहे. पुराची खबरदारी म्हणून प्रशासनाच्या वतीने सतर्कतेचा इशारा देण्यात आला आहे. पण परिस्थिती नियंत्रणात आहे.

उजनी धरणातून भीमा नदीत ७० हजार क्‍युसेकने पाणी सोडण्यात येत आहे. पण या पाण्यामुळे नदीच्या कार्यक्षेत्रातील बहुतेक सगळे बंधारे भरून वाहत आहेत.
त्याशिवाय वीर धरणातून नीरा नदीतही १४ हजार क्‍युसेक पाणी सोडण्यात आल्याने भीमा नदीच्या पाणीपातळीमध्ये मोठी वाढ झाली असून, पूरस्थिती
निर्माण झाली आहे.

वीर धरणातून नीरा नदीत दोन दिवसांपासून विसर्ग सुरू आहे. त्यात मोठी वाढ करण्यात आली आहे. तसेच बारामती, फलटण, माळशिरस तालुक्‍यांतील पावसाचे पाणी नीरेत मिसळत असल्याने ही नदी दुथडी भरून वाहत आहे. हे पाणी पुढे भीमा नदीत मिसळत असल्याने संगमाच्या पुढे भीमा नदीला पूर आला आहे.

उस्मानाबाद जिल्ह्यातील सीना-कोळेगाव धरण ९६ टक्के भरले असून, या धरणातून सीना नदीत पाणी सोडण्यात आले आहे. त्यामुळे सोलापूर जिल्ह्यातील
नदीकाठच्या गावात पूर परिस्थिती निर्माण झाली आहे. मोहोळ तालुक्‍यातील लांबोटी, मलिकपेठ येथील बंधाऱ्यांच्या स्लॅबला लागून पाणी वाहत असून,
आणखी पाणी वाढल्यास हे बंधारे पाण्याखाली जाण्याची शक्‍यता आहे.

तसेच गेले दोन दिवस उस्मानाबाद जिल्हा व बार्शी तालुक्‍यात जोरदार पर्जन्यवृष्टी झाल्याने बार्शी तालुक्‍यातील हिंगणी व ढाळे पिंपळगाव हे मध्यम प्रकल्प १०० टक्के भरले आहेत. या प्रकल्पातून भोगावती नदीत पाणी सोडण्यात आल्याने भोगावती नदीलाही पूर आला आहे.

एकीकडे धरणातून पुढे भीमा नदीत पाणी सोडण्यात येत असल्याने पूरस्थितीवर काहीसे नियंत्रण येत असले, तरी उजनी धरणात येणाऱ्या पाण्याचा विसर्गही
काही कमी नाही. तोही जवळपास ५० हजार क्‍युसेकने वाढलेला आहे. शुक्रवारी बंडगार्डनकडून उजनीमध्ये १८,९७० क्‍युसेक आणि दौंडकडून ३४,६८८ क्‍युसेक
इतके पाणी सोडण्यात येत होते. तरीही धरणाची पातळी स्थिर होती. शुक्रवारी दुपारी धरणामध्ये एकूण पाणीसाठा १२१.६९ टीएमसी आणि पाण्याची टक्केवारी १०८.३० टक्के इतकी होती.

गुरुवारी रात्री आणि शुक्रवारी सकाळी जिल्ह्यातील काही भागांत पावसाने हलकी हजेरी लावली. त्यात पुन्हा जोर नव्हता. सोलापूर जिल्ह्यात पाऊस नसला तरी नजीकच्या पाणलोट क्षेत्रातील पावसामुळे जिल्ह्यात मात्र पूरस्थिती निर्माण झाली आहे. पण शुक्रवारी ती काहीशी नियंत्रणात आली.

इतर ताज्या घडामोडी
कृषी सल्ला : पेरू, गहू, हरभरा, डाळिंब,...पेरू - फळमाशीच्या नियंत्रणासाठी प्रतिएकर ४ रक्षक...
कमाल तापमानात वाढ, उन्हाळी हंगामाला...महाराष्ट्रावर १०१२ हेप्टापास्कल इतका कमी हवेचा...
पलटी नांगर, रोटाव्हेटरचे अनुदान वाढणार...जळगाव : जिल्हा परिषदेच्या आगामी अंदाजपत्रकात (...
ढगाळ वातावरणाचा द्राक्ष खरेदीवर परिणामपांगरी, जि. सोलापूर : गेल्या दोन दिवसांपासून...
जमीन अधिग्रहणाला शेतकऱ्यांचा विरोधनाशिक : नाशिक-पुणे रेल्वे लाईनच्या महाराष्ट्र रेल...
तुमच्या आग्रहापुढे मी नाही कसे म्हणू...टेंभूर्णी, जि. सोलापूर : सोलापूर जिल्ह्यातील...
शिराळ्यातील गूळ हंगाम अवघ्या तीन...सांगली ः शिराळा तालुक्यातील दरवर्षी पाच ते साडे...
आठ दिवसांत पूर्ण एफआरपी द्या; अन्यथा...सातारा ः सांगली, कोल्हापूर जिल्ह्यातील साखर...
अडत्यांवरील कारवाईला प्रशासकांचीच...पुणे ः खरेदीदार आणि शेतकऱ्यांकडून नियमबाह्य...
छावण्यांच्या मंजुरीसाठी शिवसेनेचा ठिय्यानगर : जिल्ह्यात पशुधनाला दिलासा देण्यासाठी...
जालन्यातील कृषी माल निर्यात सुविधा...जालना : येथील कृषी उत्पन्न बाजार समितीच्या...
पैठण तालुक्यातील पिकांना अवकाळीचा फटकाचितेगाव, जि. औरंगाबाद : विजेच्या कडकडाट व वादळी...
परभणी जिल्ह्यातील ‘शेतकरी सन्मान निधी’...परभणी ः पंतप्रधान शेतकरी सन्मान निधी...
पाकिस्तान युद्धाच्या तयारीत,...श्रीनगर : काश्‍मीरमधील पुलवामा येथे दहशतवादी...
कृषी सल्ला : वाल, आंबा, काजू, नारळ,...वाल काढणी अवस्था वाल पिकाची काढणी जसजशा शेंगा...
तेल्हारा, अकोट तालुक्यांत अवकाळी पाऊस;...अकोला : जिल्ह्यात तेल्हारा, अकोट तालुक्यांत...
ढगाळ वातावरणामुळे शेतकरी चिंतेत जळगाव : मागील दोन-तीन दिवसांपासून खानदेशात ढगाळ,...
अमरावती जिल्ह्यात सव्वालाख शेतकऱ्यांची...अमरावती : पंतप्रधान किसान सन्मान योजनेतील दोन...
माथाडी कामगारांच्या आंदोलनामुळे गूळ...कोल्हापूर ः माथाडी कामगारांनी जादा वेळ काम...
जायकवाडी पाटबंधारे विभाग क्रमांक...परभणी ः परभणी येथील जायकवाडी पाटबंधारे विभाग...