agriculture news in marathi, flow of 'Mhaysal' scheme has stopped | Agrowon

‘म्हैसाळ’ योजनेचा उपसा थांबला
टीम अॅग्रोवन
शुक्रवार, 6 जुलै 2018

सांगली : म्हैसाळ योजनेचा उपसा थांबवण्यात आला अाहे. दीड महिन्यांत योजनेतून तब्बल पाच टीएमसी पाण्याचा उपसा झाला. मिरजेसह पाच तालुक्‍यांतील वीस हजार हेक्‍टर शेतीला पाणीपुरवठा झाला. या दरम्यान या योजनेची अडीच कोटींची पाणीपट्टी वसूल झाली आहे.

सांगली : म्हैसाळ योजनेचा उपसा थांबवण्यात आला अाहे. दीड महिन्यांत योजनेतून तब्बल पाच टीएमसी पाण्याचा उपसा झाला. मिरजेसह पाच तालुक्‍यांतील वीस हजार हेक्‍टर शेतीला पाणीपुरवठा झाला. या दरम्यान या योजनेची अडीच कोटींची पाणीपट्टी वसूल झाली आहे.

जिल्ह्यात पावसाने हजेरी लावल्याने आणि पाण्याची मागणी कमी झाल्याने मोटारी बंद करण्याचा निर्णय घेण्यात आला आहे. शासनाने थकबाकीपोटी पंधरा कोटी रुपये दिल्यानंतर २४ मार्च रोजी उपसा सुरू करण्यात आला होता. किरकोळ बिघाड वगळता उपसा अखंड सुरू राहिला. म्हैसाळ योजनेच्या असणाऱ्या एकूण १०३ पंपांपैकी अगदी ८० पंप सक्षमपणे सुरू राहिले. तीनही महिन्यांत ७० ते ७८ ची पंपसंख्या सरासरीने राहिली आहे. यापूर्वी ती फक्त ६५ पर्यंत जाऊ शकली होती. सर्व पंप सरासरी ८०० ते ११०० अश्‍वशक्ती इतक्या क्षमतेचे असल्याने मोठ्या प्रमाणात पाणी उपसता आले.

मिरज, तासगाव, कवठेमहांकाळ, जत व सांगोला तालुक्‍यांत पाणी गेले. १०३ दिवसांच्या उपशानंतर पंपांना विश्रांती देण्यात आली. या कालावधीत वारणेचे पाच टीएमसी पाणी वापरण्यात आले. जूनअखेरचे वीजबिल वीस कोटी रुपयांवर गेले आहे. पैकी ८१ टक्के रक्कम शासन देणार आहे. उर्वरित १९ टक्के शेतकऱ्यांना भरावे लागतील. ही रक्कम चार कोटी रुपये होते.

मार्चपासून शेतकऱ्यांनी अडीच कोटी रुपये जमा केले आहेत. पाणी पिण्यासाठी सोडले असल्याने त्याचे सुमारे साडेतीन कोटी रुपये शासनाकडून मिळतील. चार कोटींपेक्षा जास्त रक्कम मिळणार आहे. यंदाच्या उपशाची वसुली सुमारे ऐंशी टक्‍क्‍यांपर्यंत पूर्ण झाल्याने पुढील हंगामात मागणी करताच आवर्तन सुरू होणार आहे.

‘उपसा थांबल्याने योजनेच्या देखभाल व दुरुस्तीची कामे हाती घेतली जाणार आहेत. सर्व पंप, आरग, बेडग आणि सलगरे कालवे यांची दुरुस्ती केली जाणार आहे. वितरिका व पोटकालव्यांवर व्हॉल्व्ह बसवले जातील. कालव्यांची गळती शंभर टक्के बंद करण्याचे उद्दिष्ट आहे. शेतकऱ्यांसह सर्वांच्या सहकार्याने आवर्तन यशस्वी करता आले. यंदा वसुली चांगली झाल्याने पुढील आवर्तन वेळेत सुरू होऊ शकते.’
-एस. एम. नलवडे, कार्यकारी अभियंता

असे झाले आवर्तन
वीस हजार हेक्‍टर शेती ओलीताखाली
मेअखेरचे वीजबिल पंधरा कोटी रुपये
शेतकऱ्यांनी भरले अडीच कोटी रुपये
शासनाकडून साडेतीन कोटी येणे

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...