agriculture news in marathi, FMD vaccine not available in state worries farmers | Agrowon

लाळ्या खुरकूतने जनावरे बेहाल
टीम अॅग्रोवन
मंगळवार, 26 डिसेंबर 2017

 पशुपालकांच्या खर्चात मोठी वाढ
 लसींच्या तुटवड्याने परिस्थिती गंभीर

पुणे : राज्यात विशेषत: ऊस पट्ट्यात सध्या जनावरांमध्ये लाळ्या खुरकूत रोगाने थैमान घातलेले असताना, लसीकरण न झालेल्या प्रादुर्भावग्रस्त भागात परिस्थिती गंभीर होत चालली आहे. त्यातच औषधांचा काळाबाजार सुरू झाल्याने उपचारासाठी प्रतिजनावर दीड ते दाेन हजारांचा खर्च हाेत असल्याने पशुपालक त्रस्त झाले आहेत.

 पशुपालकांच्या खर्चात मोठी वाढ
 लसींच्या तुटवड्याने परिस्थिती गंभीर

पुणे : राज्यात विशेषत: ऊस पट्ट्यात सध्या जनावरांमध्ये लाळ्या खुरकूत रोगाने थैमान घातलेले असताना, लसीकरण न झालेल्या प्रादुर्भावग्रस्त भागात परिस्थिती गंभीर होत चालली आहे. त्यातच औषधांचा काळाबाजार सुरू झाल्याने उपचारासाठी प्रतिजनावर दीड ते दाेन हजारांचा खर्च हाेत असल्याने पशुपालक त्रस्त झाले आहेत.

राज्यात सुमारे २ कोटी १० लाख जनावरे आहेत. या जनावरांना लाळ्या खुरकूतपासून संरक्षण मिळण्याकरिता साधारणत: सप्टेंबरमध्ये लसीकरण केले जाते. मात्र यंदा लसींच्या तुटवड्यांमुळे मोहीम बारगळल्यातच जमा आहे. लाळ्या खुरकूत विषाणूजन्य आजार असल्याने वेळीच लसीकरण केले, तरच त्याचा उपयोग होत असतो. मात्र, लसीकरण न झाल्याने सध्या राज्याच्या अनेक भागांत अचानक जनावर गंभीर आजारी होण्याचे प्रमाण वाढले आहे. अशा परिस्थिती एेन वेळेस जनावर गंभीर आजारी होणे आणि त्याकरिता होणाऱ्या खर्चाने शेतकरी मेटाकुटीस येत आहे. महागडे दुधाळ जनावरे यास बळी पडत असल्याने दुग्ध व्यवसायासह शेतकऱ्यांचे अर्थकारणही प्रभावित होत आहे. 

गेल्या तीन वर्षांपासून सरकारी लसनिर्मिती जवळपास ठप्प झाल्याची माहिती समोर आली असून, खासगी कंपन्यांकडून होत असलेली खरेदीही अद्याप न झाल्याने लसीकरण मोहीम बंदच आहे. विधिमंडळातसुद्धा याबाबत प्रश्‍न उपस्थित करण्यात अाल्यानंतर स्वत: मुख्यमंत्री देवेंद्र फडणवीस यांनी चौकशी करण्याचे जाहीर केले आहे. मात्र, सध्या निर्माण होत असलेली परिस्थिती आणि आमच्या नुकसानीला कोण जबाबदार आहे, असा प्रश्‍न पशुपालक विचारत आहे.  
 
याबाबत बाेलताना धनंजय धोर्डे (रा. डाेणगाव, ता. वैजापूर, जि. आैरंगाबाद) म्हणाले, ‘‘सध्या ऊसताेडणीचा हंगाम सुरू असल्याने राज्यातील विविध भागांत ऊसताेडणी मजुरांचे पशुधनासह स्थलांतर झाले आहे. स्थलांतरित झालेली जनावरे एकमेकांच्या सान्निध्यात आल्याने लाळ्या खुरकूतची लागण हाेऊन, साथीचा प्रसार झाला आहे. परिणामी स्थानिक पशुधनालादेखील त्याची लागण झाली असून, लाळ्या खुरकूत झाल्यानंतर लसीकरण केल्याने त्याचा अधिक त्रास पशुधनाला हाेत आहे. यामध्ये ताेंड लाल हाेणे, जिभेला काटे येणे, पाय वाकडे हाेणे आदी प्रकार हाेत आहेत. यावर उपचारासाठी प्रति पशुधन एक ते दाेन हजार रुपये खर्च येत असून, माझ्या व भावाच्या १८ जनावरांना २५ हजार रुपये खर्च झाला आहे. अशीच परिस्थिती विविध शेतकऱ्यांची असून, शासनाने तातडीने उपाययाेजना कराव्यात.’’

सध्या लसींचा तुटवडा असून, राज्याला १ काेटी ८० लाखांच्या डाेसची गरज आहे. हे डाेस लवकरच विविध जिल्हा आणि तालुका पातळ्यांवर उपलब्ध हाेतील. मात्र लसीकरणासाठी एवढ्या माेठ्या प्रमाणावर पैसे घेत असतील, तर त्याची तक्रार शेतकऱ्यांना स्थानिक पशुविकास अधिकाऱ्यांकडे करावी. त्या तक्रारींवर कारवाई केली जाईल.
- कांतिलाल उमाप, आयुक्त, पशुंसवर्धन

इतर अॅग्रो विशेष
आरोग्यदायी ड्रॅगन फ्रूटशरीरातील कोलेस्ट्रॉल नियंत्रित ठेवण्यासाठी आणि...
वनस्पतीच्या ताण स्थितीतील संदेश यंत्रणा...वनस्पतीतील ताणाच्या स्थितीमध्ये कार्यरत होणाऱ्या...
आर्थिक, सामाजिक, कृषिसंपन्न राजुरीचा...आर्थिक, सामाजिक व सांस्कृतिकदृष्ट्या प्रगत व...
नाला खोलीकरणात गेलेे शेत; न्यायासाठी...अकोला ः उद्दिष्ट पूर्ण करण्यासाठी यंत्रणा...
पावणेतीन हजार कोटींची ‘वसुंधरा’त...पुणे : कृषिविस्तार व सल्ला देण्याचे काम सोडून...
कांदा संचालनालयाला राष्ट्रीय संस्थेचा...पुणे : राजगुरुनगर भागात असलेल्या कांदा, लसूण...
शेतकऱ्यांना मिळणार तालुकानिहाय हवामान...दिल्ली : देशातील सुमारे साडेनऊ कोटी शेतकऱ्यांना...
राज्यात उष्णतेची लाट येणारपुणे : सूर्य आग ओकायला लागल्याने विदर्भात उन्हाचा...
हमीभाव वाढीचा बागुलबुवा आणि वास्तवलोकसभा, विधानसभा निवडणुकांमध्ये शेतकऱ्यांच्या...
‘कॅप्सूल’ सुधारणार मातीचे आरोग्यमहाराष्ट्र राज्यासाठी या वर्षी रासायनिक खतांची...
नागपूर : रब्बीची पैसेवारी काढली खरीप...नागपूर : खरीप आणि रब्बी हंगामात वेगवेगळी पिके...
अॅग्रोवन समृद्ध शेती योजनेचे...नांदेड: `अॅग्रोवन’च्या माध्यमातून...
मराठवाड्यातील २९२ लघुप्रकल्प कोरडेऔरंगाबाद : मराठवाड्यातील ७४९ लघुप्रकल्पांपैकी २९२...
दक्षिण आशियात यंदा सर्वसामान्य मॉन्सून...पुणे  : भारतासह दक्षिण आशियातील देशांच्या...
कृषिउद्योग महामंडळाकडून ‘बायोकॅप्सूल’चा...पुणे : सेंद्रिय शेतीकडे वळालेल्या शेतकऱ्यांच्या...
शासन दरबारी रब्बी हंगामात नागपूर...नागपूर  : खरिपानंतर पाण्याअभावी रब्बी...
बीटी बियाणे १५ मेपूर्वी विक्रीस मनाईपुणे : राज्यातील बियाणे उत्पादक कंपन्यांनी १५...
जमिनीचे जैविक पृथक्करणआजकाल शेतकऱ्यांना मातीचा पृथक्करण अहवाल करून...
सांगलीतून १२ टन द्राक्षे निर्यातसांगली ः यंदा प्रतिकूल परिस्थतीतही जिल्ह्यातील...
काळजी घ्या : उन्हाच्या झळा वाढल्यापुणे : उन्हाच्या झळा वाढल्याने विदर्भ,...