agriculture news in marathi, fodder shortage will increase, nagar, maharashtra | Agrowon

नगर जिल्ह्यात एप्रिलपासून चाराटंचाई तीव्र होण्याची शक्‍यता
टीम अॅग्रोवन
रविवार, 21 ऑक्टोबर 2018

नगर  ः जिल्ह्यात यंदा पाऊस नसल्याचे चाराटंचाई निर्माण होणार आहे. प्रशासनाकडे असलेल्या उपलब्ध चाऱ्याच्या अहवालानुसारच ही बाब स्पष्ट झाली आहे. जिल्हाभरात वेगवगळ्या माध्यमातून २२ लाख ५६ हजार ८७४ मेट्रिक टन चारा उपलब्ध होत आहे. जिल्हाभरातील पशुधनाचा विचार करता दर महिन्याला चार लाख ५८२ मेट्रिक टन चाऱ्याची गरज असते. त्यामुळे मार्च-एप्रिलमध्ये गंभीर चाराटंचाईला जिल्ह्याला सामोरे जावे लागणार आहे.

नगर  ः जिल्ह्यात यंदा पाऊस नसल्याचे चाराटंचाई निर्माण होणार आहे. प्रशासनाकडे असलेल्या उपलब्ध चाऱ्याच्या अहवालानुसारच ही बाब स्पष्ट झाली आहे. जिल्हाभरात वेगवगळ्या माध्यमातून २२ लाख ५६ हजार ८७४ मेट्रिक टन चारा उपलब्ध होत आहे. जिल्हाभरातील पशुधनाचा विचार करता दर महिन्याला चार लाख ५८२ मेट्रिक टन चाऱ्याची गरज असते. त्यामुळे मार्च-एप्रिलमध्ये गंभीर चाराटंचाईला जिल्ह्याला सामोरे जावे लागणार आहे.

नगर जिल्ह्यामध्ये यंदा पुरेसा पाऊस नाही. खरिपातील बहुतांश पिके वाया गेली आहेत. रब्बीची पेरणीही होण्याची शक्‍यता धुसर झाली आहे. प्रशासनाच्या लेखी आतापर्यंत ७० टक्के पाऊस झाला असून, साधारण बारा तालुक्‍यांतील स्थिती चिंताजनक आहे. मात्र बारा नव्हे चौदाही तालुक्‍यांत फारशी वेगळी परिस्थिती नाही. पिण्याच्या पाण्याचा गंभीर प्रश्‍न आताच निर्माण झाला आहे. त्यामुळे पशुधन जगवणे अवघड होणार असून, सर्वाधिक फटका दुभत्या जनावरांना बसणार आहे.

दरवर्षी खरिपातील ज्वारी, बाजरी, भात, कडवळ, पडीक शेत, डोंगर आदी प्रक्रियेतून चारा उत्पादन होत असते. यंदा मात्र चारा उत्पादनाला मोठा फटका बसला आहे. उपलब्ध चाऱ्याचा ताळमेळ घालून नेमका किती चारा उपलब्ध होईल आणि तो कधीपर्यंत पुरेल याचा अहवाल मांडला जातो. सध्या प्रशासनाकडे असलेल्या माहितीनुसार नगर जिल्ह्यात यंदा ११ लाख ६१ हजार ११६ मेट्रिक टन चारा उपलब्ध होत असून, गतवर्षीचा सध्या १० लाख ९५ हजार ७५८ मेट्रिक टन चारा शिल्लक आहे. त्यामुळे २२ लाख ५६ हजार ८७४ मेट्रिक टन चारा उपलब्ध असणार आहे.

जिल्ह्यामध्ये असलेल्या जनावरांचा विचार करता सध्या दर दिवसाला चार लाख ५८२ मेट्रिक टन चारा लागतो. त्यामुळे उपलब्ध असलेला चारा साधारण सहा महिने पुरेल, असे स्पष्ट झाल्याने जिल्ह्यामध्ये एप्रिलपासून चाऱ्याच्या गंभीर टंचाईला सामोरे जावे लागणार आहे. त्यामुळे शेतकऱ्यांनी उपलब्ध चाऱ्याचा योग्य पद्धतीने वापर करावा, चारा वाया जाणार नाही याची काळजी घ्यावी, असे आवाहन करण्याला प्रशासनाकडून सुरवात झाली आहे.
 

जिल्ह्यामधील पशुधनाची स्थिती
मोठी जनावरे १३,५९,०४८
लहान जनावरे  २,८९,५००
शेळ्या,मेंढ्या   ११,५३,८३६

 

उपलब्ध चाऱ्याची स्थिती (मेट्रिक टन)
वन क्षेत्रापासून उपलब्ध चारा १,६८,०००
गवती कुरण, चराऊ क्षेत्रापासून उपलब्ध चारा  १,५६,०००
बांध क्षेत्रातून उपलब्ध होणारा चारा १४,२००
पडीक क्षेत्रापासून उपलब्ध होणारा चारा १,१७,०००
पिकांपासून उपलब्ध चारा  ५,७०,०००
कृषी, पशुसंवर्धन योजनांतून होणारा चारा   १,३५,३१६

 

इतर ताज्या घडामोडी
पाणीटंचाई निवारणासाठी ३२ कोटीनागपूर : ग्रामीण भागातील पाणीटंचाई...
परभणी जिल्ह्यात रब्बी ज्वारीचा अग्रीम...परभणी ः परभणी जिल्ह्यात उद्भवलेल्या दुष्काळी...
नांदेड, परभणी, हिंगोली जिल्ह्यांत १२...नांदेड ः चालू कापूस खरेदी हंगामामध्ये नांदेड,...
बेदाणानिर्मिती शेडवर बसू लागली यंत्रेसांगली ः जिल्ह्यातील कवठेमहांकाळ, मिरज...
उन्हाळी भुईमुगावरील कीड नियंत्रणउन्हाळी भुईमुगावर खालील विविध अळ्यांचा...
जातपडताळणीचा ‘ऑफलाइन’ छळ पुणे  : शासनानेच वाटलेल्या जातप्रमाणपत्रांची...
लागवड उन्हाळी तिळाची...उन्हाळी हंगामात लागवडीसाठी एकेटी १०१, पीकेव्ही एन...
सांगलीत शनिवारपासून सेंद्रिय परिषद,...सांगली ः रेसीड्यू फ्री ऑरगॅनिक मिशन इंडिया...
उन्हाळी भुईमुगावरील पानेे खाणारी अळी या अळीला तंबाूखूवरील पाने खाणारी अळी म्हणूनही...
लोहाच्या कमतरतेवरील वनस्पतींची...हेन्रिच हेईन विद्यापीठ डस्सेलडॉर्प आणि...
नेरच्या नदी पात्रातील भराव काढादेऊर, ता.धुळे : पांझरा नदी पात्रातील नव्या...
सौर कृषिपंप योजनेसाठी पुणे जिल्ह्यातून...पुणे : शेतकऱ्यांना दिवसा व सौरऊर्जेद्वारे शाश्वत...
अपारंपरिक ऊर्जा काळाची गरज : बावनकुळेभंडारा : पारंपरिक ऊर्जेची मर्यादा लक्षात घेऊन...
नांदेड जिल्ह्यामध्ये १८ टॅंकरद्वारे...नांदेड ः जिल्ह्यातील तीव्र पाणीटंचाई उद्भवलेली ११...
परभणी, नांदेड जिल्ह्यात २ लाख खात्यांवर...परभणी ः परभणी आणि नांदेड जिल्ह्यातील दुष्काळामुळे...
टेंभूच्या नेवरी वितरिकेची कामे २२...सांगली ः टेंभू उपसा सिंचन योजनेच्या नेवरी वितरिका...
पाणीटंचाईमुळे कांदा लागवडीच्या...पुणे ः वाढत असलेल्या पाणीटंचाईमुळे शेतकऱ्यांनी...
नगर जिल्ह्यामध्ये तुरीचे उत्पादन...नगर ः नगर जिल्ह्यामध्ये यंदा दुष्काळी परिस्थिती...
अण्णासाहेब पाटील महामंडळामार्फत १२ कोटी...कोल्हापूर : शासनाने अण्णासाहेब पाटील आर्थिक मागास...
कचारगडला `अ’ वर्ग पर्यटनस्थळाचा दर्जा...गोंदिया ः कचारगड हे देशभरातील भाविकांचे...