अन्न प्रक्रिया उद्योगाला सवलती जाहीर : कृषिमंत्री फुंडकर

अन्न प्रक्रिया उद्योगाला सवलती जाहीर : कृषिमंत्री फुंडकर
अन्न प्रक्रिया उद्योगाला सवलती जाहीर : कृषिमंत्री फुंडकर

मुंबई : कृषी अन्न प्रक्रिया उद्योगाला चालना देण्यासाठी राज्याने जाहीर केलेल्या अन्न प्रक्रिया धोरणाला पूरक अशा सवलती देण्याबाबतचे निर्णय महसूल आणि जलसंपदा विभागाने घेतले आहेत. यामुळे अन्न प्रक्रिया उद्योग सुरू करण्यासाठी गती मिळणार असल्याचे कृषिमंत्री पांडुरंग फुंडकर यांनी सांगितले. कृषी विभागातर्फे ऑक्टोबर २०१७ मध्ये अन्न प्रक्रिया धोरण लागू करण्यात आले. त्यामध्ये अन्न प्रक्रिया उद्योगास अकृषिक परवानगी देण्याबाबत तरतूद करण्यात आली आहे. या अनुषंगाने महसूल विभागाने नुकतीच अधिसूचना जारी करत कुठल्याही सूक्ष्म, लघू आणि मध्यम अन्न प्रक्रिया औद्योगिक घटकांसाठी केला जाणारा जमिनीचा वापर हा शेतीच्या प्रयोजनासाठी केलेल्या जाणाऱ्या जमिनीचा वापर असे मानण्यात येईल, अशा प्रकारची सुधारणा करत अधिसूचना जारी करण्यात आली आहे. याच अन्न प्रक्रिया धोरणात उद्योगांना पाणी उपसा परवाना घेण्याबाबतची तरतूद आहे. त्या अनुषंगाने जलसंपदा विभागाने शेतीमालावर आधारित सूक्ष्म, लघू व मध्यम अन्न प्रक्रिया उद्योगांना लागणाऱ्या पाण्याकरिता मानवी पाणी आरक्षणाबाबतची कार्यपद्धती केली आहे. त्यासाठी अशा अन्न प्रक्रिया उद्योगांना जलसंपदा विभागाच्या अखत्यारितील पाणीसाठ्याचा स्राेत म्हणून वापर करावयाचा असल्यास जलसंपदा विभागाकडील पाणी आरक्षणाच्या मंजुरीची आवश्यकता राहणार नाही. या तरतुदींमुळे अन्न प्रक्रिया उद्योगांना गती येणार असून, त्यानुसार प्रकल्पाचे नियोजन करावे, असे आवाहन कृषिमंत्र्यांनी केले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com