वृक्ष लागवडीला वन सत्याग्रहाचे स्वरूप देणार : मुनगंटीवार

वृक्ष लागवडीला वन सत्याग्रहाचे  स्वरूप देणार : मुनगंटीवार
वृक्ष लागवडीला वन सत्याग्रहाचे स्वरूप देणार : मुनगंटीवार

पुणे : हरित महाराष्‍ट्रासाठी या वर्षीच्या १३ काेटी वृक्ष लागवडीला वन सत्याग्रहाचे स्वरूप देण्यात येणार आहे. तर, वृक्ष लागवड ही केवळ चळवळ न राहता यामाध्यामातून राेजगार निर्मितीदेखील करणार आहे, अशी माहिती वनमंत्री सुधीर मुनगंटीवार यांनी गुरुवारी (ता.१७) पत्रकार परिषदेमध्ये दिली.  पुणे महसूल विभागाच्या वृक्ष लागवड नियाेजनाची बैठक मंत्री मुनगंटीवार यांच्या अध्यक्षतेखाली झाली. यानंतर झालेल्या पत्रकार परिषदेमध्ये त्यांनी ही माहिती दिली. या वेळी मंत्री मुनगंटीवार म्हणाले, की सरकारच्या वतीने २०१५ पासून लाेकसहभागातून वृक्ष लागवड करण्यात येत आहे. यंदाच्या वर्षी १३ काेटी  वृक्ष लागवडीचे उ.िद्दष्ट ठेवण्यात आले असून, पुणे विभागाचे उ.िद्दष्ट १ काेटी ५५ लाख ९० हजार वृक्षांचे असून, १२ हजार ४८१ हेक्टरवर लागवड करण्यात येणार आहे. वृक्ष लागवडीतून राेजगार निर्मितीदेखील व्हावी, यासाठी मनरेगाच्या माध्यमातून खासगी क्षेत्रावर तुती, बांबू आणि विविध वृक्षांची लागवड करण्याचा शासन निर्णय काढण्यात आला आहे. तर, फलाेत्पादनासाठीची मर्यादा ६ हेक्टरपर्यंत वाढविण्यात आली आहे. ‘‘बांबूपासून राेजगार निर्मिती करण्यासाठी पुणे विद्यापीठ, महात्मा फुले कृषी विद्यापीठ आणि गाडगेबाबा विद्यापीठामध्ये १ आॅगस्टपासून बांबू प्रशिक्षण केंद्र सुरू करण्यात येणार आहे. तसेच, महामार्ग उभारताना कंत्राटदारांकडून हाेणाऱ्या वृक्षताेडीवर नियंत्रण ठेवण्यासाठी जिल्हाधिकाऱ्यांनी प्रत्येक महिन्याला आढावा घेऊन अहवाल सादर करण्याच्या सूचना देण्यात आल्या आहेत. जंगलांच्या लगत आणि जंगलावर अवलंबून असणाऱ्या १५ हजार ५०० गावांमध्ये उज्ज्वला याेजने अंतर्गत केंद्र शासनाच्या मदतीने १०० टक्के गॅस वाटप करण्यात येणार आहे,’’ असेही मुनगंटीवार यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com