agriculture news in marathi, Form registration mechanism on 'CIB' basis, sadabhau khot, nashik | Agrowon

‘सीआयबी’च्या धर्तीवर नोंदणी यंत्रणा उभारावी
ज्ञानेश उगले
शुक्रवार, 13 ऑक्टोबर 2017

कृषी निविष्ठा निर्मिती करणाऱ्या कंपन्यांनी त्यांच्या उत्पादनाबाबत शेतकऱ्यांमध्ये पुरेशी जनजागृती करणे आवश्‍यक आहे. चुकीचे काम करणाऱ्यांची गय करणार नाही.

-सदाभाऊ खोत, कृषी राज्यमंत्री

नाशिक : ‘सीआयबी’च्या धर्तीवर राज्य स्तरावर बिगर नोंदणीकृत उत्पादननिर्मिती करणाऱ्या कंपन्यांना नोंदणी करणे बंधनकारक करावे. विद्यापीठ व संशोधन केंद्रात या उत्पादनांवर चाचणी घेण्यात यावी. राज्य शासनाने अशी यंत्रणा उभारावी, अशी मागणी शेतकऱ्यांनी कृषी राज्यमंत्री सदाभाऊ खोत यांच्याकडे केली.

यवतमाळ येथे फवारणीदरम्यान झालेल्या विषबाधेमुळे शेतकऱ्यांचा मृत्यू ओढवला. या पार्श्‍वभूमीवर गुरुवारी (ता. १२) श्री. खोत यांच्या अध्यक्षतेखाली झालेल्या शेतकरी, निविष्ठा विक्रेते व अधिकाऱ्यांच्या संयुक्त बैठकीत विशेष चर्चा झाली. बैठकीपूर्वी शासनाच्या शेतकरी सुरक्षा अभियानाच्या रथाला हिरवा झेंडा दाखवून प्रारंभ करण्यात आला.

विभागीय कृषी सहसंचालक सुनील झेंडे, राज्य द्राक्ष बागायतदार संघाचे माजी अध्यक्ष अशोक गायकवाड, अखिल भारतीय द्राक्ष निर्यातदार संघटनेचे अध्यक्ष जगन्नाथ खापरे, नाशिक ॲग्रो डीलर्स असोसिएशन (नाडा)चे अध्यक्ष विजय पाटील, सरचिटणीस भगवान खैरनार, अरुण मुळाणे, अरुण मोरे, प्रशांत निमसे आदी उपस्थित होते.

शासनाने बिगर नोंदणीकृत कृषी निविष्ठांच्या विक्रीवर बंधने आणली आहेत. याही स्थितीत बाजारात मोठ्या प्रमाणावर अशी बिगर नोंदणीकृत, बनावट कीटकनाशके, बायोलॉजिकल पोषके, वाढ नियंत्रके यांचा सुळसुळाट आहे. कृषी निविष्ठा बाजारात येण्याअगोदर सेंट्रल इन्सेक्‍टिसाईड बोर्ड (सीआयबी)कडे नोंदणी होणे आवश्‍यक आहे.

मात्र बहुतांश कंपन्या हा नियम धाब्यावर बसवून बोगस उत्पादनांची विक्री करीत आहेत. या पार्श्वभूमीवर ‘सीआयबी’च्या धर्तीवर राज्य स्तरावर बिगर नोंदणीकृत उत्पादननिर्मिती करणाऱ्या कंपन्यांना नोंदणी करणे करण्याची मागणी करण्यात अाली अाहे.

परवाना असलेली उत्पादनेच दुकानात ठेवा : खोत
बनावट, बिगर नोंदणीकृत उत्पादनांना थारा देऊ नका. परवाना असलेली उत्पादनेच दुकानात ठेवा. पत्र्याच्या शेडमध्ये बायोलॉजिकल कीटकनाशकांची निर्मिती करून शेतकऱ्यांची फसवणूक करणाऱ्यांना आळा घाला. बाहेरच्या राज्यांतून मोठ्या प्रमाणावर बनावट औषधे मागवून त्याचा साठा करणाऱ्यांच्या गोदामावर छापे घाला.

त्यांच्यावर गुन्हे दाखल करा. अशा सूचना खोत यांनी कृषी विभागाच्या अधिकाऱ्यांना दिल्या. कृषी निविष्ठा निर्मिती करणाऱ्या कंपन्यांनी शेतकऱ्यांमध्ये त्यांच्या उत्पादनाबाबत पुरेशी जनजागृती करणे आवश्‍यक आहे. चुकीचे काम करणाऱ्यांची गय करणार नाही, असा इशाराही त्यांनी दिला.

कृषी पदवी नसलेल्या कन्सल्टंटवर गुन्हा
द्राक्ष, डाळिंब शिवारात कन्सल्टंट लोकांचे प्रमाण वाढले असून, शेतीची कुठलीही पार्श्‍वभूमी नसलेले हे लोक शेतकऱ्यांची दिशाभूल करीत आहेत. बऱ्याच कन्सल्टंट लोकांनी स्वत:ची बनावट उत्पादनाची कंपनी स्थापन केली असून, ते बनावट उत्पादने शेतकऱ्यांच्या माथी मारीत असल्याचे शेतकऱ्यांनी श्री. खोत यांच्या निदर्शनास आणून दिले.

त्यावर अशी कन्सल्टंसी करून शेतकऱ्यांना फसवणाऱ्यांवर कारवाई करू. कृषी पदवी नसलेल्या अशा कन्सल्टंटवर गुन्हा दाखल केला जाईल. वितरकांनी व शेतकऱ्यांनी अशा बोगस कन्सल्टंटवर लक्ष ठेवावे. त्यांनी दिलेल्या उत्पादनांच्या चिठ्ठ्या कृषी विभागाकडे द्याव्यात, असे खोत यांनी म्हटले.

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...