वयाच्या 86 वर्षीही सक्रीय राजकारणात डॉ. मनमोहन सिंग यांचा उत्साह कायम

वयाच्या 86 वर्षीही सक्रीय राजकारणात डॉ. मनमोहन सिंग यांचा उत्साह कायम
वयाच्या 86 वर्षीही सक्रीय राजकारणात डॉ. मनमोहन सिंग यांचा उत्साह कायम

नवी दिल्ली - देशाचे माजी पंतप्रधान डॉ. मनमोहन सिंग यांचा आज 86 वा जन्मदिवस आहे. वयाच्या 86 वर्षीही सक्रीय राजकारणात त्यांचा उत्साह कायम आहे. डॉ. मनमोहन सिंग यांचा जन्म पंजाबमधील गाह गावात 26 सप्टेंबर 1932 साली झाला. सध्या हे गाव पाकिस्तानात आहे. काँग्रेससह देशभरातून त्यांच्यावर शुभेच्छांचा वर्षाव होत आहे. जगातील कुशल अर्थशास्त्रज्ञ म्हणून ओळखल्या जाणाऱ्या डॉ. मनमोहन सिंग यांनी सन 2004 ते 2014 या 10 वर्षांच्या काळात देशाच्या पंतप्रधानपदाची धुरा सांभाळली. युपीए सरकारवर अनेक भ्रष्टाचाराचे आरोप झालेत. पण मनमोहन सिंग यांची प्रतिमा आजही प्रामाणिक, पारदर्शी आणि दूरदृष्टीचा नेता अशीच आहे. त्यांचा सहज आणि साधेपणा जनतेला नेहमीच भावतो.   पंतप्रधान नरेंद्र मोदी यांनीही डॉ. मनमोहन सिंग यांना ट्विटरवरुन शुभेच्छा दिल्या आहेत. 'आपल्या माजी पंतप्रधानांना वाढदिवसाच्या शुभेच्छा. मी त्यांच्या उत्तम आरोग्य आणि दिर्षायुष्यासाठी प्रार्थना करतो.' असे मोदींनी आपल्या ट्विटमध्ये म्हटले आहे. काँग्रेसचे अध्यक्ष राहुल गांधी यांनीही ट्विट करत डॉ. मनमोहन सिंग यांना शुभेच्छा दिल्या. 'डॉ. मनमोहनसिंग यांचा जन्मदिवस आमच्यासाठी त्यांनी दिलेल्या राष्ट्राच्या उभारणीसाठी कित्येक वर्षांपासून निस्वार्थ आणि मौल्यवान योगदानाला उजाळा देण्याची एक संधी आहे. मी त्यांच्या उत्तम आरोग्य आणि आनंदी जीवनासाठी शुभेच्छा देतो.' असे राहुल गांधी यांनी म्हटले आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com