agriculture news in marathi, four taluka in only 5.45 percent of the target loan allocation | Agrowon

मराठवाड्यात उद्दिष्टाच्या केवळ ५.४५ टक्‍केच कर्जवाटप
टीम अॅग्रोवन
गुरुवार, 7 जून 2018

औरंगाबाद : मराठवाड्यातील औरंगाबाद, जालना, परभणी व हिंगोली या चार जिल्ह्यांत २ जूनअखरेपर्यंत प्राप्त उद्दिष्टाच्या केवळ ५.४५ टक्‍केच खरीप पीककर्ज वाटप करण्यात आले आहे. त्यामुळे खरीप हंगामासाठी कर्जपुरवठ्यासंदर्भात बॅंका उद्दिष्टपूर्ती बॅंका करतील का, हा प्रश्न असून मुख्यंमत्र्यांनी बॅंकांना दिलेली सूचना कागदावरच राहते की काय अशी अवस्था आहे.

औरंगाबाद : मराठवाड्यातील औरंगाबाद, जालना, परभणी व हिंगोली या चार जिल्ह्यांत २ जूनअखरेपर्यंत प्राप्त उद्दिष्टाच्या केवळ ५.४५ टक्‍केच खरीप पीककर्ज वाटप करण्यात आले आहे. त्यामुळे खरीप हंगामासाठी कर्जपुरवठ्यासंदर्भात बॅंका उद्दिष्टपूर्ती बॅंका करतील का, हा प्रश्न असून मुख्यंमत्र्यांनी बॅंकांना दिलेली सूचना कागदावरच राहते की काय अशी अवस्था आहे.

औरंगाबाद, जालना, परभणी व हिंगोली या चार जिल्ह्यांना येत्या खरीप हंगामासाठी ४८३२ कोटी ५३ लाख ६० हजार रुपये कर्जवाटपाचे उद्दिष्ट देण्यात आले आहे. जिल्हा मध्यवर्ती सहकारी बॅंका, व्यापारी बॅंका व ग्रामीण बॅंक शाखांनी या उद्दिष्टाची पूर्ती करणे अपेक्षित आहे. येत्या वर्षात खरीप व रब्बीसाठी पतपुरवठा करताना जिल्हा सहकारी बॅंकांची आर्थिक स्थिती लक्षात घेऊन शासनाने राष्ट्रीयीकृत बॅंकांवर कर्जवाटपाचा अधिकचा बोजा टाकला आहे. परंतु प्रत्यक्षात कर्जवाटपात या बॅंका मोठ्या प्रमाणात पिछाडीवर असल्याचे चित्र चारही जिल्ह्यांत पाहायला मिळते आहे.

औरंगाबाद, जालना, परभणी व हिंगोली व या चारही जिल्ह्यांत जिल्हा मध्यवर्ती सहकारी बॅंकांनी २ जूनपर्यंत प्राप्त उद्दिष्टाची ८.५४ टक्‍केच पूर्ती केली. दुसरीकडे ग्रामीण बॅंकेने प्राप्त उद्दिष्टाच्या १४.६१ टक्‍के कर्जपुरवठा केला. तर व्यापारी बॅंकांनी केवळ ३.०३ टक्‍के उद्दिष्टपूर्ती केल्याचे चित्र आहे.

५१ हजार २२६ शेतकऱ्यांनाच मिळाले कर्ज
औरंगाबाद, जालना, परभणी व हिंगोली या चारही जिल्ह्यांतील केवळ ५१ हजार २२६ शेतकऱ्यांनाच आजवर २६३ कोटी ५६ लाख १६  हजार रुपये कर्जाचे वाटप करण्यात आले. यामध्ये चारही जिल्ह्यांतील जिल्हा मध्यवर्ती सहकारी बॅंकांनी कर्जपुरवठा केलेल्या ३१ हजार १६४, व्यापारी बॅंकांनी कर्जपुरवठा केलेल्या ९४४८ तर ग्रामीण बॅंकांनी कर्जपुरवठा केलेल्या १० हजार ६१४ शेतकरी सभासदांचा समावेश आहे.

शेतकऱ्यांच्या अडचणीत वाढ
हमीदराने शेतीमाल खरेदीत शासन दावे करीत असले तरी प्रत्यक्षात लाइनवरच नसलेल्या ऑनलाइनच्या जंजाळात अडकण्यापेक्षा गरज ओळखून शेतकऱ्यांना आपला उत्पादित माल हमीदरापेक्षा कमी दराने विकण्याशिवाय पर्याय उरला नाही. मोठ्या प्रमाणात हरभऱ्याची खरेदीच होणे बाकी असताना खरेदी बंद झाल्याने खरिपासाठी पैशाची सोय करणारा हरभरा शेतकऱ्यांना विकता आला नाही. दुसरीकडे विकलेल्या तुरीचे चुकारेही मोठ्या प्रमाणात थकलेले आहेत. अशा स्थितीत कर्जाच्या पुरवठ्याशिवाय शेतकऱ्यांना खरिपाच्या पेरणीची सोय लावणे शक्‍य होईल, असे चित्र नाही. त्यामुळे पतपुरवठ्याअभावी शेतकरी अडचणीत येण्याची शक्‍यताच जास्त आहे.

जिल्हानिहाय कर्ज मिळालेल्या
शेतकरी सभासदांची संख्या
औरंगाबाद    २०५९७
जालना    २२९१९
परभणी    ५६२५
हिंगोली    २०८५
जिल्हानिहाय कर्जपुरवठा
औरंगाबाद    १२५ कोटी २९ लाख ९९ हजार
जालना        ९१ कोटी ५० लाख ०४ हजार
परभणी         ३५ कोटी ११ लाख ४१ हजार
हिंगोली        ११ कोटी ६४ लाख ७२ हजार

चार जिल्ह्यांत बॅंकनिहाय उद्दिष्ट व पूर्ती
बॅंक  उद्दीष्ट   पूर्तता
जिल्हा मध्यवर्ती सहकारी बॅंक ८०० कोटी ६४ लाख ४२ हजा ६८ कोटी ३७ लाख ८३ हजार
व्यापारी बॅंक ३४०१ कोटी ५८ लाख ७१ हजार १०३ कोटी ०८ लाख २६ हजार
ग्रामीण बॅंक ६३० कोटी ३० लाख ४७ हजार ९२ कोटी १० लाख ०७ हजार

 

इतर ताज्या घडामोडी
जळगाव जिल्ह्यात नवती केळीचे दर स्थिरजळगाव ः जिल्ह्यात नवती केळीचे दर मागील आठवड्यात...
कोल्हापुरात फळांची आवक मंदावली,...कोल्हापूर : येथील कृषी उत्पन्न बाजार समितीत या...
कळमणा बाजारात सोयाबीनच्या दरात वाढनागपूर ः सोयाबीनच्या दरात अल्पशी वाढ वगळता कळमणा...
नाशिकला टोमॅटोची आवक वाढली; कांदा,...नाशिक : नाशिक बाजार समितीत गतसप्ताहात टोमॅटोची...
कपाशीतील किडींचे एकात्मिक नियंत्रणसध्या कपाशीचे पीक पाते, फुले व बोंड लागण्याच्या...
सांगली जिल्ह्यात सेंद्रिय शेतमालाला हवी...सांगली जिल्ह्यामध्ये सेंद्रिय शेतीमाल विक्री...
नाशिक जिल्ह्यात सेंद्रिय शेतीची वाटचाल...नाशिक जिल्ह्यात सेंद्रिय शेतीचे तीन वर्षांपूर्वी...
नाशिक, निफाड कारखाना भाड्याने देण्याचा...नाशिक : कर्जबाजारी व आर्थिक डबघाईमुळे गेल्या काही...
अकोला, बुलडाण्यात पीक कर्जवाटप ३०...अकोला  ः शेतकऱ्यांना खरीप हंगामासाठी पीक...
गोंदियातील कृषी सेवा केंद्रे लावणार...गोंदिया   ः जमिनीची गरज ओळखूनच खताची मात्रा...
साताऱ्यात पावसाअभावी पिके करपू लागलीसातारा  : जिल्ह्यात सुमारे एक महिन्यापासून...
नगर जिल्ह्यात पावसाअभावी कांदा लागवड...नगर  ः जिल्हाभरात पावसाअभावी कांदालागवड...
वाशीममध्ये रब्बीत हरभऱ्याचे क्षेत्र...वाशीम  ः या हंगामात जिल्ह्यात चांगला पाऊस...
खरेदी केंद्र सुरू करण्याच्या मागणीसाठी...सातारा  : शेतीमाल खरेदी केंद्रे त्वरित सुरू...
संघर्ष गोकुळ ‘मल्टिस्टेट’चाकोल्हापूर जिल्हा दूध संघ (गोकुळ) मल्टिस्टेट...
'दारुमुळे दरवर्षी अडीच लाखापेक्षा जास्त...नवी दिल्ली- दारूमुळे दरवर्षी जवळपास अडीच...
जालन्यात पाण्यात बुडून तिघांचा मृत्यूजालना : गणपती बाप्पांचे विसर्जन करताना जालना...
शिखर, रोहितने पाकला धुतले; भारत अंतिम...दुबई : पाकिस्तानने उभारलेल्या 237 धावांचा सहजी...
खानदेशात मध्यम पाऊस; नंदुरबारला हुलकावणीजळगाव : खानदेशात शुक्रवारी (ता.२१) मध्यरात्री व...
पुणे जिल्ह्यात ढगाळ हवामानपुणे  : जिल्ह्यात आठवड्याच्या सुरवातीला...