agriculture news in marathi, fourty thousand hector under hailstorm in varhad | Agrowon

वऱ्हाडात गारपिटीने ४० हजार हेक्टर क्षेत्राचे नुकसान
वृत्तसेवा
मंगळवार, 13 फेब्रुवारी 2018

अकोला : वऱ्हाडात गेल्या दोन दिवसांत झालेल्या अवकाळी पाऊस व गारपिटीमुळे सुमारे ४० हजार हेक्टरपेक्षा अधिक क्षेत्रातील पिकांचे नुकसान झाल्याचा प्राथमिक अंदाज व्यक्त केला जात अाहे. रब्बीतील गहू, हरभरा, बीजोत्पादन कांदा, भाजीपाला, संत्रा, केळी, द्राक्ष या पिकांचे अतोनात नुकसान झाले अाहे. कृषिमंत्री पांडुरंग फुंडकर यांनी पंचनामा करण्याबाबत निर्देश दिल्यानंतर कृषी विभागाने तातडीने नजरअंदाज पंचनामे केले अाहेत. 

अकोला : वऱ्हाडात गेल्या दोन दिवसांत झालेल्या अवकाळी पाऊस व गारपिटीमुळे सुमारे ४० हजार हेक्टरपेक्षा अधिक क्षेत्रातील पिकांचे नुकसान झाल्याचा प्राथमिक अंदाज व्यक्त केला जात अाहे. रब्बीतील गहू, हरभरा, बीजोत्पादन कांदा, भाजीपाला, संत्रा, केळी, द्राक्ष या पिकांचे अतोनात नुकसान झाले अाहे. कृषिमंत्री पांडुरंग फुंडकर यांनी पंचनामा करण्याबाबत निर्देश दिल्यानंतर कृषी विभागाने तातडीने नजरअंदाज पंचनामे केले अाहेत. 

गारपीट व अवकाळी पावसामुळे बुलडाणा जिल्ह्यात सुमारे ३५ हजार हेक्टरवरील गहू, हरभरा, भाजीपाला, द्राक्ष, केळी, अांबे या फळबागांचे नुकसान झाले. अकोला जिल्ह्यात नुकसानाचे क्षेत्र ४ हजार ३६०  हजारांपर्यंत तर वाशीममध्ये पाच हजार हेक्टरपर्यंत नुकसानीचे क्षेत्र असल्याचे सांगितले जाते. प्रशासन सध्या अाकड्यांची जुळवाजुळव करीत अाहे.   

बुलडाणा जिल्ह्यात सुमारे पावणेचारशे गावे या अापत्तीत सापडली. वाशीम जिल्ह्यात रिसोड व मालेगाव तालुक्यांतील २५ गावांमध्ये धुवांधार गारपीट झाली. अकोला जिल्ह्यात तेल्हारा, अकोट, अकोला, मूर्तिजापूर, बार्शीटाकळी, पातूर तालुक्यांमध्ये अवकाळी पावसाने धुमाकूळ घातला. अकोला जिल्ह्यात मूर्तिजापूर तालुक्यात हरभरा पिकाचे सर्वाधिक पावणेचार हजार हेक्टरवर नुकसान झाले.

वीज पडून युवती ठार
रविवारी (ता. ११) मोताळा तालुक्यातील गिरोली येथील निकीता गणेश राठोड (वय १६) ही कापूस वेचत असताना वीज पडल्याने मृत्यूमुखी पाडली. तर या घटनेत तिची बहीण नेहा ही जखमी झालेली अाहे. 

शेतकऱ्यांना वाऱ्यावर सोडणार नाही  
कृषिमंत्री पांडुरंग फुंडकर यांनी सोमवारी (ता. १२) सकाळी बुलडाणा जिल्ह्यात काही ठिकाणी नुकसान झालेल्या पिकांची पाहणी करून प्रशासनाने तातडीने माहिती गोळा करण्याची सूचना केली. शेतकऱ्यांना एनडीआरएफ व विम्यातून मदत करणार असल्याचे त्यांनी सांगितले. या वेळी फुंडकर म्हणाले, राज्यात विदर्भ आणि मराठवाड्यासह इतर काही भागांत अवकाळी पाऊस व गारपिटीमुळे पिकांचे मोठे नुकसान झाले. या नुकसानीचे त्वरित पंचनामे करण्याचे आदेश दिले असून, जिल्हा प्रशासनाने विमा कंपन्यांची बैठक घेऊन गावनिहाय नुकसान झालेली आकडेवारी त्यांना उपलब्ध करून द्यावी. ज्या शेतकऱ्यांनी विमा उतरविला नसेल त्यांना नैसर्गिक आपत्तीतून मदत दिली जाईल. शेतकऱ्यांना वाऱ्यावर सोडणार नसून, त्यांच्या पाठिशी भक्कमपणे सरकार उभे राहील असेही त्यांनी सांगितले. 

पक्ष, संघटनांकडून मदतीची मागणी
दोन दिवसांतील गारपिटीच्या अापत्तीमुळे शेतकऱ्यांचे मोठे नुकसान झाले. शासनाने याबाबत तातडीने पंचनामे करून शेतकऱ्यांना मदत द्यावी, अशी मागणी शिवसेना, काँग्रेस, राष्ट्रवादी काँग्रेस या पक्षांसह स्वाभिमानी शेतकरी संघटनेने केली अाहे.

इतर ताज्या घडामोडी
शेतकऱ्याने तयार केली डिझेलवरची बाईकसांगली : वाढत्या पेट्रोलच्या सुटकेसाठी...
शेतकऱ्यांना फसविणारे विक्रेते,...सोलापूर : शेतकरी केंद्रबिंदू मानून...
धुळे जिल्ह्यात पूर्वहंगामी कापूस...धुळे : जिल्ह्यात पूर्वहंगामी कापूस लागवडीची...
जळगाव जिल्ह्यात खरिपासाठी मुबलक खतेजळगाव : जिल्ह्यात आगामी खरिपासाठी शेतकऱ्यांची...
सोलापुरात गाजर, काकडीचे दर वधारले,...सोलापूर ः सोलापूर कृषी उत्पन्न बाजार समितीच्या...
कारखान्यांनी थकीत `एफआरपी' त्वरीत...सोलापूर : जिल्ह्यातील साखर कारखान्यांनी थकवलेले...
हमीभाव खरेदी बंद होताच तुरीचे दर झाले...नागपूर ः शासनाची हमीभाव खरेदी बंद होताच तुरीचे दर...
नगरला गव्हाला १६४१ ते १८५० रुपये...नगर : नगर बाजार समितीत गव्हाची आवक बऱ्यापैकी होत...
नाशिकला आंबा, खरबूज, कलिंगड तेजीतनाशिक : वाढत्या उन्हाबरोबरच नाशिक बाजार समितीत...
कासवाच्या लिंगनिर्धारणामागील जनुकीय...गेल्या ५० वर्षांपासून अंडी उबण्याच्या...
सातारा जिल्ह्यात पाणीटंचाई वाढलीसातारा  : जिल्ह्यात पाणीटंचाईच्या झळा वाढू...
अग्रणी नदी पुन्हा अतिक्रमणाच्या विळख्यातसांगली : तासगाव, कवठेमहांकाळ तालुक्‍यांतील अग्रणी...
पुण्यातील डाळिंब, पेरू, चिकू बागांना...पुणे  : जिल्ह्यातील मृग बहारातील डाळिंब,...
इंदापुरातील नीराकाठची पिके जळण्याच्या...वालचंदनगर, जि. पुणे  ः इंदापूर तालुक्‍यातील...
नगर जिल्ह्यात ‘कृषी’च्या कामांवरच ‘...नगर  ः जलयुक्त शिवार अभियानाची कामे...
विषबाधा बळीप्रकरणी पावणेदोन कोटींची मदतअकोला : कीटकनाशक फवारणी करताना विषबाधा होऊन मृत...
हिंगोलीतील १०३ गावांची ‘जलयुक्त शिवार’...हिंगोली : जलयुक्त शिवार अभियानाच्या चौथ्या...
विधान परिषदेच्या ६ जागांसाठी उत्साहात...मुंबई ः स्थानिक स्वराज्य संस्थांमधून विधान...
सैन्य दलात अधिकारी होण्याची संधीमुंबई : भारतीय सैन्यदल, नौदल व वायुदलात...
कर्नाटक: कामगारांच्या पत्राशेडमध्ये...विजयपूर : नुकतेच कर्नाटकात विधानसभेची निवडणुका...