agriculture news in Marathi, fraud with grapes producers, Maharashtra | Agrowon

द्राक्ष उत्पादकांची पुन्हा फसवणूक
टीम अॅग्रोवन
बुधवार, 15 मे 2019

नाशिक : स्थानिक निर्यातदाराने नाशिक जिल्ह्यातील द्राक्ष उत्पादकांची १ कोटी ९० लाख रुपये फसवणुकीचे प्रकरण ताजे असताना ओझर येथील गोपाळ धामट या व्यापाऱ्याने द्राक्ष उत्पादकांना अधिक भावाचे अमिष दाखवून दोन कोटी रुपयांची फसवणूक केल्याचे प्रकरण समोर आले आहे. 

नाशिक : स्थानिक निर्यातदाराने नाशिक जिल्ह्यातील द्राक्ष उत्पादकांची १ कोटी ९० लाख रुपये फसवणुकीचे प्रकरण ताजे असताना ओझर येथील गोपाळ धामट या व्यापाऱ्याने द्राक्ष उत्पादकांना अधिक भावाचे अमिष दाखवून दोन कोटी रुपयांची फसवणूक केल्याचे प्रकरण समोर आले आहे. 

याबाबत सविस्तर माहिती अशी, की गोपाळ धामट हा ओझर येथील रहिवासी असून तो द्राक्ष व्यापारी आहे. त्याने सिद्ध पिंपरी, जानोरी यांसह निफाड तालुक्यातील ओझर, कोकणगाव, ओझर, कसबे सुकेणे, दात्याने, दीक्षी या गावांतील द्राक्ष उत्पादक शेतकऱ्यांना सुमारे दोन कोटी रुपयांची फसवणूक केली आहे. धामट यांनी या वर्षी सुरवातीला ओझर, पिंपळगाव, सय्यद पिप्री, आडगाव या शिवारातील शेतकऱ्यांकडून द्राक्ष विकत घेतली होती.

रोख रक्कम अदा करत द्राक्ष उत्पादकांचा विश्वास संपादन केला. जास्त भाव देतो असे सांगितले. नंतर व्यवहार करताना धनादेश देत धामट यांनी शेतकऱ्यांच्या बांगामधील द्राक्ष खरेदी केले. स्थानिक व्यापारी असल्याने शेतकऱ्यांनी त्यांच्यावर विश्वास ठेवला. मात्र द्राक्ष उत्पादकांना दिलेल्या रकमेचे धनादेश न वटल्याने शेतकऱ्यांनी पैशांसाठी धामट यांच्याकडे वेळोवेळी संपर्क साधला. मार्च अखेर असल्याने पेमेंट वेळेवर मिळत नसल्याचे करण देत धामट यांनी काही दिवस वेळ मारून नेली. त्यानंतर २३ मार्चपासून त्यांच्याशी संपर्क होऊ शकलेला नाही. त्यांच्या कुटुंबीयांशी थेट विचारल्यानंतर त्यांच्या पत्नी व भावाने वेळोवेळी उडवाउडवीची उत्तरे दिले. असे या निवेदनात म्हटले आहे.

मोबाईल बंद करत धामट पसार झाला असे समजल्यानंतर संतप्त द्राक्ष उत्पादकांनी ओझर पोलिस ठाणे गाठत तक्रार केली. मात्र पोलिसांनी व्यापाऱ्याच्या विरोधात गुन्हा दाखल केला नव्हता. व्यापाऱ्यावर गुन्हा दाखल करून त्याला ताब्यात घ्यावे, अशी मागणी शेतकऱ्यांसह शिवसेनेचे खासदार हेमंत गोडसे आणि आमदार योगेश घोलप यांनी जिल्हा पोलिस अधीक्षक आरती सिंग यांच्याकडे निवेदनाद्वारे केली. शेतकऱ्यांची मागणी न्यायिक असल्याचे मान्य करत सदर व्यापाऱ्यावर गुन्हा दाखल करण्याचे आदेश सिंग यांनी दिले. 

या वेळी जिल्हा परिषद सदस्य व द्राक्ष बागायतदार संघाचे संचालक यतीन कदम, शेतकरी संघटनेचे अर्जुनतात्या बोराडे, सेनेचे उपजिल्हाप्रमुख अनिल ढिकले, सोमनाथ ढिकले, नामदेव ढिकले, बाळासाहेब राजोळे, सुधाकर ढिकले आदींसह शेतकरी मोठ्या संख्येने उपस्थित होते.

गुन्हा दाखल करण्यास टाळाटाळ
नाशिक जिल्ह्यातील चालू द्राक्ष हंगामात व्यापाऱ्यांकडून फसवणुकीचे हे चौथे प्रकरण समोर आले आहे. शेतकरी आर्थिक फसवणूक झाल्यानंतर स्थानिक पोलिसात तक्रार घेऊन गुन्हा दाखल करण्यासाठी जातात. मात्र स्थानिक पोलिसांकडून सकारात्मक प्रतिसाद मिळत नाही, तसेच गुन्हा दाखल करून घेतले जात नसल्याने शेतकऱ्यांनी न्याय कुणाकडे मागायचा हा प्रश्न उपस्थित करण्यात येत आहे.

इतर अॅग्रो विशेष
‘कृष्णा’ आली दिघंचीच्या अंगणीदिघंची, जि. सांगली ः  अनेक वर्षे दिवास्वप्न...
जनावरांच्या बाजारातील व्यवहार उधारीवरचपरभणी: खरिपाच्या पेरणीच्या तोंडावर काहीशी...
सहकार विभाग आयुक्तांविना पोरकापुणे : गेल्या आठ महिन्यांपासून राज्याच्या सहकार...
आत्मा प्रकल्प संचालक चौकशीत दोषीपुणे: कृषी खात्यातील वादग्रस्त अधिकारी बी. एन....
लोकसभा निवडणुकीत भाजपच्या ‘व्होट शेअर’...पुणे : यंदाच्या लोकसभा निवडणुकीत भारतीय जनता...
खानदेशात पूर्वहंगामी कापूस लागवड सुरू जळगाव ः खानदेशात मुबलक जलसाठे किंवा कृत्रिम...
कोकण वगळता उष्ण लाटेचा इशारापुणे : विदर्भ, मराठवाडा, मध्य महाराष्ट्राच्या...
शेतकऱ्यांनो विकते ते पिकवाः डॉ. भालेअकोला ः येत्या हंगामात पीक लागवड करताना...
हतबलतेतून फळबागांवर कुऱ्हाड अन्‌...जालना : जीवापाड जपलेली बाग वाचविण्यासाठी रानोमाळ...
विषाणूंद्वारे खोल मातीतही पोचविता येतील...मातीमध्ये खोलवर पिकाच्या मुळावर एखाद्या बुरशी...
जळगाव : शिवारात पाणीबाणी, शेतकरीराजा...जळगाव ः गावात तीन वर्षांपासून पावसाच्या लहरीपणाने...
हरवले जलभान कोनाड्यात‘नॅशनल एरोनॉटिक्स अँड स्पेस ॲडमिनिस्ट्रेशन’...
मोदी लाटेचे गारुडसतराव्या लोकसभेचे भवितव्य स्पष्ट झालेले आहे. खरे...
राज्यात महायुतीची त्सुनामी...मुंबई  ः सतराव्या लोकसभेच्या निवडणुकीत देशभर...
चंदन लागवडचंदन मध्यम उंच आणि परोपजीवी प्रजाती आहे....
हुमणीच्या प्रौढ भुंगे­ऱ्यांचा सामुदायिक...गेल्या काही वर्षांत राज्यामध्ये हुमणी अळीचा...
संरक्षित शेतीतून आर्वीतील शेतकऱ्यांची...वाढती पाणीटंचाई आणि  बदलत्या हवामानामुळे...
उन्हाचा चटका ‘ताप’दायकपुणे : सूर्य चांगलाच तळपल्याने उन्हाचा चटका...
राजू शेट्टींच्या पराभवाने शेतकरी...कोल्हापूर ः शेतीविषयक विविध प्रश्‍नांबाबत देश...
मोदीच आजच्या महाविजयाचे महानायक : अमित...नवी दिल्ली : देशभरात पंतप्रधान नरेंद्र मोदींच्या...