agriculture news in Marathi, friends help family after accidental death of friend, Maharashtra | Agrowon

कृषिमित्राच्या अपघाती निधनानंतर कुटुंबीयांच्या मदतीसाठी धावले मित्र!
टीम अॅग्रोवन
मंगळवार, 2 जानेवारी 2018

करमाळा येथे तलाठी असलेला आमचा कृषिमित्र समाधान देसाई अपघातात गेला. त्याच्यानंतर कुटुंबीयांना आधार मिळावा म्हणून आम्ही सर्वांनी मुलाच्या नावाने बॅंकेत ठेव आणि भावाच्या शिक्षणासाठी मदत केली. रस्ते अपघातावर नियंत्रण यावे यासाठी आम्ही प्रबोधनही करतोय. 
- विजयानंद विधाते-पाटील, सहायक पोलिस निरीक्षक, सोलापूर

सोलापूर: कृषी पदवी घेऊन तलाठी म्हणून कार्यरत असलेल्या समाधान देसाई यांचे नुकतेच अपघाती निधन झाले. या निधनानंतर देसाई यांच्या कुटुंबीयांवर आभाळ कोसळले, पण २००२ मध्ये कृषी पदवी घेतलेल्या समाधानच्या त्या वेळच्या कृषिमित्रांनी एकत्र येऊन कुटुंबीयांना मदतीचा हात दिला.

सोलापुरात सहायक पोलिस निरीक्षक असलेल्या कृषिमित्र विजयानंद विधाते-पाटील यांनी त्यासाठी पुढाकार घेतला. त्यांच्या पुढाकारातून समाधान यांच्या दोन महिन्यांच्या मुलाच्या नावे बॅंकेत ५० हजारांची ठेव आणि भावाच्या शिक्षणासाठी १० हजारांचा धनादेश देण्यात आला. कृषिमित्रांनी आपल्या मित्राच्या कुटुंबीयांसाठी पुढे केलेल्या या मदतीने या मित्रांचे कौतुक होत आहे. 

कारी (ता. बार्शी) येथील समाधान देसाई हे करमाळा येथे तलाठी पदावर कार्यरत होते. ३ डिसेंबर २०१७ रोजी दुचाकीवरून कामावर जाताना ट्रकच्या धडकेने देसाई यांचा मृत्यू झाला. या घटनेनंतर देसाई कुटुंबीयांवर दु:खाचा    डोंगर कोसळला. घरातला कर्ता माणूस गेल्याने देसाई यांच्या मुलाच्या भविष्याचा आणि देसाई यांच्या भावाच्या शिक्षणाचा प्रश्‍न उभा राहिला. कारी येथील कृषिमित्र, सोलापूर शहर वाहतूक नियंत्रण शाखेचे सहायक पोलिस निरीक्षक विजयानंद विधाते-पाटील यांनी वेळ न दवडता देसाई कुटुंबीयांना आर्थिक मदत मिळवून देण्यासाठी पुढाकार घेतला. 

कोल्हापूर येथील कृषी महाविद्यालयात २००२ मध्ये कृषी पदवी घेतलेल्या कृषिमित्रांशी विधाते-पाटील यांनी संपर्क केला. राज्यभरात विविध पदांवर कार्यरत असलेल्या कृषिमित्रांनी आपापल्या परीने देसाई कुटुंबीयांसाठी मदतीचा हात दिला आणि बघताबघता ६० हजार रुपये जमा झाले. त्यानंतर गेल्या आठवड्यात सहायक पोलिस निरीक्षक विधाते-पाटील यांनी   देसाई यांच्या घरी जाऊन त्यांच्या लहान मुलाच्या नावे फिक्‍स्ड डिपॉझिट  ठेवण्यासाठी ५० हजार रुपये आणि भाऊ अक्षयच्या शिक्षणासाठी १० हजारांचा धनादेश दिला. 

या वेळी सरपंच खासेराव विधाते, ग्रामपंचायत सदस्य डॉ. देवेंद्र डोके, परीक्षित विधाते, सचिन पाटील, राजेश पवार आदी उपस्थित होते. 

इतर अॅग्रो विशेष
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
साखर कारखान्यांची धुराडी आजपासून पेटणारपुणे: राज्यातील साखर कारखान्यांच्या गाळप हंगामाला...
सहकारी बॅंकांना एकाच छताखाली आणणार :...पुणे ः सहकार क्षेत्राला ‘अच्छे दिन’ आणण्यासाठी...
चला मिरचीच्या आगारात राजूरा बाजारात...मिरचीचे आगार अशी ओळख अमरावती जिल्ह्यातील राजूरा...
‘एसआरटी’ तंत्राने मिळाली उत्पादनासह...पेंडशेत (ता. अकोले, जि. नगर) या कळसूबाई शिखराच्या...
तुटवड्यामुळे कांद्याच्या दरात सुधारणानवी दिल्ली ः देशातील महत्त्वाच्या कांदा उत्पादक...
कृषी विद्यापीठांचे संशोधन आता एका...मुंबई ः राज्यातील चारही कृषी विद्यापीठांनी केलेले...
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...