agriculture news in Marathi, fruit fly attack on Custard apple, Maharashtra | Agrowon

सीताफळाला फळमाशीचा डंख
सुदर्शन सुतार
रविवार, 10 डिसेंबर 2017

सीताफळाच्या उशीराच्या वाणामध्ये हा प्रादुर्भाव वाढतो आहे. त्यात शेतकऱ्यांचे नुकसान होते आहे. आम्ही शासनाला अशा प्रसंगात मदतीसाठी पाठपुरावा करणार आहोत. 
- नवनाथ कसपटे, अध्यक्ष, अखिल भारतीय सीताफळ उत्पादक संघ,

सोलापूर ः कोरडवाहू शेतकऱ्यांचा आधार ठरू पाहणाऱ्या सीताफळामध्ये यंदाच्या हंगामात नैसर्गिक आपत्ती आली असून, गोडीस उतरलेल्या सीताफळाला फळमाश्‍या डंख लावत आहेत. राज्यातील सुमारे १५ हजार हेक्‍टरवरील सीताफळाच्या बागांवर या फळमाश्‍यांचा प्रादुर्भाव झाल्याचा अंदाज आहे. परिणामी, खराब फळामुळे सीताफळाचा बाजारही पुरता पडला असून, शेतकऱ्यांना मोठी आर्थिक झळ सोसण्याची वेळ आली आहे.  

सोलापूर, नगर, बीड, जालना, बुलडाणा या भागातील कोरडवाहू पट्ट्यात बहुतांश क्षेत्रावर सीताफळाची लागवड आहे. कमी खर्च आणि कमी पाण्यावर येणाऱ्या या फळामुळे गेल्या काही वर्षांत या भागातील शेतकरी सीताफळाकडे वळले आहेत. साहजिकच, त्यामुळे सीताफळाचे क्षेत्रही मोठ्या प्रमाणात वाढले.

आजघडीला राज्यात सुमारे ७० हजार हेक्‍टरपर्यंत सीताफळाचे क्षेत्र आहे. चांदसिली, ऑटोमोया, ऍनोना-२, बाळानगरी, एनएमके-१, अर्कासहान यासारख्या विविध संकरित आणि निवड पद्धतीची वाणे राज्यात लागवड झालेली आहेत. साधारणपणे, जूनमध्ये सीताफळाचा बहार धरला जातो, पण यापैकी काही वाणांचे उत्पादन काहीसे उशिरा येते आणि यंदा नेमके उशीराने फळास आलेल्या सीताफळ वाणावरच ‘‘फळमाशी’ने घुसखोरी केली आहे. त्याची मोठी झळ शेतकऱ्यांना सोसावी लागत आहे.

फळमाशीचा असाही प्रदुर्भाव
ऑक्‍टोबर- नोव्हेंबर महिन्यात साधारण ऑक्‍टोबरहिट नंतर फळमाशीचा प्रादुर्भाव सर्वाधिक वाढतो. याच काळात उशिराच्या बहारातील गोडीस उतरलेल्या सीताफळावर ही फळमाशीचा प्रादुर्भाव होतो. फळमाशी फळांमध्ये अंडी घालते. या अंड्यातून बाहेर पडलेल्या अळ्या पल्प खातात आणि फळाचे पूर्ण शोषण करतात, परिणामी, फळ आतून सडून जाते. 

दर्जा घसरल्याने बाजार पडला
सीताफळासाठी मुंबई, पुणे या बाजारपेठा चांगल्या आहेत. या बाजारात सीताफळाला चांगला उठाव मिळतो, पण सडलेल्या, खराब झालेल्या सीताफळामुळे बाजार पुरता पडला आहे. सध्या सीताफळाला प्रतिकिलो सर्वाधिक १५० रुपये, सरासरी ७० रुपये आणि किमान ५० रुपये इतका दर आहे. एरवी याच हंगामात हा दर दुपटीने वाढलेला असतो.

प्रतिक्रिया
ऑक्‍टोबरहिटनंतर फळमाशीचा प्रादुर्भाव वाढतोच, त्यासाठी शेतकऱ्यांनी पहिल्यापासूनच कामगंध सापळ्याचा वापर केला पाहिजे. फळमाशीला रोखण्यासाठी आवश्‍यक त्या फवारण्या वेळीच केल्या तर ही समस्या येणार नाही. मुख्यतः उशीराच्या येणाऱ्या फळावरच त्याचा प्रादुर्भाव जास्त जाणवतो. त्यादृष्टीने कीडरोगाचे नियंत्रण व्हायला हवे.
- सुनील लाहोटे, सहाय्यक प्राध्यापक, अंजीर-सीताफळ संशोधन केंद्र, जाधववाडी (पुरंदर)

 

 

इतर अॅग्रो विशेष
दक्षिण अशियात मॉन्सूनचा पाऊस सरासरी...पुणे : भारतासह दक्षिण आशियातील देशांच्या बहुतांशी...
विश्वासावर बहरेल व्यापारचीन-अमेरिकेमध्ये चालू असलेल्या व्यापार युद्धाच्या...
निवडणुकीने दुष्काळ खाऊन टाकू नये म्हणून...लोकसभेच्या निवडणुकीमुळे राजकीय हवामान-बदल होत...
उपलब्ध पाण्याचे गणित मांडा...अनेक कारणांमुळे जलसंधारण ही सोपी वाटणारी म्हणून...
उत्कृष्ठ कारली पिकवण्यात पाटील यांचा...लोणी (ता. चोपडा, जि. जळगाव) येथील भरत, गणेश व...
पेरू, अॅपलबेरमधून पीक बदल, कष्टातून...पारंपरिक शेती पद्धतीत बदल करून व सेंद्रिय...
राज्यात उरले अवघे ३०५ टीएमसी पाणीपुणे (प्रतिनिधी) : उन्हाच्या झळांना होरपळ वाढून...
केंद्राकडून यंदा खरिपात १२ टक्के अधिक...पुणे : राज्यासाठी गेल्या खरीप हंगामाच्या तुलनेत...
उन्हाचा चटका पुन्हा वाढण्याची शक्यतापुणे : मागील आठवड्यात झालेला पूर्वमोसमी वादळी...
सूर्य तळपताना छत करा दुरुस्तआठवड्यापूर्वी आलेल्या चांगल्या पावसाच्या अंदाजाने...
आयोगाचा कारभार प्रश्‍नचिन्हांकितप्रत्येक निवडणुकीची रीत न्यारी असते,...
पाणी व्यवस्थापनातून वाढविली कापसाची...आत्महत्याग्रस्त यवतमाळ जिल्ह्यातील अंबोडा (ता....
पाणी व्यवस्थापनातून नळावणे गावाची...अनेक वर्षांच्या पाणीटंचाईतून मुक्त होण्यासाठी...
डेरे यांनी उभारली अत्याधुनिक सिंचन...सातारा जिल्ह्यातील कवठे येथील अतुल डेरे यांनी...
‘आर्टिफिशियल इंटिलिजन्स’कडे आयटी...‘आर्टिफिशियल इंटिलिजन्स’ हेच येत्या काळातील...
पाणी व्यवस्थापनातून ग्रामविकासपाण्यासाठी कायम संघर्ष करीत असलेल्या कान्होळ (जि...
अवघी कारभारवाडी झाली ठिबकमयकोल्हापूर जिल्ह्यातील कारभारवाडी (ता. करवीर) येथे...
सर्वाधिक ६५० शेततळ्यांचं अजनाळेसोलापूर जिल्ह्यातील सांगोला तालुका दरवर्षीच...
अल्पभूधारकांच्या आयुष्यात जलश्रीमंती बुलडाणा जिल्ह्यात जानेफळ परिसरात शासनाच्या...
सत्तावीस गटांच्या बळातून घडली किमयासंगमनेर (जि. नगर) तालुक्यातील सावरगाव तळ...