agriculture news in Marathi, fruit rot in graips in sangali District, Maharashtra | Agrowon

सांगली जिल्ह्यात द्राक्षबागांमध्ये ५० टक्के फळकूज
अभिजित डाके
गुरुवार, 26 ऑक्टोबर 2017

खानापूर घाटमाथ्यावर रिमझिम पावसामुळे फळगळ आणि फळकूज मोठ्या प्रमाणात झाली आहे. दिवसेंदिवस खर्चात वाढ होत आहे. दिवाळीही बागेतच साजरी करावी लागली. 
- अरविंद पाटील, निर्यातक्षम द्राक्ष उत्पादक, पळशी, जि. सांगली.

सांगली ः परतीच्या पावसाने द्राक्ष उत्पादकांना चांगलाच फटका बसला. द्राक्षावर डाउनीचा प्रादुर्भाव झाला. डाउनी कमी होत असतानाच सततच्या पावसाने द्राक्ष घडांमध्ये पाणी साचून राहिल्याने सुमारे ५० टक्क्यांहून अधिक फळकूज झाली. यामुळे उत्पादनात सुमारे ३० टक्के घट होण्याचा प्राथमिक अंदाज आहे.

त्यात वाढ होण्याची शक्यता असल्याचे शेतकऱ्यांनी सांगितले. 
सांगली जिल्ह्यात सुमारे १ लाख एकर द्राक्षाचे क्षेत्र आहे. सुमारे पन्नास टक्के शेतकऱ्यांनी आगाप फळछाटणी घेतली आहे. त्यातच पोंगा अवस्थेत असताना द्राक्षबागांवर डाउनी रोगाचा प्रादुर्भाव झाला.

शेतकऱ्यांनी फवारणी केल्याने डाउनीचा प्रादुर्भाव काहीशा प्रमाणात कमी झाला असतानाच पंधरा दिवस झालेल्या पावसाने द्राक्ष उत्पादकांच्या कष्टावर पाणी फिरले. द्राक्ष मण्यांमध्ये पाणी साचून राहिल्याने फळकूज होण्यास प्रारंभ झाला. यामुळे शेतकरी मोठ्या संकटात सापडला आहे. परिणामी उत्पादनात मोठी घट होण्याची शक्‍यता आहे.

अस्मानी संकट आल्याने द्राक्षबागा वाचवण्यासाठी शेतकऱ्यांची धडपड सुरू आहे. आजअखेर प्रत्येक शेतकऱ्यांनी लाखो रुपये खर्च केल्याने आर्थिक चणचण भासू लागली. आता आर्थिक तरतूद कशी करायच, असा प्रश्‍न शेतकऱ्यांसमोर आहे. अगोदर घेतलेल्या कर्जाची परतफेड झाली नाही. यामुळे बॅंका कर्ज देणार का, असा प्रश्‍न आहे. त्यामुळे खासगी सावकारांकडून कर्ज घेतल्याशिवाय दुसरा पर्याय नाही.

उत्पादनात घटीची शक्‍यता
जिल्ह्यात एक लाख एकर द्राक्षाचे क्षेत्र आहे. त्यापैकी सुमारे ५० ते ६० टक्‍क्‍यांहून अधिक म्हणजे ५० हजार ते ६० हजार क्षेत्रामध्ये आगाप फळ छाटण्या झाल्या आहेत. त्यातील सुमारे ५० टक्के क्षेत्रात डाउनी, फळगळ आणि फळकूज याचा फटका बसला आहे. यामुळे या क्षेत्रातील द्राक्षाचे उत्पादन ३० टक्के घटण्याची शक्‍यता आहे. परिणामी द्राक्ष उत्पादक शेतकऱ्यांनी आजपर्यंत घातलेला खर्च मिळणे अवघड होणार आहे.

नुकसानीचे पंचनामे करा
द्राक्ष हे जिल्ह्यातील एकमेव नगदी पिक आहे. मात्र, या वेळी ऐन छाटणी आणि नंतरच्या काळात पावसामुळे द्राक्षाचे मोठे नुकसान झाले आहे. नुकसान झालेल्या द्राक्षबागेचे तात्काळ पंचनामे तत्काळ पंचनामे करावे, तसेच पर्जन्यमापन यंत्रे गावनिहाय बसवावे अशी मागणी जिल्हा परिषदेचे सदस्य जिल्हाधिकाऱ्यांकडे करणार आहेत. 

प्रतिक्रिया
माझी दहा एकर द्राक्षबाग आहे. त्यातील काही क्षेत्रात आगाप छाटणी घेतली आहे. एका एकरात ५० टक्के फळकूज झाली आहे. आता याची आर्थिक झळ सोसावी लागणार हे नक्की.
- भैया लांडगे, द्राक्ष उत्पादक, मणेराजुरी, जि. सांगली

द्राक्षबागेत पाणी साचल्याने आत्ताचे पीक येणार नाही अशी स्थिती निर्माण झाली आहे. पुढील वर्षी पीक घेण्यासाठी बाग जगविण्याशिवाय दुसरा पर्याय नाही. त्यासाठी खर्च करावाच लागणार आहे.
- किरण भोसले, द्राक्ष उत्पादक, मळणगाव, जि. सांगली.

इतर अॅग्रो विशेष
पडला सत्याचा दुष्काळ, बहू झाला घोळराज्याचे मुख्यमंत्री देवेंद्र फडणवीस यांनी २३...
चारा नियोजनातील ‘दुष्काळ’राज्यात आजपासून हिवाळी अधिवेशन सुरू होणार आहे....
मोहोळमध्ये ‘हुमणी‘ने १७ हजार एकरांचे...मोहोळ, जि. सोलापूर : तालुक्‍यातील सात महसुली...
पॉलिथिन पिशव्यांचा वापर थांबविण्याचे...पुणे   : राज्यातील कृषी तसेच वन विभागातील...
ढगाळ हवामानामुळे थंडी गायब; आजही...पुणे : अरबी समुद्रात असलेल्या तीव्र कमी दाब...
तमिळनाडूच्या धर्तीवर मराठा समाजाला...मुंबई : मूळ आरक्षणाला धक्का न लावता तमिळनाडूच्या...
ब्लॉक प्रिंटिंग व्यवसायातून आर्थिक...पूर्व विदर्भातील भंडारा, वर्धा या जिल्ह्यांत...
दुष्काळग्रस्तांना सरसकट हेक्टरी ५० हजार...मुंबई : राज्यात यंदा १९७२ पेक्षाही भयंकर...
दूध अनुदान योजनेस ३१ जानेवारीपर्यंत...पुणे : राज्यात उत्पादित होणाऱ्या (पिशवी बंद...
आता कोठे धावे मन । तुझे चरण देखलिया...पंढरपूर, सोलापूर (प्रतिनिधी) :  आता कोठे...
मराठवाड्यात रब्बीची केवळ १९ टक्‍केच...औरंगाबाद : मराठवाड्यात यंदा दुष्काळाची छाया किती...
केळीच्या आगारातून आखातात जाणार ४००...जळगाव ः केळीचे आगार असलेल्या जळगाव जिल्ह्यातून...
महाकॉट ब्रॅण्डची चमक पडली फिकीजळगाव ः पूर्व विदर्भ, उत्तर मराठवाडा व खानदेशातील...
शेतीला मिळाली पूरक उद्योगाची साथअंबाणी (जि. सातारा) येथील सौ. सुरेखा पांडुरंग...
दक्षिण कोकण, पश्‍चिम महाराष्ट्रात आज...पुणे : दक्षिण भारतामध्ये असलेल्या ‘गज’...
अभ्यास अन् नियोजनातून शेती देते समाधाननाशिक शहरातील प्रख्यात हृदयरोगतज्ज्ञ डॉ. अनिरुद्ध...
‘सीसीआय’ची कापूस खरेदी मंगळवारपासून...जळगाव : कापूस खरेदीसंबंधी जिनिंगमध्ये केंद्र...
दुष्काळ, मराठा आरक्षण अधिवेशनात गाजणारमुंबई : उद्यापासून (ता. १९) मुंबईत सुरू होत...
शेतकऱ्यांच्या विधवांचे २१ला मुंबईत...मुंबई : देशभरात विविध शेतकऱ्यांचे मोर्चे...
बा सरकार, प्रश्न जगण्याचा आहे!‘‘ज रा कुठे दुष्काळ पडला, गारपीट झाली,  पूर...