agriculture news in Marathi, Fuel rate hike | Agrowon

इंधन दरवाढ शेतकऱ्यांच्या मुळावर
टीम अॅग्रोवन
सोमवार, 17 सप्टेंबर 2018

औरंगाबाद : इंधन दरवाढीचा थेट आघात आता शेतीवरही जाणवू लागला आहे. एकीकडे पावसाच्या खंडाने उत्पादनात मोठी घट झाली आहे. दुसरीकडे इंधन दरवाढीने पिकांची मळणी, शेतीची मशागत व सिंचनाच्या कामात इंधनाच्या वापरावरील खर्चात झालेल्या दीडपट ते दुप्पट वाढीनं कंबरड मोडलं. एकप्रकारे इंधनाची दरवाढ घामाला परवडणारा दाम मिळण्यासाठी धडपडणाऱ्या शेतकऱ्यांची अवस्था अधिकच गलीतगात्र करीत असल्याची भावना शेतकरीच व्यक्‍त करत आहेत. 

औरंगाबाद : इंधन दरवाढीचा थेट आघात आता शेतीवरही जाणवू लागला आहे. एकीकडे पावसाच्या खंडाने उत्पादनात मोठी घट झाली आहे. दुसरीकडे इंधन दरवाढीने पिकांची मळणी, शेतीची मशागत व सिंचनाच्या कामात इंधनाच्या वापरावरील खर्चात झालेल्या दीडपट ते दुप्पट वाढीनं कंबरड मोडलं. एकप्रकारे इंधनाची दरवाढ घामाला परवडणारा दाम मिळण्यासाठी धडपडणाऱ्या शेतकऱ्यांची अवस्था अधिकच गलीतगात्र करीत असल्याची भावना शेतकरीच व्यक्‍त करत आहेत. 

पावसाच्या दोन ते तीन वेळा पडलेल्या मोठ्या खंडांनी मराठवाड्यातील खरिपाच्या पिकांना मोठा फटका बसला आहे. निसर्ग आपल्या हातचा नाही म्हणून, जे मिळालं ते नशीब मानून पिकाची मळणी, रब्बीच्या तयारीसाठी मशागती किंवा विजेच्या अनुपलब्धतेमुळे डिझेलवरील इंजिनाच्या साह्याने पिकाला पाणी देऊ इच्छिणाऱ्या शेतकऱ्यांच्या खर्चात इंधनाच्या खासकरून डिझेलच्या दरवाढीनं दीडपट वाढ झाली आहे. विजेच्या खंडात सिंचनासाठी डिझेल इंजिन वापरल्यास दिवसाला ६ ते ७ लिटर लागतं. आधी एक लिटर डिझेल आधी ५६ ते ६० रुपयांना मिळायचं ते आता ७५ च्या पुढं गेलयं. त्यामुळे जवळपास १५ ते १७ रुपये लिटरमागे  सिंचनाचा खर्च वाढला. कोणत्याही खेड्यातून जवळच्या बाजारात २० रुपये गोणीने वा कॅरेटने नेल्या जाणाऱ्या शेतीमालासाठी आता ३० रुपये मोजावे लागताहेत. 

रब्बीत खरिपाची कसर भरून काढावी म्हणून शेतीची मोघडणी वा वखरणी करून जमीन तयार करणाऱ्यांना आधी किमान ४०० रुपये प्रतिएकर खर्च यायचा. तो यंदा ६०० रुपये प्रतिएकर सांगितला जातोय. गतवर्षी रब्बीची पेरणी एक हजार रुपये प्रतिएकर होती. ती यंदा सुरू झाली नसली तरी विचारपूस करता किमान १२०० रुपये एकरप्रमाणे राहिलं असं सांगितलं जात असल्याचं शेतकरी सांगतात. काही ठिकाणी मूग, उडिद मळणी यंत्रातून काढण्यासाठी क्‍विंटलला ३ ते ५ किलो उडीद, मूग घेण्याचा रिवाज होता. तो यंदा ६ ते ७ किलोवर पोचल्याचे शेतकऱ्यांनी सांगितलं. 

आधीच पावसानं दडी मारून मोठं नुकसान केलं. आता इंधनाची दरवाढ आमच्या उत्पादन खर्च व शेतीकामाच्या खर्चात वाढ करत आहे. 
- संतोष बिल्लारे, बेलवाडी,  जि. जालना. 

इंधनाच्या दरवाढीनं मळणीयंत्र, मशागतीच्या दरात दीडपट वाढ केलीय. आधीचं उत्पादन नाही, त्यात वाढलेला खर्च आमचं कंबरडं मोडतोय. मायबाप सरकार याचा काही इचार करंल का नाई.
- धनंजय सोळंके, नागापूर, जि. बीड.

इतर ताज्या घडामोडी
शिवसेनेच्या २१ उमेदवारांची घोषणा,...मुंबई : आगामी लोकसभा निवडणुकीसाठी...
आनंदी देशांच्या यादीत भारताचे स्थान...न्यूयॉर्क : देशातील आनंदाला ओहोटी लागल्याचे...
केळी पीक सल्लाउन्हाळ्यात अधिक तापमान, तीव्र सूर्य प्रकाश, वादळी...
बॅंक कर्मचाऱ्याच्या दक्षतेमुळे मोदी...लंडन : पंजाब नॅशनल बॅंकेची हजारो कोटींची फसवणूक...
गुलाबी बोंड अळी नियंत्रणासाठी फरदड;...केंद्रीय कापूस संशोधन संस्था, नागपूरद्वारे तयार...
नाशिक जिल्हा बँकेने रेणुकादेवी संस्थेचा...नाशिक : जिल्हा सहकारी बँकेच्या संचालक मंडळासमोर...
शेतकऱ्यांचा 'वसाका' प्रशासनाला घेरावनाशिक  : देवळा तालुक्यातील वसंतदादा सहकारी...
मीटर रीडिंगची पूर्वसूचना संदेशाद्वारे...सोलापूर  : ग्राहकांची गैरसोय होऊ नये, मीटर...
दिव्यांग मतदारांना सुविधा द्या :डॉ....सोलापूर : दिव्यांग मतदारांना मतदान करण्यासाठी...
कोल्हापुरात २३०० हेक्टरवर उन्हाळी पेरणीकोल्हापूर  : जिल्ह्यात उन्हाळी हंगामाची...
जळगावात गवारीला प्रतिक्विंटल ७५०० रुपयेजळगाव : कृषी उत्पन्न बाजार समितीमध्ये गुरुवारी (...
नंदुरबार जिल्ह्यात पाणीटंचाई गंभीरनंदुरबार  : जिल्ह्यातील पाणीटंचाई वाढत आहे....
पुणे विभागात ४१५ टॅंकरने पाणीपुरवठापुणे : विभागात पाणीटंचाईच्या झळा दिवसेंदिवस तीव्र...
रणजितसिंहाच्या भाजप प्रवेशाने खरच...सोलापूर ः सोलापूर जिल्ह्यातील विशेषतः पश्चिम...
काँग्रेस-राष्ट्रवादीचे प्रत्येकी बारा...मुंबई ः आगामी लोकसभा निवडणुकीसाठी राज्यातील...
आचारसंहिता भंगाच्या ७१७ तक्रारीमुंबई : नागरिकांना आचारसंहिता भंगाच्या तक्रारी...
भाजपकडून लोकसभा उमेदवारांची पहिली यादी...नवी दिल्ली : पंतप्रधान नरेंद्र मोदी वाराणसी तर...
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...