agriculture news in marathi, fund requierment for takari lift irrigation, sangli, maharashtra | Agrowon

ताकारी योजनेच्या पूर्ततेसाठी २०० कोटी रुपयांची गरज
टीम अॅग्रोवन
रविवार, 10 जून 2018

सांगली  : कडेगाव, पलूस, खानापूर, तासगाव या तालुक्यांतील शेतीला वरदान ठरलेल्या ताकारी उपसा सिंचन योजनेसाठी अजून २०० कोटींची गरज आहे. मात्र, केवळ २५ कोटी रुपयांचा निधी शासनाने दिला आहे. योजनेच्या कामावर २०१७-१८ या वर्षात फक्त २५ कोटी रुपयांचा खर्च करण्यात आला आहे. पण, या निधीतून ही योजना पूर्णत्वाकडे जाणार नाही.

सांगली  : कडेगाव, पलूस, खानापूर, तासगाव या तालुक्यांतील शेतीला वरदान ठरलेल्या ताकारी उपसा सिंचन योजनेसाठी अजून २०० कोटींची गरज आहे. मात्र, केवळ २५ कोटी रुपयांचा निधी शासनाने दिला आहे. योजनेच्या कामावर २०१७-१८ या वर्षात फक्त २५ कोटी रुपयांचा खर्च करण्यात आला आहे. पण, या निधीतून ही योजना पूर्णत्वाकडे जाणार नाही.

ताकारी उपसा योजनेवर शासनाने आजअखेर ६८८ कोटींचा खर्च केला आहे. तरीही अजून योजना पूर्ण होण्यासाठी २०० कोटी रुपयांचा निधी गरजेचा आहे.
ताकारी योजनेच्या कामांवर शासनाने आतापर्यंत कोट्यवधी रुपयांचा निधी खर्च केला; पण योजना अजूनही अपूर्ण आहे. गेल्या ३५ वर्षांपासून योजनेची कामे चालू आहेत; मात्र तेव्हापासून योजनेचा विस्तारही वाढत गेला आहे. प्रत्येक नेत्याने आपल्या मतदारसंघातील हक्काची गावे ताकारी योजनेच्या लाभक्षेत्रात समाविष्ट करण्याचा प्रयत्न केला आहे.

सध्या या योजनेत चार तालुक्यांतील ५१ गावांतील शेतीचा समावेश आहे. तासगाव व खानापूर तालुक्यांतील अनेक गावांत कालवा खोदाईची कामे गतीने चालू आहे. कडेगाव तालुक्यातील तडसर, हिंगणगाव खुर्द येथील कालवा, पोटकालव्याची कामे चालू आहेत. पलूस-खानापूर तालुक्यांतील गावांचा समावेश असलेली नवीन वितरिकांवरील कामेही चालू आहेत.

या योजनेच्या माध्यमातून १०८ किलोमीटरपर्यंतच्या गावांना पाणीपुरवठा केला जात आहे. या परिसरातही कालवा दुरुस्ती, पोटपाट खोदाई, दारे बसविणे यांसह विविध कामे अपूर्ण आहेत. यावरही शासनाने खर्च करणे गरजेचे आहे. अपूर्ण कामे जलदगतीने पूर्ण न केल्यामुळे ताकारी योजनेची आर्थिक तरतूद दिवसेंदिवस वाढत चालली आहे.

ही योजना पूर्ण करण्यासाठी मोठ्या नेत्यांनी शेकडो कोटींच्या घोषणा केल्या. मात्र, या योजनेसाठी पुरेसा निधी उपलब्ध झाला नाही. त्यामुळे लोकप्रतिनिधी यांनी केलेल्या घोषणा खोट्या ठरताना दिसत आहेत. ताकारी योजनेचा कालवा, पोटकालवा खुदाई, दारे बसविणे यांसह विविध कामे पूर्ण होण्यासाठी व शेतकऱ्यांच्या शेतीपर्यंत पाणी देण्यासाठी अजून २०० कोटींची गरज असल्याची माहिती ताकारी उपसा सिंचन योजनेच्या सूत्रांनी दिली.

इतर ताज्या घडामोडी
काकडी, दोडका, कारल्याच्या दरात सुधारणापुणे : गुलटेकडी येथील कृषी उत्पन्न बाजार...
‘गिरणा‘च्या पाण्यासाठी वाळूचा बंधाराजळगाव : गिरणा नदीतून पिण्यासह शेतीच्या पाण्याचे...
‘समृद्धी’च्या उभारणीसाठी रॉयल्टीत देणार...नाशिक   : मुंबई-नागपूर समृद्धी महामार्गाच्या...
व्याजासह एफआरपी दिल्याशिवाय...पुणे  : राज्यातील साखर कारखान्यांनी थकीत...
कोल्हापुरात पहिल्या टप्प्यात गूळदरात वाढकोल्हापूर  ः यंदाच्या गूळ हंगामाला सुरवात...
सरुड येथील गुऱ्हाळघरमालक उसाला देणार...कोल्हापूर : गुऱ्हाळघर व्यवसायात व्यावसायिकपणा...
नगर जिल्ह्यात १७८ टॅंकरद्वारे पाणीपुरवठानगर   : जिल्ह्यात यंदा गंभीर पाणीटंचाई जाणवत...
पुणे बाजार समितीत हापूस आंब्यांची आवकपुणे  ः कोकणातील हापूस आंब्यांची या...
सातारा जिल्ह्यात पाणीटंचाई वाढलीसातारा   ः जिल्ह्याच्या पूर्व भागात...
नागपूर जिल्ह्यात रब्बीची २१ टक्के पेरणीनागपूर   ः पाणी उपलब्धतेची अडचण, जमिनीत...
राज्यकर्ते दूध भेसळ का थांबवत नाहीत :...पुणे : राज्यात राजरोस दुधात भेसळ सुरू असून, अन्न...
आर. आर. पाटील यांचे स्मारक युवकांना...सांगली   ः आर. आर. पाटील यांनी ग्रामविकास,...
जळगाव जिल्हा परिषद पाणी योजनांचे वीज...जळगाव : पाणी योजनांचे बिल भरण्यात आले नसल्याने...
जमीन सुपीकतेसाठी सेंद्रिय कर्बाचे...जमिनीच्या सुपीकतेमध्ये सेंद्रिय कर्ब हे अत्यंत...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
सटाणा, मालेगावसाठी सोडणार चणकापूर...नाशिक : सटाणा व मालेगावला भेडसावणाऱ्या...
पुणे विभागात ४८ हजार हेक्टरवर कांदा...पुणे   ः पुणे विभागात आत्तापर्यंत ४८ हजार...
वीजदरवाढीचा शॉक, अनुदानाची फक्त घोषणाचजळगाव ः वस्त्रोद्योगाला चालना मिळावी, उद्योजकांचा...
महिलांनी नाचणीपासून बनवले सत्तरहून अधिक...कोल्हापूर   : नाचणीची आंबील, नाचणीच्या...
बुलडाणा जिल्ह्यात रब्बीची ५६ हजार...बुलडाणा  ः कमी व अनियमित पावसामुळे संपूर्ण...