दुष्काळ निवारण्यासाठी निधी कमी पडू देणार नाही ः मुख्यमंत्री

नगर जिल्ह्यात टंचाईवर मात करण्यासाठी चारा लागवड
नगर जिल्ह्यात टंचाईवर मात करण्यासाठी चारा लागवड

सांगली ः राज्य शासनाने १८० तालुक्‍यांत दुष्काळसदृश परिस्थिती जाहीर केली आहे. दुष्काळ निवारण्यासाठी निधीची कमतराता भासू दिली जाणार नाही. मात्र, राज्यातील टंचाई निवारणाबाबत राजकीय हेतूने राज्यात विरोधक दुष्काळ जाहीर करावा, अशी मागणी करत आहेत. राज्यात आघाडी सरकार असताना त्यांनीच दुष्काळ हा शब्द हद्दपार केला होता. आम्ही त्यात सुधारणा करून दुष्काळसदृश परिस्थिती अशी सुधारणा केली आहे. राष्ट्रवादीचे नेते शरद पवार यांनी राज्यात दुष्काळसदृश नव्हे दुष्काळ जाहीर करा, अशी मागणी केली होती. त्याचा नामोल्लेख टाळून मुख्यमंत्र्यांनी आघाडी सरकारच्या काळात टंचाईसदृश स्थिती जाहीर करणाऱ्या विरोधकांवर टीका केली.

गेल्या चार वर्षांत जलयुक्त शिवारमधून मोठ्या प्रमाणात कामे झाली. त्यामुळे भूजलपातळीत वाढ झाली. मात्र, गेल्या दोन वर्षांत पाऊस कमी पडल्याने शेतीसाठी पाण्याचा उपसा जास्त झाल्याने पातळी घटली आहे. असे मत मुख्यमंत्री देवेंद्र फडणवीस यांनी बुधवारी (ता. २४) येथे पत्रकार परिषदेत व्यक्त केले.

सांगली जिल्हाधिकारी कार्यालयात बुधवारी (ता. २४) आज आढावा बैठक झाली. त्यानंतर ते पत्रकार परिषदेत बोलत होते. मुख्यमंत्री फडणवीस म्हणाले, राज्यातील दुष्काळी परिस्थितीशी सामना करण्यास सरकार कटिबद्ध आहे. राज्य सरकार आठ प्रकारच्या दुष्काळी सुविधांसाठी निधी कमी पडून देणार नाही. जिल्ह्यातील सात तालुक्‍यांत राज्य शासनाने दुष्काळ जाहीर केला आहे. जिल्ह्यातील ६६ मंडळांपैकी ११ मंडळांत ५० टक्के, तर एका मंडळात २५ टक्क्यांपेक्षा कमी पाऊस झाला आहे. त्यामुळे खरीप हंगामातील उडीद, मुगाचे उत्पादन घटले असल्याचे अहवालात दिसते आहे.

देवेंद्र फडणवीस म्हणाले, ‘जिल्ह्यातील ३२३ गावांत टंचाई निर्माण होऊ शकते. मात्र, ताकारी, म्हैसाळ, टेंभू आणि आरफळ या योजनांतून पाझर तलाव भरून घेण्याचे आदेश दिले आहे. उर्वरित १२३ गावांत प्रशासनाने विविध उपाययोजना केलेल्या आहेत. चाराटंचाईवर मात करण्यासाठी २८२३ हेक्‍टरवर मका पेरणी होणार आहे.

मुख्यमंत्री फडणवीस म्हणाले

  •     जलयुक्त शिवारबाबत जिल्ह्याची प्रगती चांगली
  •     कृष्णा खोरेसाठी ९१६० कोटींचा निधी उपलब्ध
  •     टेंभूसाठी ४९६८ कोटींचा निधी दिला
  •     टेंभूचा चौथा टप्पा डिसेंबरअखेर लोकार्पण करणार
  •     टेंभूचा पाचवा टप्पा मार्चपर्यंत पूर्ण होईल
  •     वाकुर्डेच्या अपूर्ण कामांना ५० कोटी रुपयांचा निधी देणार
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com