agriculture news in marathi, Funeral of Pandurang Fundkar will be in Khamgaon today, Buldana | Agrowon

भाऊसाहेबांना आज अखेरचा निरोप...
टीम अॅग्रोवन
शुक्रवार, 1 जून 2018

बुलडाणा : राज्याचे कृषिमंत्री आणि भाजपचे ज्येष्ठ नेते पांडुरंग फुंडकर (वय ६७) यांना आज (ता.१) अखेरचा निरोप दिला जाणार आहे. भाऊसाहेबांच्या अकाली निधनाने संपूर्ण राज्यावर शोककळा पसरली आहे. श्वसनाचा त्रास जाणवत असल्याने त्यांना बुधवारी मुंबईतील रुग्णालयात दाखल करण्यात आले होते. मात्र, गुरुवारी (ता. ३१) पहाटे पुन्हा त्रास जाणवू लागल्यानंतर त्यांना मुंबईतील सोमय्या रुग्णालयात दाखल करण्यात आले. पहाटे साडेचारच्या सुमारास त्यांनी अखेरचा श्वास घेतला. फुंडकर यांच्या अकाली निधनाने सर्वपक्षीय राजकीय नेत्यांनी शोक व्यक्त केला आहे.

बुलडाणा : राज्याचे कृषिमंत्री आणि भाजपचे ज्येष्ठ नेते पांडुरंग फुंडकर (वय ६७) यांना आज (ता.१) अखेरचा निरोप दिला जाणार आहे. भाऊसाहेबांच्या अकाली निधनाने संपूर्ण राज्यावर शोककळा पसरली आहे. श्वसनाचा त्रास जाणवत असल्याने त्यांना बुधवारी मुंबईतील रुग्णालयात दाखल करण्यात आले होते. मात्र, गुरुवारी (ता. ३१) पहाटे पुन्हा त्रास जाणवू लागल्यानंतर त्यांना मुंबईतील सोमय्या रुग्णालयात दाखल करण्यात आले. पहाटे साडेचारच्या सुमारास त्यांनी अखेरचा श्वास घेतला. फुंडकर यांच्या अकाली निधनाने सर्वपक्षीय राजकीय नेत्यांनी शोक व्यक्त केला आहे.

फुंडकर यांच्या पार्थिवावर आज (शुक्रवारी) खामगाव येथे अंत्यसंस्कार करण्यात येणार आहेत. तत्पूर्वी अंत्ययात्रा सकाळी ११ वाजता त्यांच्या निवासस्थानावरून निघणार आहे. भाजप कार्यालय, गांधी बगीचा, कमाणी गेट, एकबोटे चौक, भगतसिंग चौक, फरशी, मेन रोड, टिळक पुतळा, चांदमारी, शेगाव नाका, शेगाव रोड असे मार्गक्रमण करीत सिद्धिविनायक अभियांत्रिकी महाविद्यालयाच्या मैदानात त्यांच्या पार्थिवावर अंत्यसंस्कार केले जातील. 

फुंडकर यांचा जन्म १ ऑगस्ट १९५० रोजी झाला. ते मूळचे नांदुरा तालुक्यातील नारखेड येथील रहिवासी होते. महाविद्यालयात शिक्षण घेत असताना ते अखिल भारतीय विद्यार्थी परिषदेमध्ये सक्रिय झाले. आणीबाणीच्या काळात त्यांनी तीन महिने तुरुंगातही काढले. यानंतर मिसाबंदी म्हणूनही नऊ महिने ते तुरुंगात होते. १९७७ मध्ये फुंडकर हे राजकारणात सक्रिय झाले. जनसंघाच्या वतीने विदर्भात निवडून येणाऱ्या पहिल्या चार आमदारांमध्ये त्यांचा समावेश होता. १९७८ आणि १९८० मध्ये ते खामगाव मतदारसंघातून आमदार म्हणून निवडून आले. 

१९८३ मध्ये कापूस प्रश्‍नावर फुंडकर यांची ३५० किलोमीटरची पदयात्रा त्या वेळी चर्चेचा विषय ठरली होती. अकोला लोकसभा मतदारसंघ हा काँग्रेसचा बालेकिल्ला मानला जायचा. त्या बालेकिल्ल्याला फुंडकर यांनी सुरुंग लावला. फुंडकर यांनी तीन वेळा अकोला लोकसभा मतदारसंघाचे प्रतिनिधित्व केले. आमदार, खासदार झाल्यानंतर विधान परिषदेचे विरोधी पक्षनेते म्हणूनही त्यांनी काम पाहिले. कापूस पणन महासंघाचे अध्यक्ष म्हणून फुंडकर यांनी काम केले आहे. त्या काळी राज्यात काँग्रेसचे वर्चस्व असताना पांडुरंग फुंडकर यांनी राज्यात विशेषत: ग्रामीण भागात भाजपचे स्थान मजबूत केले. फुंडकर हे गोपीनाथ मुंडे यांचे खंदे समर्थक मानले जात होते. 

भाजपमध्ये महत्त्वाच्या पदांवर काम केले असले, तरी फुंडकर यांना २०१४ मध्ये सत्तेत आलेल्या फडणवीस सरकारमध्ये सुरवातीला मंत्रिपद मिळाले नव्हते. एकनाथ खडसे यांच्यावर घोटाळ्याचे आरोप झाल्याने खडसेंना मंत्रिपदाचा राजीनामा द्यावा लागला. त्यानंतर ८ जुलै २०१६ मध्ये फुंडकर यांना मंत्रिपदाची संधी देण्यात आली. कृषिमंत्री म्हणून त्यांनी अनेक महत्त्वपूर्ण निर्णय घेतले. त्यांच्या पश्चात पत्नी, आमदार आकाश फुंडकर आणि सागर फुंडकर ही दोन मुले आहेत. त्यांचे पार्थिव खास विमानाने गुरुवारी दुपारी मुंबईहून अकोला विमानतळ आणि तेथून खामगावकडे नेण्यात आले.

 

इतर अॅग्रो विशेष
‘जनावरं जगवायची धडपड सुरू हाय’सातारा ः शाळू (रब्बी ज्वारी) केलीय. पण पीक...
परभणी जिल्ह्यात ज्वारीवर अमेरिकन लष्करी...परभणी ः परभणी जिल्ह्यात यंदा प्रथमच रब्बी...
सीड हब म्हणून भारताचा उदयनवी दिल्ली ः आशिया खंडात भारत देश ‘सीड हब’ म्हणून...
ब्राझीलचे साखर उत्पादन निम्मे घटलेनवी दिल्ली ः आंतरराष्ट्रीय बाजारात साखरेचे सतत...
गोंदिया जिल्हा अधीक्षक अधिकारी बऱ्हाटे...गोंदिया ः नगर जिल्ह्यात राबविण्यात आलेल्या...
शेतीपंप वीजवापर घोटाळा आयोगाच्या...मुंबई ः महावितरणची प्रचंड वितरण गळती व चोऱ्या...
राज्यात थंडी वाढली; नाशिक ११.५ अंशांवरपुणे : उत्तरेकडील थंड वाऱ्यांचे प्रवाह दक्षिणेकडे...
संत्रा बागेतील उत्कृष्ठ व्यवस्थापनाचा...किडी-रोग, पाण्याचे अयोग्य व्यवस्थापन आदी...
फॉस्फोनिक रेसिड्यूमुळे डाळिंब निर्यात...पुणे : निर्यातक्षम डाळिंबात युरोपसाठी फॉस्फोनिक...
चिकाटी, प्रयत्नवादातून शून्यातून...उस्मानाबाद जिल्ह्यातील देवसिंगे (तूळ) येथील रमेश...
उच्च जीवनमूल्य जपणारी आदिवासी संस्कृती मेळघाटात अंधश्रद्धेचे प्रमाण खूप आहे. यावर...
आर्थिक विकासवाट . देशात नोटाबंदीच्या निर्णयाला नुकतीच दोन वर्षे...
खानदेशातील जलसाठ्यात घट जळगाव : खानदेशात पाणीबाणी वाढू लागली असून,...
जिनर्स कापूस खरेदी केंद्रांसाठी ९००...जळगाव ः भारतीय कापूस महामंडळाच्या (सीसीआय) कापूस...
राज्यात दुधाचे दर पुन्हा घसरलेपुणे: राज्यात होत असलेल्या जादा दुधाच्या...
दावणीला आणि छावणीला परिस्थितीनुसार चारा...बीड : राज्यात सरासरीच्या ७० टक्के पाऊस पडला असून...
सत्ताधाऱ्यांना नमवण्याची ताकद...मुंबई : गेल्या चार वर्षांत देश चुकीच्या...
दुष्काळातही माळरानावर हिरवाई फुलवण्याचे...लातूर जिल्ह्यातील वाघोली येथील सोनवणे कुटुंब...
सेंद्रिय पद्धतीने ऊस लागवड ते...लातूर येथील विलास सहकारी साखर कारखान्याने...
श्री विठ्ठल-रुक्मिणीचे २४ तास दर्शनसोलापूर ः पंढरपुरात श्री विठ्ठल -रुक्मिणीच्या...