agriculture news in marathi, The future Mhaisal Irrigation Scheme in dark | Agrowon

म्हैसाळ उपसा सिंचन योजनेचे भवितव्य अंधारमय
टीम अॅग्रोवन
रविवार, 21 जानेवारी 2018

सांगली : मिरज, कवठेमहांकाळ, जत तालुक्‍यांना वरदान ठरणारी म्हैसाळ उपसा सिंचन योजना ही वीजबिल व पाणीपट्टीच्या चक्रात अडकली आहे. या योजनेचे वीजबिलाचे ३४ तर पाणीपट्टीचे ७४ कोटी रुपये थकलेले आहेत. त्यामुळे ही योजना सुरू होण्याची शक्यता कमी असून, तिचे भवितव्य अंधारमय दिसत आहे.

सांगली : मिरज, कवठेमहांकाळ, जत तालुक्‍यांना वरदान ठरणारी म्हैसाळ उपसा सिंचन योजना ही वीजबिल व पाणीपट्टीच्या चक्रात अडकली आहे. या योजनेचे वीजबिलाचे ३४ तर पाणीपट्टीचे ७४ कोटी रुपये थकलेले आहेत. त्यामुळे ही योजना सुरू होण्याची शक्यता कमी असून, तिचे भवितव्य अंधारमय दिसत आहे.

म्हैसाळ उपसा सिंचन योजना दुष्काळी भागाला वरदान ठरणारी आहे. गेल्या वर्षी जिल्ह्यात पावसाने दमदार हजेरी लावली. यामुळे आजही तलाव, ओढ्यांना पाणी आहे. त्यामुळे जिल्ह्यात पाणीटंचाई नाही, असे वाटते आहे. मात्र, दुष्काळी भागात पाणीटंचाई सुरू झाली आहे. टंचाईच्या काळात ही योजना सुरू केली होती. या काळातील वीजबिलाची रक्कम शासन देणार आहे. पंरतु पाणीपट्टी वसुलीसाठी पाटबंधारे विभागाने कोणत्याच हालचाली केलेल्या दिसत नाहीत.

या योजनेचे पाणी ज्या भागातील शेतकऱ्यांना मिळाले त्या शेतकऱ्यांनी पाणीपट्टीदेखील भरली आहे. मात्र, ही योजना सुरू झाल्यापासून शेवटच्या गावापर्यंत पाणीच पोचले नाही. त्यामुळे पाणीपट्टी देणार नाही, अशी शेतकऱ्यांची भूमिका आहे. एका बाजूने शेतकऱ्यांची भूमिका योग्य असली तरी, त्यावर पाणीपट्टीचा मार्ग काढण्यासाठी आज कोणीही पुढे आलेले नाही.

म्हैसाळ योजना सुरू करण्यासाठी वीजबिलाच्या ५० टक्के म्हणजे १७ कोटी रुपये भरणे अत्यावश्‍यक आहे. तरच ही योजना सुरू होईल. परंतु या योजनेचे पाणी वाटपाचे नियोजनच नसल्याने शेतकरी पाणीपट्टी भरण्यास पुढे येत नाहीत. त्यामुळे पाटबंधारे विभागाने पाणीवाटपाचे नियोजन करावे, अशी मागणी शेतकरी करत आहेत.

म्हैसाळची पाणीपट्टी ७१ कोटींवर
वास्तविक योजना सुरू झाल्यानंतर त्याचे योग्य नियोजनच झाले नाही. त्यामुळे शेतकऱ्यांना वेळेत आणि या योजनेच्या लाभक्षेत्रातील शेवटच्या गावापर्यंत पाणीच मिळाले नाही. त्यामुळे शेतकरी पाणीपट्टी भरण्यास नकार देत आहेत. मुळात या योजनेचे पाणीवाटपाचे नियोजन काटेकोर होणे गरजेचे आहे, तरच शेतकऱ्यांना पाणी मिळेल. पण पाटबंधारे याचे नियोजनच करत नाही. यामुळे या योजनेची थकबाकी वाढतेय. या योजनेची पाणीपट्टीची थकबाकी ७१ कोटींवर पोचली आहे.

लोकप्रतिनिधींनी पुढाकार घ्यावा

म्हैसाळ योजनेच्या लाभ क्षेत्रातील अगोदरच पिके पाण्याविना वाळून जाऊ लागली आहेत. पण पुढील काळात पिकांचे अधिक नुकसान होऊ नये यासाठी ही योजना सुरू केली पाहिजे. म्हैसाळ योजनेच्या लाभ क्षेत्रातील शेतीला पाणी मिळावे यासाठी लोकप्रतिनिधींनी पुढाकार घेणे गरजेचे आहे; तर द्राक्ष, डाळिंब बागेला पाणी मिळेल.

 

इतर बातम्या
जळगावच्या पालकमंत्र्यांचा दौरा पुन्हा...जळगाव : महसूलमंत्री चंद्रकांत पाटील यांचा...
खानदेशातील पाणीटंचाई गंभीरजळगाव : खानदेशात पाणीटंचाई दिवसेंदिवस बिकट होत...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
खानदेशात अनियमित वीजपुरवठाजळगाव : खानदेशात जलपातळी सातत्याने घटत आहे....
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
नाशिक येथे साकारणार 'देवराई' नाशिक : दुर्मीळ देशी प्रजातींच्या वृक्षांचे...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
जनावरांची तडफड, लोकांचा पाण्यासाठी टाहोसोलापूर ः राज्य शासनाने दुष्काळ जाहीर करून जवळपास...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
‘गुणनियंत्रण’विरोधात विखेंचेही पत्र पुणे : राज्याच्या कृषी खात्यातील गुण नियंत्रण...
राज्य बॅंकेकडून साखरेच्या मूल्यांकनात...कोल्हापूर : केंद्राने खुल्या साखरेचे किमान विक्री...
राज्यात उद्या हलक्या पावसाची शक्यतापुणे: वेगाने बदलणारे वातावरण, वाऱ्यांच्या...
प्रेरणा प्रकल्पातून ९० हजार शेतकऱ्यांचे...मुंबई : राज्यातील शेतकरी आत्महत्याग्रस्त १४...
कांद्याच्या ढिगाऱ्यात बुजवून घेत...नाशिक  : कमी पाऊस, दुष्काळी परिस्थिती व...