सोलापूरसह पंढरपूर, सांगोला बाजार समितीत गांडूळ खत प्रकल्प

शेतकऱ्यांच्या उत्पन्नात वाढ व्हावी, त्यांना दर्जेदार व गुणवत्तेचा शेतमाल उत्पादन करता यावा, यासाठी शेतजमिनीची सुपीकता वाढण्यावर भर देण्यात येत आहे. अत्याधुनिक शेती तंत्रज्ञानासोबत जैविक खताचा वापर होणे गरजेचे आहे, या अनुषंगाने पणन विभागाकडून निधी उपलब्ध करून दिला असून, भविष्यात देखील शेतकरी बांधवांच्या सक्षमतेसाठी पाठबळ दिले जाईल. - सुभाष देशमुख, मंत्री, सहकार, पणन व वस्त्रोद्योग विभाग
सोलापूरसह पंढरपूर, सांगोला बाजार समितीत गांडूळ खत प्रकल्प
सोलापूरसह पंढरपूर, सांगोला बाजार समितीत गांडूळ खत प्रकल्प

सोलापूर  : महाराष्ट्र स्पर्धाक्षम कृषी विकास प्रकल्पाच्या माध्यमातून कृषी उत्पन्न बाजार समितीच्या आवारामध्ये जैविक घनकचरा व्यवस्थापनासाठी गांडूळ खत प्रकल्पाची अंमलबजावणी करण्यात येत आहे. सोलापूर जिल्ह्यातील तीन बाजार समित्यांना ७५ लाखाचा निधी त्यासाठी पणन विभागाकडून मंजूर करण्यात आला असून, या प्रकल्प उभारणीचे काम सध्या प्रगतिपथावर आहे.  

सहकार व पणनमंत्री सुभाष देशमुख यांनी यासाठी पुढाकार घेत या तीनही बाजार समितीला हा निधी देण्यासाठी प्रयत्न केले. त्यानुसार आता सोलापूर, पंढरपूर व सांगोला कृषी उत्पन्न बाजार समितीमध्ये या कार्यक्रमाची अंमलबजावणी होत आहे. या कृषी बाजार समित्यांना प्रकल्पाकडून प्रत्येकी २५ लाखांचे साहित्य स्वरुपात अनुदान देण्यात आलेले आहे. या प्रकल्पातून बाजार समिती आवारातील प्रतिदिन ३ ते ४ मेट्रिक टन जैविक घनकचऱ्यावर प्रक्रिया करण्यात येवून शेतकऱ्यांना अत्यंत अल्प किंमतीत दर्जेदार गांडूळखत उपलब्ध करुन देण्यात येणार आहे.

बाजार समितीच्या कार्यक्षेत्रातील शेतकरी जैविक खत वापरून शेतीचा पोत सुधारावा आणि रासायनिक अन्नघटक वाढीस आळा बसावा, सुधारित शेतीमध्ये देखील जैविक घटकाचा अवलंब व्हावा, यासाठी प्रयत्न करत आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com