agriculture news in marathi, Gangapur water reservoir reserved for Nashik municipal corporation | Agrowon

नाशिक महापालिकेसाठी 'गंगापूर'चे पाणी आरक्षित
टीम अॅग्रोवन
शनिवार, 18 नोव्हेंबर 2017

नाशिक : नाशिक महापालिकेने केलेल्या वाढीव पाणी आरक्षणाची मागणी अखेर जिल्हाधिकाऱ्यांनी फेटाळून लावत महापालिकेला गंगापूर धरणातून ३९००, तर दारणातून ४०० दलघफू पाणी आरक्षणास मान्यता दिली आहे. त्याचप्रमाणे विविध यंत्रणांसाठी मागणीनुसार ५ ते १० टक्के वाढीव आरक्षण देत २६ प्रकल्पांतील १३ हजार ९०० दलघफू पाणी आरक्षण मंजूर करण्यात आले आहे.

नाशिक : नाशिक महापालिकेने केलेल्या वाढीव पाणी आरक्षणाची मागणी अखेर जिल्हाधिकाऱ्यांनी फेटाळून लावत महापालिकेला गंगापूर धरणातून ३९००, तर दारणातून ४०० दलघफू पाणी आरक्षणास मान्यता दिली आहे. त्याचप्रमाणे विविध यंत्रणांसाठी मागणीनुसार ५ ते १० टक्के वाढीव आरक्षण देत २६ प्रकल्पांतील १३ हजार ९०० दलघफू पाणी आरक्षण मंजूर करण्यात आले आहे.

जिल्ह्यातील धरणांमध्ये आजमितीस ५९ हजार २९१ दलघफू पाणीसाठा आहे. यात गंगापूर धरण समूहात ९६ टक्के, पालखेड समूहात ९९ टक्के, तर गिरणा खोऱ्यात ९९ टक्के पाणीसाठा शिल्लक आहे. १५ ऑक्टोबर रोजीचा धरण प्रकल्पातील साठा विचारात घेऊन पुढील वर्षीचे पाणी आरक्षण केले जाते.

त्यानुसार नळपाणी पुरवठा योजना, औद्योगिक संस्था, सिंचन व बिगर सिंचनासाठी लागणाऱ्या पाण्याचे प्रस्ताव जिल्हा प्रशासनाकडे सादर करण्यात आले होते. मात्र महापालिकेने ४६०० दलघफू पाणी आरक्षणाची मागणी केल्याने या प्रस्तावास प्रशासन आणि पाटबंधारे विभागाने असहमती दर्शवली. त्यामुळे लोकसंख्येच्या प्रमाणात पाणी आरक्षणाची मागणी नोंदवावी, असे जिल्हाधिकाऱ्यांनी महापालिकेला सूचित केले.

गेल्यावर्षी महापालिकेने गंगापूरमधून ४२०० दलघफू, तर दारणातून ३०० दलघफू पाणी आरक्षणाची मागणी केली होती. परंतु जलसंपदा खात्याने गंगापूरमधून ३९००, तर दारणातून ४०० दलघफू पाणी आरक्षणाला मान्यता दिली होती. यंदा मात्र महापालिकेने गंगापूरमधून ४३०० तर दारणातून ३०० दलघफू पणी आरक्षणाची मागणी केली. त्यात गंगापूरमधून ४३००, तर दारणातून ३०० दलघफू, असे ४६०० दलघफू पाणी घ्यावे, असा प्रस्ताव देण्यात आला.

मात्र मनपाने दारणातून तितक्या क्षमतेने पाणी उचलण्यात असमर्थता दर्शवली आहे. प्रशासन आणि पाटबंधारे खात्याच्या मते महापालिकेला वाढीव पाण्यासाठी दर्शवलेल्या कारणांचा अभ्यास करता ४६०० दलघफू इतके पाणी लागू शकत नाही. त्यामुळे गतवर्षीप्रमाणेच गंगापूरमधून ३९००, तर दारणातून ४०० दलघफू पाणी आरक्षणास जिल्हाधिकाऱ्यांनी मान्यता दिली.

इतर ताज्या घडामोडी
नियोजन खरिपाचे : ठिबक, खत व्यवस्थापन...शेतकरी ः विजय इंगळे चित्तलवाडी, ता. तेल्हारा, जि...
नियोजन खरिपाचे : लागवडीसह सिंचन, काढणी...शेतकरी - दीपक माणिक पाटील माचले, ता. चोपडा, जि....
जळगावात दीड हजारांवर शेततळ्यांची कामे...जळगाव ः जिल्ह्यात "मागेल त्याला शेततळे''...
संत गाडगेबाबा अमरावती विद्यापीठ साधणार...अमरावती ः दुष्काळ, पाणीटंचाईच्या पार्श्‍वभूमीवर...
नांदगाव तालुक्यात फळबागा वाचविण्यासाठी...नाशिक : नांदगाव तालुक्यातील फळबागा वाचविण्यासाठी...
अरुणाग्रस्तांचा गाव न सोडण्याचा निर्धारसिंधुदुर्ग : अरुणा प्रकल्पात पाणीसाठा केला, तरी...
नांदेड : साडेतेरा हजार हेक्टरवर उन्हाळी...नांदेड : जिल्ह्यात २०१९ च्या उन्हाळी हंगामात १३...
परभणीत फ्लॉवर ३५०० ते ५००० रुपये...परभणी : पाथरी रस्त्यावरील फळे भाजीपाला...
पुणे जिल्ह्यातील चौदा कारखान्यांकडे...पुणे   ः जिल्ह्यात गळीत हंगाम संपवून...
जळगावात कांदा विक्रीत शेतकऱ्यांची लूटजळगाव ः कांद्याचे दर दबावात असतानाच त्याची विपणन...
जळगावात किसान सन्मान निधीचे वितरण...जळगाव ः खानदेशात सुमारे सव्वादोन लाख शेतकऱ्यांना...
पुणे जिल्ह्यात फळबाग लागवडीसाठी एक...पुणे  ः यंदा खरीप हंगामात फळबाग लागवड करू...
नगर, शिर्डीत ‘काँटे की टक्कर’ मतात...नगर ः भारतीय जनता पक्ष आणि शिवसेनेच्या कामावर...
अकरापैकी सहा आमदारांचा लोकसभेत प्रवेशमुंबई ः सतराव्या लोकसभा निवडणुकीच्या रिंगणात...
पुण्यातील पाणी, वाहतुकीचे प्रश्न...पुणे  ः येत्या पाच वर्षांत पुण्याचा...
निवडणुका घेतल्या नसत्या तरी चालले असते...सातारा  ः देशात नरेंद्र मोदी यांच्या...
मंत्रिपदाची संधी जळगाव की धुळ्याला?जळगाव ः खानदेशने भाजपला कौल दिला असून, आता...
‘ईव्हीएम’चा विजय असो : छगन भुजबळनाशिक  : लोकसभा निवडणुकीच्या मतमोजणीमध्ये...
सातारा मतदारसंघातून उदयनराजे भोसलेंना...सातारा : अत्यंत चुरशीच्या झालेल्या सातारा लोकसभा...
नगरमध्ये डॉ. सुजय विखे, शिर्डीत...नगर  : विसाव्या फेरीअखेर नगर लोकसभा...