कोल्हापुरात गवार, ओला वाटाणा तेजीत

कोल्हापूर : येथील कृषी उत्पन्न बाजार समितीत गवार, ओला वाटाण्याच्या दरात तेजी राहिली. गवारीची दररोज पंचावन्न ते साठ पोती आवक झाली. गवारीस दहा किलोस २५० ते ४०० रुपये दर मिळाला. ओला वटाण्यास दहा किलोस २०० ते ३३० रुपये दर होता.  हिरव्या मिरचीची दररोज चारशे ते पाचशे पोती आवक होती. हिरव्या मिरचीस दहा किलोस ३०० ते ५०० रुपये दर मिळाला. वरण्याच्या दररोज ऐंशी ते शंभर पोती आवक होती. वरण्यास दहा किलोस १५० ते ३३० रुपये दर होता. दोडक्‍याची दोनशे ते तीनशे करंड्या आवक झाली. दोडक्‍यास दहा किलोस १०० ते ४०० रुपये दर मिळाला. गाजराची दररोज दोनशे ते तीनशे पोती आवक होती. गाजरास दहा किलोस ५० ते २०० रुपये दर मिळाला.  पालेभाज्यांमध्ये कोथिंबिरीची दहा ते बारा हजार जुड्यांची आवक झाली. कोथिंबिरीस शेकडा ३०० ते ७०० रुपये दर होता. गेल्या सप्ताहाच्या तुलनेत कोथिंबिरीच्या दरात काहीशी सुधारणा झाल्याचे बाजार समितीच्या सूत्रांनी सांगितले. मेथीची दररोज पंधरा ते सोळा हजार जुड्या आवक झाली. मेथीस शेकडा २०० ते ४०० रुपये दर होता. मेथीचे दर गेल्या सप्ताहाच्या तुलनेत स्थिर होते. द्राक्षाची दररोज तीनशे ते चारशे बॉक्‍स आवक होती. द्राक्षास किलोस २० ते ३५ रुपये दर मिळाला. लिंबूची दररोज दीडशे ते दोनशे चुमड्यांची आवक झाली. एक हजार लिंबांच्या पोत्यास ३५० ते १०५० रुपये इतका दर होता.  गुळाचे दर वधारतील सप्ताहात गुळाची दररोज पंधरा हजार रव्यांची आवक होती. गुळास क्विंटलला २९०० ते ४३०० रुपये दर मिळत असल्याची माहिती गूळ विभागाच्या सूत्रांनी दिली. येत्या पंधरा दिवसांत गुळाची आवक थोड्या-थोड्या प्रमाणात कमी होण्याचा अंदाज आहे. यामुळे येत्या पंधरवड्यात गुळाचे दर काहीसे वधारतील, अशी शक्‍यता बाजार समितीच्या सूत्रांनी व्यक्त केली.