जळगावात गवारीला प्रतिक्विंटल ७५०० रुपये

जळगावात गवारीला प्रतिक्विंटल ७५०० रुपये
जळगावात गवारीला प्रतिक्विंटल ७५०० रुपये

जळगाव : कृषी उत्पन्न बाजार समितीमध्ये गुरुवारी (ता.२१) गवारीची फक्त एक क्विंटल आवक झाली. गवारीस प्रतिक्विंटल ७५०० रुपये दर मिळाला. आवक जामनेर, पाचोरा भागातून होत आहे. आवकेत या आठवड्यात मोठी घट झाली आहे.

बाजारात गुरुवारी खरबुजाची पाच क्विंटल आवक झाली. खरबुजला ९०० ते १८०० व सरासरी १२०० रुपये प्रतिक्विंटलचा दर होता. संत्रीची ११ क्विंटल आवक झाली. संत्रीला प्रतिक्विंटल १००० ते २००० व सरासरी १५०० रुपये दर मिळाला. अद्रकची १० क्विंटल आवक झाली. अद्रकला प्रतिक्विंटल २००० ते ६५०० सरासरी ३२०० रुपये दर होता. चवळीची चार क्विंटल आवक झाली. चवळीला प्रतिक्विंटल २००० ते ३४०० व सरासरी २५०० रुपये दर मिळाला. शेवगा शेंगांची चार क्विंटल आवक झाली. त्यांना प्रतिक्विंटल २००० ते ३५०० व सरासरी २५०० रुपये दर होता. मुळ्याची पाच क्विंटल आवक झाली. मुळ्यास प्रतिक्विंटल ५०० ते ८०० व सरासरी ६०० रुपये दर मिळाला. बीटची एक क्विंटल झाली. बीटला प्रतिक्विंटल २००० रुपये दर होता.

ढोबळी मिरचीची पाच क्विंटल आवक झाली. तिला प्रतिक्विंटल १५०० ते ३००० व सरासरी २००० रुपये दर मिळाला. लिंबूची सहा क्विंटल आवक झाली. त्याला प्रतिक्विंटल २००० ते ४८०० व सरासरी ३००० रुपये दर होता. कलिंगडाची १२ क्विंटल आवक झाली. त्यास प्रतिक्विंटल ५०० ते १००० व सरासरी ८०० रुपये दर मिळाला.

बटाट्याची २०० क्विंटल आवक झाली. त्यास प्रतिक्विंटल ७०० ते १२०० व सरासरी १००० रुपये दर होता. लाल कांद्याची २०० क्विंटल आवक झाली. त्यास प्रतिक्विंटल २०० ते ६२० व सरासरी ३५० रुपये दर मिळाला. कारल्यांची एक क्विंटल आवक झाली. त्यांना प्रतिक्विंटल ५००० रुपये दर होता. वांग्यांची १४ क्विंटल आवक झाली. वांग्यांना प्रतिक्विंटल ५०० ते १२०० व सरासरी ७०० रुपये दर होता. हिरव्या मिरचीची १७ क्विंटल आवक झाली. मिरचीला प्रतिक्विंटल १८०० ते ४००० व सरासरी ३२०० रुपये दर होता.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com