कृषी खात्यातील मच्छिंद्र घोलप, महावीर जंगटे, गोविंद हांडे निवृत्त

कृषी खात्यातील मच्छिंद्र घोलप, महावीर जंगटे, गोविंद हांडे निवृत्त
कृषी खात्यातील मच्छिंद्र घोलप, महावीर जंगटे, गोविंद हांडे निवृत्त

पुणे : कृषी खात्यातील संचालक मच्छिंद्र घोलप, सहसंचालक महावीर जंगटे तसेच तंत्र अधिकारी गोविंद हांडे हे तीन ज्येष्ठ अधिकारी नुकतेच निवृत्त झाले. श्री. घोलप यांची काही दिवसांपूर्वीच राज्याच्या बीज प्रमाणीकरण यंत्रणेचे संचालक म्हणून नियुक्ती झाली होती. सहसंचालक म्हणून काम करीत असताना श्री. घोलप यांच्याकडे गेल्या ९ महिन्यांपासून गुणनियंत्रण संचालकपदी तात्पुरती सूत्रे देण्यात आली होती. त्यांनी या पदावरील अवघड कामे व्यवस्थित पार पाडली.  यवतमाळमधील कीटकनाशकाच्या विषबाधेमुळे घडून आलेले शेतकरी मृत्यू प्रकरण तसेच गुलाबी बोंड अळीमुळे राज्यभर करण्यात आलेले पंचनामे या दोन्ही घटनांमध्ये श्री. घोलप यांनी कृषी खात्याची बाजू भक्कमपणे हाताळली होती. कृषी विभागाच्या कोल्हापूर विभागाचे सहसंचालक म्हणून काम पहाणारे महावीर जंगटे हे निवृत्त झाले आहेत. पश्चिम महाराष्ट्रातील सर्व जिल्ह्यांवर नियंत्रण ठेवण्याचे काम सहसंचालकांना करावे लागते. मृदसंधारण व जलसंधारण घोटाळ्यांमुळे काही जिल्ह्यांमध्ये आंदोलन, कोर्टकचेऱ्या झालेल्या असतानाही श्री. जंगटे यांनी कामकाज निभावून नेले. या आधी त्यांनी राष्ट्रीय फलोत्पादन अभियानचे प्रकल्प संचालक व ठाण्याचे जिल्हा अधीक्षक कृषी अधिकारी म्हणून श्री. जंगटे यांनी यशस्वीपणे काम केले.  राज्याच्या शेतकऱ्यांना निर्यातीसाठी मंत्र देणारे कृषी खात्याच्या निर्यात विभागातील तंत्र अधिकारी गोविंद हांडे देखील ३३ वर्षांच्या सेवेतून निवृत्त झाले. निर्यातीचा मंत्र ही ५० भागांची अॅग्रोवनमधून त्यांनी लिहिलेली मालिका अतिशय मोलाची ठरली. राज्यातील द्राक्ष उत्पादक शेतकऱ्यांसाठी कमाल उर्वरित अंश संनियंत्रण प्रणाली (रेसिडयू मॉनिटरींग प्लॅन) लागू करून ग्रेपनेट ही यंत्रणा विकसित करण्यात श्री. हांडे यांनी पुढाकार घेतला. अपेडा, द्राक्ष बागायतदार संघ, एनआरसी यांच्यात त्यांनी उत्तम समन्वय निर्माण केला होता. १३ फळपिकांना भौगोलिक चिन्हांकन मिळवून देण्यात हांडे यांचा मोलाचा वाटा आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com