agriculture news in marathi, Ginning mills to get subsidized electricity | Agrowon

यंत्रमाग १ तर प्रोसेस, सायझिंगला २ रुपये प्रतियुनिट वीज दर सवलत
टीम अॅग्रोवन
शनिवार, 15 डिसेंबर 2018

मुंबई  ः महाराष्ट्र राज्याचे वस्त्रोद्योग धोरण २०१८ ते २३ अंतर्गत आमदार सुरेश हाळवणकर यांच्या एकसदस्यीय समितीने केलेल्या शिफारशींना अनुसरून वस्त्रोद्योगातील साधे यंत्रमागधारक, सहकारी सूतगिरण्या तसेच सायझिग, प्रोसेसिंग, गारमेंट व इतर घटकांना वीज दरात सवलत देण्याचा निर्णय सहकार पणन वस्त्रोद्योग विभागाने घेतला आहे. या निर्णयाने यंत्रमाग वीजग्राहकांना १ रुपये, सायझिग, प्रोसेसिंग, गारमेंट, आधुनिक यंत्रमाग ग्राहक व इतर घटकांना २ रुपये प्रतियुनिट अधिकची सवलत मिळेल.

मुंबई  ः महाराष्ट्र राज्याचे वस्त्रोद्योग धोरण २०१८ ते २३ अंतर्गत आमदार सुरेश हाळवणकर यांच्या एकसदस्यीय समितीने केलेल्या शिफारशींना अनुसरून वस्त्रोद्योगातील साधे यंत्रमागधारक, सहकारी सूतगिरण्या तसेच सायझिग, प्रोसेसिंग, गारमेंट व इतर घटकांना वीज दरात सवलत देण्याचा निर्णय सहकार पणन वस्त्रोद्योग विभागाने घेतला आहे. या निर्णयाने यंत्रमाग वीजग्राहकांना १ रुपये, सायझिग, प्रोसेसिंग, गारमेंट, आधुनिक यंत्रमाग ग्राहक व इतर घटकांना २ रुपये प्रतियुनिट अधिकची सवलत मिळेल. तसेच सूतगिरण्यांना ३ रुपये प्रतियुनिट सवलत मिळणार असून, या संदर्भात लवकरच शासन निर्णय जारी केला जाणार असल्याचे आमदार हाळवणकर यांनी सांगितले. 

राज्यातील साध्या यंत्रमागधारकांना महाराष्ट्र राज्य विद्युत नियामक आयोगाने ठरवून दिलेल्या वीज दरात शासन पूर्वीपासून २.७७ रुपये सबसिडी देते. या रकमेत वाढ करून ३.७७ रुपये करण्यात आली आहे. म्हणजे यंत्रमागधारकांच्या वीजबिलात १ रुपये प्रतियुनिट अधिकची सवलत मिळेल. त्याचबरोबर २०० अश्‍वशक्तीच्या पुढे वीजभार असणाऱ्या आधुनिक यंत्रमाग ग्राहकांनासुद्धा सवलत मिळणार आहे.

त्याचबरोबर राज्यातील सूतगिरण्यांना प्रचलित वीज दरात ३ रुपये प्रतियुनिट सवलत देण्यात आली आहे. तसेच महाराष्ट्र राज्याच्या इतिहासात सूतगिरण्या, सायझिंग, प्रोसेसिंग, निटिंग, तसेच गारमेंट व इतर प्रकल्पांना प्रथमच वीज दरात सवलत देण्यात येत आहे. त्यामुळे या उद्योग घटकांना नागपूर वस्त्रोद्योग संचालक यांच्या वेबसाइटवर नोंदणी करणे बंधनकारक आहे. नोंदणीची प्रक्रिया पूर्णपणे ऑनलाइन आहे. त्यामध्ये चालू उद्योग घटक, तसेच या धोरणांतर्गत नव्याने नोंदणी होणाऱ्या उद्योग घटकांनासुद्धा वीजदरातील सवलत लागू राहणार आहे. या नोंदणीची वेबसाइट येत्या दोन-तीन दिवसांत सुरू होणार आहे. यंत्रमाग वीजग्राहकांना पूर्वीपासूनच सबसिडी देण्यात येत असल्यामुळे त्यांना कोणत्याही प्रकारचे नोंदणी करण्याची गरज नाही. 

या संदर्भात मुख्यमंत्री देवेंद्र फडणवीस, ऊर्जामंत्री चंद्रशेखर बावनकुळे, सहकार पणन वस्त्रोद्योग मंत्री सुभाष देशमुख यांच्यासह वित्त, ऊर्जा व वस्त्रोद्योग विभागाच्या अनेक बैठका पार पडल्या. अखेर मुख्यमंत्र्यांच्या अंतिम निर्देशानंतर हा निर्णय लवकरच जाहीर करण्यात येईल.

राज्यातील सहकारी सूतगिरण्यांना, तसेच सायझिंग प्रोसेसिंग गारमेंट युनिटला साधारण सध्या प्रतियुनिट साडेनऊ रुपयांच्या आसपास वीज दर आकारला जातो. या निर्णयामुळे विविध कारणांने अडचणीत असलेल्या वस्त्रोद्योगाला मोठा दिलासा मिळाल्याची प्रतिक्रिया आमदार सुरेश हाळवणकर यांनी व्यक्त केली आहे.

इतर ताज्या घडामोडी
कीटकशास्‍त्र विभागातर्फे ट्रायकोकार्ड...परभणी ः येत्या हंगामात मराठवाड्यातील औरंगाबाद,...
फळबाग योजनेतील अटी कोकणासाठी शिथिल करू...रत्नागिरी ः भाऊसाहेब फुंडकर फळबाग लागवड...
कांदा उत्पादक शेतकऱ्यांना अनुदानाची...नाशिक : मागील वर्षी लाल कांद्याचे भाव पडल्याने...
कपाशीचा नांदेड ४४ बीटी वाण लोकार्पण हा...परभणी  : वसंतराव नाईक मराठवाडा कृषी...
पावसाला उशीर झाल्याने चिंतेचे ढग गडदनांदेड ः नांदेड, परभणी, हिंगोली जिल्ह्यांत यंदा...
कृषी विद्यापीठाच्या वाणांच्या...रत्नागिरी ः डॉ. बाळासाहेब सावंत कोकण कृषी...
परभणी, हिंगोलीतील दूध उत्पादकांच्या... परभणी  ः शासकीय दूध योजनेअंतर्गत परभणी...
विदर्भातील कृषी विकासाला बाधक ठरतोय...नागपूर   ः सत्ताकेंद्र विदर्भात असताना...
आवक कमी झाल्याने भाजीपाल्याच्या दरात वाढपुणे ः गुलटेकडी येथील कृषी उत्पन्न बाजार...
उदारीकरणाच्या नावाखाली उत्पादन...पुणे   : देशात १९९१ मध्ये...
विधिमंडळाचे आजपासून पावसाळी अधिवेशनमुंबई : राज्य विधिमंडळाच्या पावसाळी...
दुष्काळ, पीकविम्याचे आठ हजार कोटी...मुंबई ः लोकसभा निवडणूक निकालाच्या पार्श्वभूमीवर...
दुष्काळ, मंत्र्यांचे भ्रष्टाचार, आरक्षण...मुंबई : राज्यात भीषण दुष्काळ आहे, त्यामुळे...
मॉन्सूनची सिक्कीम, पश्चिम बंगालपर्यंत...पुणे : अरबी समुद्रात गुजरातच्या किनाऱ्यावर...
'टीम देवेंद्र'चा विस्तार; विखे पाटील,...मुंबई : आगामी विधानसभा निवडणूक ऐन तोंडावर आली...
ऊस बिलासाठी शेतकऱ्यांचा पाचपुतेंच्या...श्रीगोंदे : काष्टी येथील माजी मंत्री बबनराव...
खरेदीदारांच्या इच्छेवर पॅकेजिंगचा पडतो...एखादा खाद्यपदार्थ लोकांना आकर्षित ...
नगरमध्ये छावणीचालकांसाठी आणखी ६ कोटींचा...नगर : पशुधन जगविण्यासाठी छावणीचालकांचे अर्थचक्र...
सांगली जिल्ह्यात खरीप पेरा रखडलासांगली : जिल्ह्यात वळीव पावसाने दडी मारली,...
केंद्र आणि राज्याच्या मंत्र्यांना कांदे...नाशिक  : अगोदरच मागील कांदा विक्रीचे अनुदान...