agriculture news in marathi, girna dam water rotation release issue, jalgaon, maharashtra | Agrowon

‘गिरणा’तून दुसरे आवर्तन सुरू पण लाभार्थी वंचित
टीम अॅग्रोवन
मंगळवार, 23 जानेवारी 2018
गिरणा धरणाचे निम्मे पाणी जीर्ण कालवे, नादुरुस्त वितरिका व व्हॉल्व्हमुळे वाया जाते. अनेक शेतकरी पाण्यापासून वंचित राहत आहेत. 
- किरण पवार, शेतकरी, घोडगाव, जि. जळगाव.
जळगाव  ः जिल्ह्यातील शेतीसाठी महत्त्वपूर्ण असलेल्या गिरणा धरणातून रब्बी हंगामासाठी दुसरे आवर्तन सोडण्यात आले आहे. परंतु कालव्याच्या शेवटच्या टोकातील अनेक लाभार्थी शेतकरी पाण्यापासून वंचित असल्याचे चित्र आहे. तसेच दोनच आवर्तने मिळणार असून, आणखी एका आवर्तनाची गरज आहे. तिसऱ्या आवर्तनाअभावी हरभरा व ज्वारी या पिकांच्या उत्पादनावर परिणाम होण्याची शक्‍यता शेतकऱ्यांनी व्यक्त केली आहे. 
 
धरणाचे पहिले आवर्तन ८ डिसेंबरला सोडण्यात आले होते. ते महिनाभर सुरू होते. आता मागील आठवड्यात दुसरे आवर्तन सोडण्यात आले आहे. तेदेखील महिनाभर सुरू राहील. जामदा डावा व उजवा कालव्यासह गिरणा निम्न कालव्यातून शेतापर्यंत पाणी सोडण्यात आले आहे. या धरणाचा लाभ सुमारे २१ हजार हेक्‍टरला होतो. परंतु यंदा धरण ७५ टक्केच भरल्याने त्यातून दोनच आवर्तने सोडली जातील, असा निर्णय कालवा सल्लागार समितीने घेतला.
 
पालकमंत्र्यांच्या अध्यक्षतेखाली झालेल्या नियोजन समितीच्या बैठकीत धरणातून तीन आवर्तनांची मागणी करण्यात आली होती. सहकार राज्यमंत्री गुलाबराव पाटील, आमदार किशोर पाटील, डॉ. सतीश पाटील यांनी त्यासंबंधीचे मुद्दे मांडले होते.
 
परंतु दोनच आवर्तने सोडण्याचा निर्णय झाल्याने शेतकऱ्यांना कमी पाण्यावरची पिके घेण्याचा निर्णय घ्यावा लागला आहे. हरभरा व ज्वारी ही पिके गिरणा पट्ट्यात अधिक असून, तिसरे आवर्तन मिळणार नसल्याने हंगामावर परिणाम होण्याची शक्‍यता आहे. 
 
यातच भडगाव, चाळीसगाव, धरणगाव भागांतील शेवटच्या टोकाच्या लाभार्थींना पाणीच मिळत नसल्याचे चित्र आहे. वितरिकेनजीकच्या सुरवातीचे लाभार्थी अधिकचे पाणी वळवून घेतात. त्यामुळे पुढे पाणीच येत नाही. तसेच वितरिकांमध्ये काटेरी झुडपे व इतर समस्या आहेत. त्यात पाणी जिरते व ते पुढे जात नाही. मुख्य कालव्यालाही अनेक ठिकाणी तडे पडले असून, त्यातून पाणी वाया जात असल्याच्या तक्रारी शेतकऱ्यांमध्ये आहेत. जेवढे लाभार्थी व कालवाग्रस्त शेतकरी आहेत, त्यापैकी निम्मेच शेतकऱ्यांना लाभ मिळत आहे. म्हणजेच निम्मेच क्षेत्र ‘गिरणे’च्या पाण्याने भिजत आहे. 

इतर ताज्या घडामोडी
सर्वांच्या प्रयत्नांनीच गोवर्धन उचलला...अतिरिक्त दूध झाल्यास प्रक्रिया वाढविणे, त्यासाठी...
सरकारने दूध उत्पादक शेतकऱ्यांना थेट...महाराष्ट्र सध्या दुधाच्या प्रश्नावरून निर्माण...
प्रशासकीय अधिकाऱ्यांना दुग्ध व्यवसाय...‘शेतीपूरक व्यवसाय करा त्यातून आर्थिक स्थैर्य...
अतिरिक्त दूध कमी झाले की दर वाढेल :...राज्यात दूध दराचा गंभीर प्रश्‍न तयार झाला आहे....
पहिला अधिकृत जागतिक मधमाशी दिन आज होणार...संयुक्त राष्ट्रसंघाच्या २० डिसेंबर २०१७ रोजी...
राहुरी येथे मधमाशीविषयक प्रशिक्षणाचे...राहुरी ः मधुमक्षिका पालनाचे शेती उत्पादनात विशेष...
देशव्यापी शेतकरी संपादरम्यान...नाशिक : राष्ट्रीय किसान महासंघाच्या वतीने...
हरितगृहात गुलाब फुलांचे उत्पादन घेताना...जागतिक बाजारात गुलाब फुलांना वर्षभर मागणी असते....
तापमानात घट, ढगाळ हवामानासह पावसाची शक्...महाराष्ट्राचा पूर्वभाग, मध्य प्रदेश, गुजरात,...
लाल गराच्या संत्रा निर्यात वाढीसाठी... ऑस्ट्रेलियामध्ये आतील गर व रस रक्तासारख्या...
पीक सल्ला : बागायती कापूस, उन्हाळी...बागायती कापूस शेंदरी बोंड अळीचा प्रादुर्भाव...
पुणे जिल्ह्यातील साखर कारखान्यांचा गाळप...पुणे  ः पुणे जिल्ह्यातील साखर कारखान्यांचा...
परभणीत लिंबू प्रतिक्विंटल १५०० ते ३०००... परभणी : येथील जुना मोंढा भागातील फळे-भाजीपाला...
शेततळ्यांसाठी १०० टक्के अनुदानाची... बुलडाणा  : शेततळे हा शाश्वत सिंचनाचा...
नगर जिल्ह्यात पाण्याच्या टॅंकरला ‘... नगर  ः जिल्ह्यात यंदा उशिराने टॅंकरद्वारे...
यवतमाळ जिल्हा बॅंक पीककर्ज देणार फक्‍त...यवतमाळ ः आत्महत्याग्रस्त जिल्ह्यातील...
नगर जिल्ह्यात ९४ हजार ८४९ क्विंटल हरभरा... नगर  ः जिल्ह्यात नाफेडने सुरू केलेल्या १३...
शास्त्रज्ञांनी शेतकऱ्यांपर्यंत...  परभणी : हवामान बदलामुळे जगातील सर्वच...
राशी आणि कावेरीला कृषी विभागाची क्‍लीन...नागपूर : गेल्या हंगामात राज्यात विक्रीस बंदी...
पुणे विभागात ‘जलयुक्त’च्या कामांसाठी... पुणे : जलयुक्त शिवार अभियानाच्या २०१८-१९ मधील...