agriculture news in Marathi, Give the full FRP in eight days; Otherwise the movement | Agrowon

आठ दिवसांत पूर्ण एफआरपी द्या; अन्यथा आंदोलन
टीम अॅग्रोवन
शनिवार, 23 फेब्रुवारी 2019

सातारा ः सांगली, कोल्हापूर जिल्ह्यातील साखर कारखान्यांनी या वर्षीच्या गळीत केलेल्या उसाची तेथील शेतकऱ्यांना साखरेचे दर वाढल्याने एफआरपीची पूर्ण रक्कम द्यायला सुरवात केली आहे. मात्र, सातारा जिल्ह्यातील साखर कारखाने येथील शेतकऱ्यांना पूर्ण एफआरपीची रक्कम दिलेली नाही. येत्या आठ दिवसांत शेतकऱ्यांना एफआरपीची पूर्ण रक्कम दिली नाही, तर सर्व कारखान्यांवर शेतकऱ्यांना बरोबर घेऊन स्वाभिमानी तीव्र आंदोलन करणार असल्याचा इशारा प्रसिद्धी पत्रकाद्वारे दिला आहे. 

सातारा ः सांगली, कोल्हापूर जिल्ह्यातील साखर कारखान्यांनी या वर्षीच्या गळीत केलेल्या उसाची तेथील शेतकऱ्यांना साखरेचे दर वाढल्याने एफआरपीची पूर्ण रक्कम द्यायला सुरवात केली आहे. मात्र, सातारा जिल्ह्यातील साखर कारखाने येथील शेतकऱ्यांना पूर्ण एफआरपीची रक्कम दिलेली नाही. येत्या आठ दिवसांत शेतकऱ्यांना एफआरपीची पूर्ण रक्कम दिली नाही, तर सर्व कारखान्यांवर शेतकऱ्यांना बरोबर घेऊन स्वाभिमानी तीव्र आंदोलन करणार असल्याचा इशारा प्रसिद्धी पत्रकाद्वारे दिला आहे. 

या वर्षीचा गळीत हंगाम सुरू होताना स्वाभिमानीच्या आंदोलनामुळे जिल्ह्यातील कारखान्यांनी जिल्हाधिकाऱ्यांच्या बरोबर झालेल्या बैठकीत एफआरपी अधिक दोनशे रुपये दर जाहीर केला होता, परंतु त्यानंतर प्रत्यक्षात उसाची बिले देण्यास दोन महिने विलंब करून साखरेचे दर पडल्याचे कारण सांगत एकरकमी एफआरपीचा कायदा पायदळी तुडवून एफआरपीचे तुकडे केले. 

शेतकऱ्यांना प्रतिटन २२०० ते २५०० रुपयांपर्यंत पहिला हप्ता दिला आहे. आज साखरेचे किमान विक्रीदर ३१०० रुपये झाला आहे. त्याशिवाय गेल्या चार महिन्यांपूर्वी कारखाने सुरू झाल्याने आजपर्यंत विक्री केलेली मळी, बगॅस, अल्कोहोल, इथेनॉल, वीज व इतर उपपदार्थांचे पैसे कारखान्यांकडे शिल्लक आहेत. तसेच राज्य बँकेने साखरेचे मूल्यांकन वाढवलेले आहे. त्यामुळे जिल्ह्यातील साखर कारखांदारांना शेतकऱ्यांना एकरकमी एफआरपीची रक्कम देण्यात कोणतीही अडचण नाही. साखरेचे दर कमी झाल्यावर ऊस दर कमी देणारे कारखानदार साखरेचे दर वाढल्यावर शेतकऱ्यांना त्यांच्या उसाला वाढीव दर देत नाहीत. मार्च महिना जवळ आल्याने शेतकऱ्यांना विविध बँका, पतसंस्था, सोसायटी यांची थकीत कर्जे भरायची आहेत. 

शेतीच्या मशागतीसाठी घरातील मंगल कार्यासाठी पैशांची गरज आहे. जर सांगली, कोल्हापूर जिल्ह्यातील साखर कारखाने आताच्या साखर दराने शेतकऱ्यांना एकरकमी एफआरपी देऊ शकत असतील, तर जिल्ह्यातील कारखाने का देऊ शकत नाहीत, असा प्रश्न उपस्थित होत आहे. त्यामुळे येत्या आठ दिवसांत जिल्ह्यातील साखर कारखानदारांनी पूर्ण एफआरपी रक्कम शेतकऱ्यांच्या खात्यांत जमा करावी. अन्यथा स्वाभिमानी शेतकरी संघटना या कारखादारांच्या विरोधात तीव्र आंदोलन करणार असल्याचे पत्रकात म्हटले आहे.

इतर ताज्या घडामोडी
लोकसभेच्या निकालावर ठरेल विधानसभेची...नगर ः लोकसभा निवडणुकीत कोणत्या मतदारसंघातून...
उष्णतावाढीमुळे यावर्षीही साताऱ्यात आले...सातारा  ः मागील तीन ते चार वर्षांपासून मे...
नांदेड जिल्ह्यात १२१ टॅंकरने पाणीपुरवठानांदेड  ः नांदेड जिल्ह्यातील पाणीटंचाईचे...
जलसंधारण कामांसाठी पुणे जिल्ह्याला ११...शेटफळगढे, जि. पुणे  : जिल्ह्यातील जलयुक्त...
पाणीप्रश्नी किनगाव ग्रामपंचायतीवर...रोहिलागड, जि. जालना  : किनगाव येथील महिलांनी...
अठराशेवर गावांमध्ये घेतल्या जाणार २६५२...औरंगाबाद   : येत्या खरीप हंगामात...
खानदेशात बाजरी मळणीचा हंगाम आटोपलाजळगाव  ः खानदेशात बाजरीचा मळणी हंगाम आटोपला...
धुळे, नंदुरबारमध्ये राष्ट्रीयीकृत...धुळे : धुळे व नंदुरबार जिल्हा बॅंकेने १२ हजारांवर...
कोल्हापुरात ‘पाणीबाणी’ची शक्यताकोल्हापूर : जिल्ह्यात वेळेवर पाऊस सुरू न झाल्यास...
आरग येथे नागिलीच्या पानांचे सौदे सुरूसांगली  ः कधीकाळी खाण्यासाठी वापरण्यात...
अकोला जिल्ह्यात २० टक्क्यांपर्यंत...अकोला :  आगामी खरीप हंगामासाठी जिल्ह्यात पीक...
नगर जिल्ह्यातील १२४ गावांचे पाणी दूषितनगर  : जिल्ह्यातील २६४५ गावांचे पाणीनमुने...
बुलडाणा जिल्हा कृषी विक्रेता संघटनेच्या...बुलडाणा ः जिल्हा कृषी विक्रेता संघटनेची १४...
निफाड तालुक्यात द्राक्षबागांच्या...नाशिक  : निफाड तालुक्यातील द्राक्षबागांमध्ये...
सोलापूर जिल्हा परिषद करणार ‘रोहयो’ची...सोलापूर ः जिल्हा परिषदेच्या वतीने यंदाच्या...
भूगर्भात पाणीसाठा टिकविण्यासाठी भूमिगत...भूमिगत बंधारा बांधण्याचे काम जमिनीखाली असल्याने...
सरकारने शेतकऱ्यांच्या समस्यांत टाकली...नागपूर ः दुष्काळी मदत नाही, कर्जमाफीच्या...
वडगाव येथील पाटबंधारे कार्यालयासमोर...वडगाव निंबाळकर, जि. पुणे  ः नीरा डावा...
पुणे बाजार समितीवर पुन्हा प्रशासकीय...पुणे : विधानसभा निवडणुकांच्या तोंडावर पुणे बाजार...
अळिंबी उत्पादनातून केली संकटांवर मातलोणी (जि. जळगाव) येथील अनिल माळी यांच्याकडे कृषी...