agriculture news in marathi, give msp with 500 rupees bonus for rice : shetti, kolhapur | Agrowon

भाताला हमीभावासह ५०० रुपये बोनस द्यावा : खासदार शेट्टी
राजकुमार चौगुले
सोमवार, 2 ऑक्टोबर 2017

सरकारच्या आयात निर्यातीच्या चुकीच्या धोरणांमुळे शेती उद्योग तोट्यात आलेला असून, त्यामुळे शेतकरी कर्जबाजारी झाला आहे. याला आपणच निवडून दिलेले लोकप्रतिनिधी जबाबदार आहेत.
- खासदार राजू शेट्टी, स्वाभिमानी शेतकरी संघटना

कोल्हापूर : भात उत्पादकांना प्रतिक्विंटल १५५० रुपये हमीभावासह ५०० रुपये बोनस द्यावा, अशी मागणी खासदार राजू शेट्टी यांनी बांबवडे (ता. शाहूवाडी) येथे केली. स्वाभिमानी शेतकरी संघटनेच्या वतीने रविवारी (ता. १) आयोजित तिसऱ्या भात परिषदेत ते बोलत होते.

खासदार शेट्टी म्हणाले, की बाजारपेठ ही भावनेवर चालत नसून, मागणी व पुरवठ्याच्या सिद्धांतावर चालत असते. सरकारने बाजारपेठेत हस्तक्षेप करून खरेदी केल्यास शेतकऱ्यांना चांगला भाव मिळेल. जगामध्ये भाताचे उत्पादन या वर्षी २० कोटी टनांनी कमी होणार अाहे. देशातील भाताचे उत्पादनातही घटले आहे. व्यापाऱ्यांच्या खरेदी केंद्रातून शेतकऱ्यांची लुबाडणूक होत असून, एमएसपीपेक्षा कमी दराने भात खरेदी करणाऱ्या व्यापाऱ्यांवर कारवाई करण्यात यावी.

रविकांत तुपकर म्हणाले, की भाजप सरकारसोबत आम्ही शेतकऱ्यांच्या प्रश्नावर युती केली होती. मात्र भाजप सरकारने याबाबत शेतकऱ्यांच्या प्रश्नावर निराशा केली आहे. शेतकऱ्यांच्या आत्महत्या वाढल्या असून, सरकार शेतकऱ्यांच्या आत्महत्या थांबविण्यात अपयशी ठरले आहे. राज्यातील युवा वर्गाला एकत्रित करून चळवळीचे बळ वाढविणार आहे.

या वेळी प्रा. जालंदर पाटील, राजू गड्यान्नावर, भगवान काटे, सयाजी मोरे, विक्रम पाटील आदी पदाधिकाऱ्यांनी मनोगते व्यक्त केली. सावकर मादनाईक, महिला बालकल्याण सभापती शुभांगी शिंदे, ज्येष्ठ नेते जयकुमार कोले, सागर शंभूशेटे, वाहतूक संघटनेचे पश्चिम महाराष्ट्र अध्यक्ष तानाजी साठे, वसंत पाटील आदी उपस्थित होते.

सोळावी ऊस परिषद २८ ला
शेतकरी ते ग्राहक या प्रक्रियेमुळे ग्राहकांना कमी दराने तांदूळ व शेतकऱ्यांचा जादा दराने भात खरेदी करता येईल. स्वाभिमानीच्या पुढाकाराने आवश्यक ठिकाणी भात खरेदी केंद्रे सुरू करणार आहे. स्वाभिमानाची सोळावी ऊस परिषद २८ ऑक्टोबरला जयसिंगपूर येथे होणार असल्याची माहितीही खासदार शेट्टी यांनी या वेळी दिली.
 

इतर अॅग्रो विशेष
अर्थकारण सुधारणारी तरुणाची एकात्मिक...एकात्मिक शेती पद्धतीचा अंगीकार केल्यानेच सराफवाडी...
कृषी आयुक्तालयातील दक्षता पथक प्रमुखाची...पुणे : राज्याच्या कृषी आयुक्तालयातील दक्षता...
थेट विक्री, प्रक्रियेतून फायदेशीर...दुग्ध व्यवसाय अत्यंत खर्चिक झाला आहे. केवळ...
धान, बोंड अळीग्रस्तांना मदत : पांडूरंग...नागपूर ः गुलाबी बोंड अळीमुळे २० जिल्ह्यांतील...
राज्यात वटाणा प्रतिक्विंटल २००० ते ४५००...पुणे ः राज्यातील वटाण्याचा हंगाम सध्या सुरू झाला...
विनाअनुदानित कृषी महाविद्यालयांचे...पुणे : राज्यातील विनाअनुदानित कृषी...
नाशिकमध्ये ८३ आत्महत्याग्रस्त कुटुंबे...नाशिक : शेतकरी आत्महत्येच्या घटनांना...
शेतीमालाची प्रतवारी, चाळणी सामग्री...पुणे : शेतीमालाची प्रतवारी व चाळणी सामग्री...
बोंड अळीला शासन, बियाणे कंपन्याच...जळगाव ः कपाशीचे बॅसीलस थुरीलेंझीस (बीटी) बियाणे...
शेतमाल खरेदीतील चुका शोधून एक महिन्यात...पुणे: दर्जा असूनही हमीभावाने शेतमालाच्या खरेदीत...
कृषिपंपांची काहींना चुकीची वीजबिले :...नागपूर ः सरकारने कृषिपंपांचे आठ हजार कोटींचे दंड...
`क्रॉपसॅप`मधील चार वर्षांच्या 'पीएफ'...पुणे : राज्यातील कीडरोग सर्वेक्षण व सल्ला प्रकल्प...
किमान तापमानात चढ-उतारपुणे : राज्यात कोरडे हवामान असून हळूहळू थंडी...
शेतीत फुलताहेत उद्यमशीलतेची बेटं गेल्या वर्षी ''महाएफपीसी'' आणि शेतकरी कंपन्यांनी...
सुस्त प्रशासन, स्वस्थ शासनराज्यात बीटी कापूस व सोयाबीन पिकांवर कीटकनाशकांची...
दूध संघांच्या प्रश्नांवर विरोधक आक्रमकनागपूर : राज्यात सध्या अडचणीत आलेल्या सहकारी दूध...
मुंबई बाजार समिती घोटाळ्यातील दोषींवर...नागपूर : मुंबई कृषी उत्पन्न बाजार समितीतील...
मलकापूरला कापसाचे दर पाच हजारांपर्यंतअकोला : बोंड अळीने या हंगामात पिकाचे एकीकडे...
महाराष्ट्रात हुडहुडी वाढणारपुणे : मध्य महाराष्ट्राच्या काही भागांत कमी...
देशभरातील शेतकरी संघटनांचा स्वतंत्र...राष्ट्रीय किसान परिषदेच्या समारोपप्रसंगी...