मुंबई ः कापूस पीकक्षेत्रात वाढ झाल्याने जागतिक कापूस उत्पादन यंदा (२०१७-१८) दहा टक्क्यांनी वाढून २५.४ दशलक्ष टनांवर पोचेल, असा सुधारित अंदाज अांतरराष्ट्रीय कापूस सल्लागार समितीने व्यक्त केला अाहे.
गेल्या सप्टेंबर महिन्यात जाहीर केलेल्या अंदाज अहवालात जागतिक कापूस उत्पादन २५.१ दशलक्ष टन होईल, असे म्हटले होते. त्यात अाता वाढ होणार असल्याचा सुधारित अंदाज व्यक्त करण्यात अाला अाहे.
इतर पिकांच्या तुलनेत कापसाला २०१६-१७ वर्षात चांगला दर मिळाला. यामुळे कापूस लागवडीला प्रोत्साहन मिळाले. परिणामी कापूस पीकक्षेत्र ३२ दशलक्ष हेक्टरवर व्यापले अाहे. कापूस उत्पादनात अाघाडीवर असलेल्या अमेरिकेतील उत्पादन २३ टक्क्यांनी वाढून ४.६ दशलक्ष टनांवर पोचेल, असा अंदाज कापूस सल्लागार समितीने व्यक्त केला अाहे.
भारत, चीन, पाकिस्तान, ब्राझील, अफ्रिका, तुर्कस्थान अादी प्रमुख कापूस उत्पादक देशांतील उत्पादन वाढणार असल्याचे संकेत देण्यात अाले अाहेत. जागतिक स्तरावर यंदा कापसाचा वापर २५.२ दशलक्ष टन राहील. तर शिल्लक साठा १८.७ दशलक्ष टन राहणार असल्याचे अहवालात नमूद केले अाहे.
अमेरिकेतून सर्वाधिक निर्यात होणार
जागतिक स्तरावर ७.९ दशलक्ष टन राहील. कापूस निर्यातीत अमेरिकेचे पहिले स्थान कायम राहणार अाहे. अमेरिकेतून जगातील एकूण निर्यातीच्या ४० टक्के म्हणून ३.१ दशलक्ष टन कापूस निर्यात होईल. तसेच बांगलादेश हा कापसाचा सर्वांत मोठा अायातदार देश राहणार अाहे. चीनमधील कापसाच्या साठ्यात १.७ दशलक्ष टनांनी घट होणार अाहे. मात्र, इतर देशांतील कापूससाठा १.८५ दशलक्ष टनांनी वाढणार असल्याचे समितीने म्हटले अाहे.
जागतिक कापूस पुरवठा अंदाज (दशलक्ष टनांमध्ये)
| वर्ष | २०१५-१५ | २०१६-१७ | २०१७-१८ |
| उत्पादन | २१.४८ | २३.०५ | २५.३८ |
| वापर | २४.१८ | २४.५६ | २५.२२ |
| अायात | ७.५७ | ८.०० | ७.९३ |
| निर्यात | ७.५५ | ८.१५ | ७.९३ |
| शिल्लक साठा | २०.२४ | १८.५५ | १८.७० |
स्रोत ः अांतरराष्ट्रीय कापूस सल्लागार समिती
