agriculture news in marathi, Gold rises by 400 Rs, jalgaon | Agrowon

सोने ४०० रुपयांनी वधारले
चंद्रकांत जाधव
शुक्रवार, 13 ऑक्टोबर 2017

ग्राहक वाढू लागले आहे. यंदा उशिरा कोरडवाहू कपाशी, रब्बी हंगामासाठी अनुकूल पाऊस पडला. केळीची स्थितीही ठीक आहे. अर्थातच यामुळे यंदाही सोने विक्रीतून सराफ बाजारात बऱ्यापैकी उलाढाल होईल.
- मनोहर पाटील, व्यवस्थापक, आर. सी.बाफना ज्वेलर्स, जळगाव

जळगाव : सुवर्णनगरी म्हणून ओळख असलेल्या जळगावातील सराफ बाजार धनत्रयोदशीपूर्वीच गजबजू लागला अाहे. सोने खरेदीसाठी परजिल्ह्यांसह परराज्यातील मराठी मंडळी दाखल होऊ लागली आहे. दोन लाखांपर्यंतच्या सोने खरेदीवर पॅनकार्ड सक्ती हटविल्याने खरेदीबाबतचा प्रतिसादही वाढला आहे. परिणामी सोन्याचे दर वधारू लागले असून, मागील पाच दिवसांत सोन्याच्या घाऊक बाजारात एक तोळ्यामागे जवळपास ४०० रुपयांनी दरवाढ झाली आहे.

जळगावची केळी व कपाशी जशी देशभर प्रसिद्ध आहे, तसे जळगावचे सोनेही लोकप्रिय आहे. वेगवेगळ्या शैलीतील दागिने, प्युअर तुकडे खरेदीसाठी अगदी मुंबई, पुणे, इंदूर, राजस्थान, गुजरात, छत्तीसगढ, बंगळूर येथून ग्राहक येतात. खानदेशातून परदेशात नोकरीनिमित्त गेलेले युवक, युवतीदेखील खास दिवाळीनिमित्त जळगावात सोन्याची खरेदी करतात. अर्थातच दिवाळीपूर्वीची सोने खरेदी सुरू झाली आहे.

येत्या मंगळवारी म्हणजेच १७ ऑक्‍टोबरला धनत्रयोदशी आहे. विशेष म्हणजेत धनत्रयोदशी व लक्ष्मीपूजनाला आपल्याला हव्या त्या शैलीतील, वजनाचे दागिने, तुकडे मिळावेत यासाठी अनेकांनी प्रसिद्ध सोन्याच्या पेढ्यांवर आगाऊ नोंदणी करून ठेवल्याची माहिती मिळाली.

मंदीचे सावट दूर होतेय
मध्यंतरी नोटाबंदी, वस्तू व सेवाकर यामुळे सोने बाजारावर मंदीचे सावट होते. मागील सहा माहिन्यांमधील सराफ बाजारातील सरासरी उलाढाल जवळपास ३१ टक्‍क्‍यांनी घटली होती. पण आता दोन लाखांपर्यंतचे सोने खरेदी करताना पॅनकार्ड सक्ती दूर केली. तसेच वस्तू व सेवा करासंबंधी रिटर्न भरण्यास तीन महिने कालावधी निश्‍चित झाल्याने त्याचा काहीसा सकारात्मक परिणाम सोने बाजारावर दिसून येत आहे.

केळी, कापूस उत्पादकही करणार सोने खरेदी
जिल्ह्यात तापीकाठ, गिरणा काठालगतचे पूर्वहंगामी कापूस व केळी उत्पादक दरवर्षी धनत्रयोदशीला सोन्याची खरेदी करतात. अनेकजण तर दुचाकी, चारचाकी, इलेक्‍ट्रॉनिक वस्तूंऐवजी सोन्याला पसंती देतात. यंदा केळी, कपाशीला अपेक्षित दर नसला तरी आपला सोने खरेदीचा प्रघात मोडायला नको म्हणून सोने खरेदी होईलच, असा आशावाद सराफ बाजारातील व्यावसायिकांना आहे.

सोन्याचे दर (रुपये प्रति १० ग्रॅम किंवा तोळे)

तारीख होलसेल दर किरकोळ दर
६ ऑक्‍टोबर २९,४०० २९,७००
७ ऑक्‍टोबर २९,६००. २९,८५०
८ ऑक्‍टोबर २९,६५० ३०,०००
१० ऑक्‍टोबर २९,८०० ३०,२००
११ ऑक्‍टोबर २९,८०० ३०,२००

स्त्रोत ः सराफ बाजार, जळगाव

 

इतर अॅग्रोमनी
गहू, हरभऱ्याच्या भावात घटया सप्ताहात कापसाचे व साखरेचे भाव वाढले इतर...
द्राक्ष बागेतील भुरीनियंत्रणाकडे...येत्या आठवड्यामध्ये सर्व द्राक्ष विभागामध्ये...
भारतात भुईमूग उत्पादन सात दशलक्ष टनांवर नवी दिल्ली ः पीक क्षेत्रात झालेली वाढ अाणि...
बटाट्यातील शर्करेचे प्रमाण तपासण्याची...सिमला येथील केंद्रीय बटाटा संशोधन संस्थेने...
ब्रॉयलर्सचा बाजार किफायती राहण्याचे...पुणे ः किरकोळ व संस्थात्मक मागणीचा भक्कम आधार आणि...
साखर उत्पादन ३९ लाख टनांवर नवी दिल्ली  ः देशात ऊस गाळप हंगामाने वेग...
हरभऱ्यात नरमाईचा कलयंदा हरभरा उत्पादनात अपेक्षित मोठी वाढ, शिल्लक...
गहू, हरभऱ्याच्या फ्युचर्स किमतींचा...या सप्ताहात कापसाचे व सोयाबीनचे भाव वाढले,...
ब्रॉयलर्सच्या दरात सुधारणा,...पुणे : रविवारी (ता. २६) बेंचमार्क नाशिक विभागात...
साखरेच्या किमती सहा महिन्यांत २००...कोल्हापूर : साखरेच्या दरात गेल्या सहा महिन्यांत...
कांद्यावर ८५० डॉलर किमान निर्यातमूल्यनवी दिल्ली/नाशिक : देशांतर्गत दरावर नियंत्रण...
कापूस, मका, सोयाबीनच्या फ्युचर्स भावात...गेल्या सप्ताहात कापूस, सोयाबीन, हळद व गवार बी...
हरभरा, मसुरीवर अायात शुल्क लागू होणारमुंबई ः पिवळ्या वाटाण्यावर ५० टक्के अायात शुल्क...
वाढत्या मागणीमुळे अंड्यांच्या दरात वाढ नवी दिल्ली : वाढत्या मागणीचा पुरवठ्यावर परिणाम...
दीड महिन्यात तेरा लाख टन साखर उत्पादन नवी दिल्ली ः देशातील बहुतांश साखर कारखान्यांनी...
मार्चअखेर पाच लाख टन कडधान्य वितरित...कें द्र सरकारने मार्च २०१८ अखेरपर्यंत संरक्षित...
वाढत्या पुरवठ्यामुळे ब्रॉयलर्सचा बाजार... सध्या ब्रॉयलर्स पक्ष्यांना थंडीमुळे जोरदार...
शेती, अन्नपुरवठा साखळीत ५००० कोटींची...स्वित्झर्लंडस्थित पायोनियरिंग व्हेंचर्स फंडने...
सोयाबीनमधील मंदीची कारणेजगात सलग तिसऱ्या वर्षी सोयाबीनचे उच्चांकी उत्पादन...
चांगल्या सवयीचे गुलाम व्हामित्रांनो, तुमच्या मनाची शक्ती वापरून तुम्ही...