agriculture news in Marathi, Gondia ASDO suspended, Maharashtra | Agrowon

गोंदिया जिल्हा अधीक्षक अधिकारी बऱ्हाटे निलंबित
टीम अॅग्रोवन
बुधवार, 14 नोव्हेंबर 2018

गोंदिया ः नगर जिल्ह्यात राबविण्यात आलेल्या आदिवासी क्षेत्रातील जमिनीच्या विकासासंदर्भातील योजनेत अनियमिततेचा ठपका ठेवत गोंदियाचे विद्यमान जिल्हा अधीक्षक कृषी अधिकारी भाऊसाहेब बऱ्हाटे यांना निलंबित करण्यात आले आहे. नगर जिल्ह्यातील अकोले तालुक्‍यात ही योजना राबविण्यात आली होती. 

गोंदिया ः नगर जिल्ह्यात राबविण्यात आलेल्या आदिवासी क्षेत्रातील जमिनीच्या विकासासंदर्भातील योजनेत अनियमिततेचा ठपका ठेवत गोंदियाचे विद्यमान जिल्हा अधीक्षक कृषी अधिकारी भाऊसाहेब बऱ्हाटे यांना निलंबित करण्यात आले आहे. नगर जिल्ह्यातील अकोले तालुक्‍यात ही योजना राबविण्यात आली होती. 

केंद्रीय विशेष साह्य योजनेअंतर्गंत कृषी विभाग व आदिवासी विभागाच्या समन्वयातून पडकई विकास योजना राबविण्यात येते. या योजनेतून अनुसूचित जमातीच्या शेतकऱ्यांच्या जमिनीचे सपाटीकरणाचे काम करण्याचे निर्देश आहेत. एक हेक्‍टर जमिनीसाठी २ लाख ५३ हजार ४४५ रुपये लाभार्थ्यांना देण्यात येतात. नगर जिल्ह्यातील १२७.८४ हेक्‍टरवरील कामासाठी ३ कोटी २४ लाखांच्या निधीची तरतूद करण्यात आली होती. लाभार्थ्याला किमान एक हेक्‍टरसाठी लाभ देण्याचे निश्चित करण्यात आले होते. कामाची देयके धनादेशाव्दारे लाभार्थ्यांच्या बॅंक खात्यात वर्ग करण्याचे स्पष्ट आदेश आहेत. पडकईच्या कामापोटी कोणतीही आगाऊ रक्‍कम देण्यात येऊ नये, असे आदेश शासनाचे आहेत. 

तसेच तीन लाखांपेक्षा जास्त रक्‍कमेच्या खर्चाची कामे ई-निविदेद्वारे करावेत, असे आदेश असताना नगरचे तत्कालीन प्रभारी जिल्हा अधीक्षक कृषी अधिकारी भाऊसाहेब बऱ्हाटे यांनी जळगावच्या सर्वोदय शैक्षणिक व बहुद्देशीय संस्थेला या कामापोटी आगाऊ एक कोटी २९ लाख रुपये दिले. संस्थेच्या खात्यावर हा निधी वर्ग करण्यात आला. ६ एप्रिल २०१६ रोजी कार्यालयीन आदेश काढत योजनेसाठी एकूण निधीतील ४० टक्‍के रक्‍कम सर्वोदय संस्थेच्या देना बॅंक खात्यात वर्ग करण्यास मंजुरी देण्यात आली.

कामाची मागणी केल्यानंतर अवघ्या पाच दिवसांत संस्थेला काम बहाल करण्यात आले. त्यापुढील आठ दिवसांत ४० टक्‍के आगाऊ रक्‍कमही संस्थेला देण्यात आली. या प्रकरणी बऱ्हाटे यांनी पदाचा गैरवापर केल्याचा आरोप आहे. या प्रकरणी त्यांच्यावर फौजदारी कारवाईची मागणी नगरच्या शिवनेरी प्रतिष्ठानचे अध्यक्ष भाऊसाहेब तपकिरे यांनी मुख्यमंत्र्यांकडे केली होती. त्याआधारे जिल्हाधिकाऱ्यांच्या अध्यक्षतेखाली चौकशी समिती नेमण्यात आली. चौकशी समितीचा अहवाल कृषी विभागाकडे पाठविण्यात आला. 

किसान सभेचे पदाधिकारी डॉ. अजित नवले यांनीही आदिवासी विभागाकडे तक्रार करून आंदोलनही केले होते. त्यानंतर तब्बल सव्वादोन वर्षांनी राज्य शासनाच्या वतीने भाऊसाहेब बऱ्हाटे यांच्या निलंबनाचे आदेश जारी करण्यात आले. निलंबन काळात त्यांना विभागीय कृषी सहसंचालक कार्यालय हे मुख्यालय राहणार आहे.

इतर अॅग्रो विशेष
वासंतीकरणाच्या प्रक्रियेतील तापमानाचे...वसंताच्या आगमनामुळे प्रत्येक वनस्पती किंवा...
मराठवाड्यात ‘रेशीम’ला रिक्त पदांचे...औरंगाबाद ः राज्याला रेशीम उद्योगात उदयोन्मुख...
खानदेशात पपई लागवडीत होणार निम्म्याने...जळगाव : खानदेशात आगाप पपई लागवडीला सुरवात झाली...
रशियाला द्राक्ष निर्यातीत ‘क्लिअरिंग’चा...नाशिक : भारतीय द्राक्षाचा रशिया मोठा आयातदार आहे...
वादळी पाऊस, गारपिटीचा तडाखापुणे ः अकोला जिल्ह्यातील देवरी (ता. अकोट),...
लाल वादळ मुंबईकडे झेपावलेनाशिक : गेल्या वर्षभरापासून आश्‍वासन देऊनही...
शेतकरी प्रतिनिधींची ऊस दर नियंत्रण मंडळ...पुणे: ऊसदर नियंत्रण मंडळाच्या बैठकीत शेतकरी...
जलसंधारण विभागाच्या आकृतिबंधास मान्यतामुंबई: नागपूर व पुणे येथे अपर आयुक्त तथा मुख्य...
नाणार भूसंपादनाची अधिसूचना रद्द करणारः...मुंबई: नाणार येथील प्रस्तावित ग्रीन रिफायनरी...
सुपीक जमीन, नियोजनातून वाढविली...हणमंतवडिये (ता. कडेगाव, जि. सांगली) येथील राहुल...
शेडनेट, रेशीमशेती, भाजीपाला लागवडीतून...विडूळ (ता. उमरखेड, जि. यवतमाळ) येथील सदानंद...
नाशिकच्या धरणांत अवघा ४५ टक्के जलसाठानाशिक : यंदा कमी झालेल्या पावसामुळे धरणातील...
शेतीसह शिक्षणाबाबतही जागरूक सावखेडाखुर्दसावखेडा खुर्द (ता. जि. जळगाव) या बागायती...
वाहतूक शुल्कासाठी प्रमाणपत्राची अट नको...पुणे : निर्यातीचा कोटा पूर्ण करणाऱ्या साखर...
राष्ट्रीय जल पुरस्कारांत महाराष्ट्र...मुंबई : राज्यातील जलयुक्त शिवार अभियानमध्ये...
बांबू उद्योगात भारताला स्वयंपूर्ण...मुंबई: कागद, कागदाचा लगदा, वस्त्र या विविध...
लाँग मार्च पोलिसांनी रोखला; आज कूच...नाशिक: मागील वर्षी मार्च महिन्यात अखिल भारतीय...
चटका वाढल्याने उन्हाळ्याची चाहूलपुणे : राज्यातील थंडी कमी होऊन उन्हाचा चटका...
निविष्ठांबाबत शासन कठोर: चंद्रकांत...पुणे : राज्यातील शेतकऱ्यांना खते, बियाणे,...
हमीभावाने कापूस खरेदीत केंद्राचा हात...जळगाव ः कापूस बाजारात हवी तशी तेजी नसल्याचे...