agriculture news in Marathi, government agriculture product procurement did not get response from farmers, Maharashtra | Agrowon

शासकीय खरेदी म्हणजेच 'खोदा पहाड निकला चुहा'
टीम अॅग्रोवन
शनिवार, 23 डिसेंबर 2017

औरंगाबाद : शेतमालाची हमी दराने खरेदी करण्यासाठी शासनाने सुरू केलेल्या केंद्रांना नगण्यच प्रतिसाद मिळाला आहे. आधी शेतकऱ्यांनी आवश्‍यक ऑनलाइन नोंदीकडे पाठ फिरवली, तर ज्यांनी नोंदणी केली त्यापैकी बहुतांश शेतकऱ्यांचा शेतमाल खरेदीच्या अटी- शर्तींमुळे खरेदी झाला नाही. त्यामुळे ''खोदा पहाड निकला चुहा'' अशीच काहीशी स्थिती हमी दराने शेतमाल खरेदीची झाल्याचे चित्र खरेदी झालेल्या मालाच्या आकडेवारीवरून समोर येत आहे.

औरंगाबाद : शेतमालाची हमी दराने खरेदी करण्यासाठी शासनाने सुरू केलेल्या केंद्रांना नगण्यच प्रतिसाद मिळाला आहे. आधी शेतकऱ्यांनी आवश्‍यक ऑनलाइन नोंदीकडे पाठ फिरवली, तर ज्यांनी नोंदणी केली त्यापैकी बहुतांश शेतकऱ्यांचा शेतमाल खरेदीच्या अटी- शर्तींमुळे खरेदी झाला नाही. त्यामुळे ''खोदा पहाड निकला चुहा'' अशीच काहीशी स्थिती हमी दराने शेतमाल खरेदीची झाल्याचे चित्र खरेदी झालेल्या मालाच्या आकडेवारीवरून समोर येत आहे.

 औरंगाबाद जिल्ह्यात भरडधान्याची खरेदी करण्यासाठी दहा खरेदी केंद्रे सुरू करण्यात आली. मका, बाजरी, ज्वारी आदी पिकांसाठी सुरू करण्यात आलेल्या या खरेदी केंद्रांवर केवळ मका पिकाच्याच विक्रीसाठी शेतकऱ्यांनी थोडा उत्साह दाखविला. २० डिसेंबर अखेरपर्यंत जिल्ह्यातील ७५३ शेतकऱ्यांनी २२८३१ क्‍विंटल मक्याची केंद्रावर विक्री केली.

मूग आणि उडीदाच्या खरेदीसाठी जिल्ह्यात तीन खरेदी केंद्रे सुरू करण्यात आली होती. १३ डिसेंबरला बंद होण्यापूर्वी या केंद्रावर ८१ शेतकऱ्यांकडून मुगाची १४५.५० क्‍विंटल खरेदी केली गेली. दुसरीकडे उडीदाची १४ शेतकऱ्यांकडून ५३ क्‍विंटल खरेदी करण्यात आली. जिल्ह्यात तीन केंद्रांवरून सोयाबीनची २५ शेतकऱ्यांकडून ३१८ क्‍विंटल खरेदी करण्यात आली. 

जालना जिल्ह्यात चार केंद्रांवरून उडदाची ३२५.५० क्‍विंटल, मुगाची ४५.५० क्‍विंटल तर सोयाबीनची ८६७ क्‍विंटल खरेदी करण्यात आली. मूग, उडदाच्या चुकाऱ्यापोटी जवळपास ४३ लाख रुपये शेतकऱ्यांच्या खाती जमा करण्यात आले असून मका खरेदीसाठी जिल्ह्यात सुरू करण्यात आलेल्या चार केंद्रांवर मक्याचा दाणाही खरेदी झाला नाही. जवळपास २० शेतकऱ्यांनी मका विक्रीसाठी ऑनलाइन नोंदणी केली; मात्र ते माल घेऊन विक्रीसाठी आले नसल्याची माहिती सूत्रांनी दिली.

बीड जिल्ह्यात बारा हमीदराने खरेदी केंद्रांना मंजुरी मिळाली होती. प्रत्यक्षात शिरूर कासार वगळता सर्व ठिकाणची केंद्रे सुरू करण्यात आली. हमीदराने शेतमाल खरेदीसाठी बीड जिल्ह्यातील १५५५० शेतकऱ्यांनी ऑनलाइन नोंदणी केली होती. प्रत्यक्षात जवळपास साडेपाच हजाराच्या आसपास शेतकऱ्यांनाच आपला शेतमाल आजवर हमीदराने खरीदीच्या केंद्रावर अटी, शर्तीच्या अधिन राहून मोजता आला.

बीड जिल्ह्यातील अकरा खरेदी केंद्रांवरून ४०२६ शेतकऱ्यांकडून उडदाची २८२५१.७० क्‍विंटल, मुगाची ८९३ शेतकऱ्यांकडून ४४९३.१५ क्‍विंटलची हमीदराने खरेदी केली गेली. तर ७६० शेतकऱ्यांच्या ११७३८.९० क्‍विंटल सोयाबीनची खरेदी झाली. बीड जिल्ह्यात मका खरेदीची माजलगाव, अंबाजोगाई व केज येथे केंद्रे सुरू करण्यात आली. परंतु या केंद्रांवर अजून मका खरेदीचा मुहूर्त लागला नाही.

एक, दोन ठिकाणचा अपवाद वगळता नोव्हेंबरपर्यंत खरेदी केलेल्या मालाची रक्‍कम शेतकऱ्यांच्या खाती जमा करण्यात आल्याची माहिती सूत्रांनी दिली. खरेदी केंद्रे सुरू केल्याने बाजारातील दरही वाढल्याचा दावा शासन व यंत्रणेकडून केला जात आहे.

मूग, उडदाची नगण्य खरेदी
औरंगाबाद जिल्ह्यात सुरू करण्यात आलेल्या तीन केंद्रांवर मुगाची १४५.५० क्‍विंटल तर उडदाची ५३ क्‍विंटल खरेदी करण्यात आली. जालना जिल्ह्यात चार केंद्रांवरून उडदाची ३२५.५० क्‍विंटल, मुगाची ४५.५० क्‍विंटल खरेदी झाली. बीड जिल्ह्यातील अकरा खरेदी केंद्रांवरून उडदाची २८२५१.७० क्‍विंटल, मुगाची ४४९३.१५ क्‍विंटलची हमीदराने खरेदी झाली.

इतर ताज्या घडामोडी
परभणी जिल्ह्यात हुमणीच्या नुकसानीचा कहरपरभणी ः परभणी जिल्ह्यात उद्‍भवलेल्या दुष्काळी...
बाजार समिती कर्मचारी शासन आस्थापनावर...पुणे  ः राज्यातील बाजार समित्यांमधील...
पुणे विभागात चारापिकांची एक लाख...पुणे   ः जनावरांसाठी चाऱ्याची अडचण येऊ नये...
साताऱ्यात उसावर ‘हुमणी’चा प्रादुर्भावसातारा  ः जिल्ह्यातील विविध पिकांवर ‘हुमणी’...
नगर जिल्ह्यात ३५ हजार हेक्‍टरवरील उसावर...नगर  ः नगर जिल्ह्यात यंदा उसावर ‘हुमणी’चा...
‘पंदेकृवि’तील शिवारफेरीला शेतकऱ्यांचा...अकोला  ः डाॅ. पंजाबराव देशमुख कृषी...
महसूल राज्यमंत्र्यांनी घेतला महागावमधील...महागाव, जि. यवतमाळ  ः दुष्काळग्रस्त भागात...
महाराष्ट्रातील जनताच पंतप्रधान मोदी...शिर्डी, जि. नगर   ः घरकुलाचा लाभ देण्यासाठी...
सरकारने कर्जमाफीत घोटाळा केला : उध्दव...नगर  ः राज्यातील शेतकऱ्यांसाठी कर्जमाफी...
पुण्यात भाजीपाल्याच्या मागणीत वाढ; दरही...पुणे ः गुलटेकडी येथील कृषी उत्पन्न बाजार...
नाशिक जिल्ह्यात सर्वपक्षीय पाणी बचाव...नाशिक  : मराठवाड्यातील जायकवाडी धरणात नाशिक...
इंदापूर बाजार समितीत शेतीमाल तारण योजना...इंदापूर, जि. पुणे  ः महाराष्ट्र राज्य कृषी...
नगर जिल्ह्यात एप्रिलपासून चाराटंचाई...नगर  ः जिल्ह्यात यंदा पाऊस नसल्याचे...
शेतीतील सुधारणांसाठी कृषी विद्यापीठांची...अकोला   ः बदललेल्या परिस्थितीत शेतीतही मोठी...
नगर जिल्हा परिषदेत सरकार विरोधात...नगर  ः जिल्हा परिषदेच्या मालकीच्या...
शेतकऱ्यांच्या मागण्यांबाबत ‘राष्ट्रवादी...अकोला  ः तूर, सोयाबीन, हरभरा या पिकांचा विमा...
शेतकरीप्रश्नी ‘स्वाभिमानी’चे विदर्भ,... पुणे ः पश्चिम महाराष्ट्रातील दूध व ऊस...
औरंगाबादेत बटाटा प्रतिक्‍विंटल १००० ते...औरंगाबाद : येथील कृषी उत्पन्न बाजार समितीमध्ये...
धुळीतील जिवाणूंना रोखण्यासाठी हवे...खिडक्यातून आत येणाऱ्या सूर्यप्रकाशामुळे धुळीमध्ये...
हळदीमध्ये भरणी, खत व्यवस्थापन...हळदीची उगवण आणि शाकीय वाढ यांनतर पुढील दोन...