agriculture news in Marathi, Government didnt announced help for moong, urad and soybean producers, Maharashtra | Agrowon

सरकारी मदतीने एका डोळ्यात हसू, दुसऱ्यात अश्रू
गोपाल हागे
रविवार, 24 डिसेंबर 2017

शासनाने बोंडअळीच्या प्रादुर्भावाची दखल घेत कापूस उत्पादकांना मदत जाहीर केली, हे चांगले झाले. मात्र दुसरीकडे लाखो हेक्टरवर लागवड झालेल्या व उत्पादन खर्चसुद्धा न निघालेल्या सोयाबीन उत्पादकांना, मूग-उडीद पेरणाऱ्यांना मदत मिळणे गरजेचे होते. अनेक शेतकऱ्यांना एकरी ५० किलोपासून तर चार क्विंटलपर्यंत सोयाबीन झाले होते. त्यांचा खर्चही निघालेला नाही. परंतु शासनाने या शेतकऱ्यांकडे डोळेझाक केल्याचे दिसून येते. मदत दिली पाहिजे.
- मनोज तायडे, शेतकरी नेते, अकोला  

अकोला : राज्य शासनाने अधिवेशनाच्या अखेरच्या दिवशी कापूस, धान उत्पादकांना मदत जाहीर केल्याने एकीकडे दिलासा मिळालेला असतानाच दुसरीकडे सोयाबीन, मूग-उडीद उत्पादकांना काहीही न मिळाल्याने नाराजीचे सूर उमटू लागले अाहेत. विशेष म्हणजे राज्यात कापसाच्या ४० लाख हेक्टरनंतर सर्वात जास्त सुमारे ३८ लाख हेक्टरपेक्षा अधिक क्षेत्रावर सोयाबीनची लागवड झाली होती. 

पावसातील खंडानंतर काढणीच्या वेळी पाऊस अाल्याने सोयाबीन उत्पादकांना मोठा फटका बसला होता. या हंगामात सोयाबीनची उत्पादकता अवघी ५० किलोपासून ४ क्विंटलपेक्षा कमी मिळाली. त्यातच मालाचा दर्जा चांगला नसल्याने भावसुद्धा अवघा दोन हजारांच्या अात मिळाला.

शासनाच्या नाफेड खरेदी केंद्रावर लावलेल्या निकषात सोयाबीन बसले नाही, एवढा दर्जा खालावला होता. यामुळे मोठे नुकसान शेतकऱ्यांना सहन करावे लागले. हीच गत मूग, उडीद उत्पादकांचीही झाली. याही पिकांची उत्पादकता कमी झाली शिवाय मालाचा दरही हमीभावाच्या अात मिळत अाहे. त्यामुळे या पिकांना हिवाळी अधिवेशनात मदत मिळेल अशी अपेक्षा शेतकऱ्यांना वाटत होती.

अधिवेशनापूर्वी संपूर्ण विदर्भात कापसासोबतच सोयाबीन,मूग, उडीद उत्पादकांना मदतीची मागणी पुढे अाली होती. ठिकठिकाणी कापूस-सोयाबीन परिषदा झाल्या. असे असताना शासनाने केवळ कापूस व धानाला मदत जाहीर केल्याने अपेक्षाभंग झाल्याची भावना व्यक्त केल्या जाऊ लागली अाहे.

इतर अॅग्रो विशेष
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...
सिंचन योजनांचे अर्थसाह्य महामंडळाच्या...मुंबई : पंतप्रधान कृषी सिंचन योजनेतील...
मुरघास : चाराटंचाईवर उत्तम पर्यायउन्हाळ्यामध्ये किंवा चारा तुटीच्या काळात...
बाजारात टंचाईमुळे ‘पांढऱ्या सोन्या'च्या...जळगाव ः देशात कापसाची सर्वाधिक सुमारे ४० लाख हेक्...
दिवसा वीजपुरवठ्याचे स्वप्न प्रत्यक्षात...मुंबई : मुख्यमंत्री सौर कृषी पंप...
विजयादशमीनिमित्त फुलांना मागणी वाढलीपुणे ः गुरुवारी (ता. १८) साजऱ्या हाेणाऱ्या...
कोकण, पश्‍चिम महाराष्ट्रात पावसाची...पुणे: राज्याच्या कमाल तापमानात चढ-उतार सुरू...
मराठवाड्यात यंदा शेतकऱ्यांचे...औरंगाबाद : कमी पाऊस आणि मोठा खंड यामुळे...
ऊर्जा विभागाच्या योजनांचा शेतकऱ्यांना...मुंबई  : ऊर्जा विभागाने लोकहिताच्या व...
राज्यात २७ लाख हेक्टरवर होणार ज्वारी...पुणे : केंद्र सरकारच्या नव्या धोरणाप्रमाणे...
सणासुदीत अर्थकारण उंचावणारे पेरीडकरांचे...गणपती उत्सवापासून ते अगदी दसरा, दिवाळीस तुळशीच्या...