agriculture news in marathi, government employees on strike, mumbai, maharashtra | Agrowon

संपामुळे सरकारी कामकाज ठप्प
टीम अॅग्रोवन
बुधवार, 8 ऑगस्ट 2018

संप १०० टक्के यशस्वी झाला आहे. रुग्णालये व शाळादेखील कडकडीत बंद आहेत. कर्मचारी रस्त्यावर उतरून संताप व्यक्त करीत आहेत. राज्यभर मोर्चे, निदर्शने चालूच राहतील. आमच्या मागण्यांकडे दुर्लक्ष केल्यास भविष्यात बेमुदत संप करण्याची तयारी आम्ही ठेवली आहे.
- विश्वास काटकर, अध्यक्ष, महाराष्ट्र राज्य सरकारी कर्मचारी मध्यवर्ती संघटना

मुंबई/पुणे  : सातवा वेतन आयोग व इतर मागण्यांसाठी राज्य सरकारी कर्मचाऱ्यांनी पुकारलेल्या तीनदिवसीय संपामुळे कृषी, सहकार, दुग्ध, पशुसंवर्धन, जलसंपदा विभागांसह सर्व खात्यांचे कामकाज ठप्प झाले. शाळा आणि सरकारी रुग्णालयांचे कामदेखील विस्कळित झाले. संपामुळे शेतकरी आणि ग्रामीण जनतेला मोठा मनस्ताप सहन करावा लागला. संपावर गेलेल्या कर्मचाऱ्यांवर अत्यावश्यक सेवा कायद्याखाली कारवाई करण्यात येईल, असे राज्य शासनाने स्पष्ट केले आहे.

राज्य सरकारी कर्मचारी मध्यवर्ती संघटनेने पुकारलेल्या संपाला मंगळवार (ता. ७) पासून सुरवात झाली. राजपत्रीत अधिकारी संघटनेने मात्र संपातून माघार घेतली; परंतु तृतीय व चतुर्थ श्रेणीतील कर्मचारी संपावर ठाम राहिल्याने कार्यालयांमध्ये नियमित कामकाज होऊ शकले नाही. मुंबईत मंत्रालयात संपाचे पडसाद उमटले. मंत्रालयातील सहायक कक्ष अधिकारी, कारकून आणि चतुर्थ श्रेणीतील कर्मचाऱ्यांनी मंत्रालयाकडे पाठ फिरवली.

पुण्यात कृषी आयुक्तालय, सहकार आयुक्तालय, विभागीय आयुक्त कार्यालय, पशुसंवर्धन आयुक्तालय, तसेच शालेय शिक्षण विभाग, आरोग्य विभाग, पणन संचालनालय, राज्य निवडणूक प्राधिकरण, तसेच इतर विभागांमध्ये शुकशुकाट होता. सहकार खात्यात कर्जमाफीचे कामकाजदेखील बंद पडले. संपामुळे राज्याच्या गुप्तवार्ता विभागासह कारागृह विभागातील कामेही विस्कळीत झाली होती.  विविध खात्यांमध्ये राजपत्रित अधिकारी व सनदी अधिका-यांनी प्रलंबित कामांचा निपटारा करण्यात दिवस घालवला.

राज्य सरकारने सोमवारी (ता. ६) काही मागण्या मान्य करण्याचे आश्वासन देऊनही राज्य सरकारी, निम सरकारी कर्मचारी, जिल्हा परिषद कर्मचारी, शिक्षक संघटना समन्वय समिती संपात सहभागी झाले.  पुणे येथे मध्यवर्ती शासकीय इमारतीजवळ सकाळी सर्व विभागांतील कर्मचारी जमले. सातवा वेतन आयोग, अंशदायी पेन्शन योजना, बालसंगोपन रजा, पाच दिवसीय आठवडा, तसेच निवृत्तीचे वय ६० असावे, अशा विविध मागण्यांसाठी कर्मचा-यांनी तीव्र निदर्शने केली. त्यानंतर जिल्हाधिकारी कार्यालयावर कर्मचा-यांनी मोर्चा काढला.

या वेळी राज्य सरकारच्या विरोधात जोरदार घोषणाबाजी करण्यात आली. तसेच, संप फोडल्याचा ठपका ठेवत संघटनेतील काही नेत्यांविरुद्धदेखील घोषणाबाजी झाली. कर्मचारी संघटनेचे पुणे अध्यक्ष मारुती शिंदे, सहकार खाते कर्मचारी संघाचे अध्यक्ष रवींद्र तावरे, रणरागिणी महिला मंचाच्या अध्यक्षा संध्या काजळे आणि इतर पदाधिका-यांनी मोर्चाचे नेतृत्व केले.
 

इतर अॅग्रो विशेष
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
साखर कारखान्यांची धुराडी आजपासून पेटणारपुणे: राज्यातील साखर कारखान्यांच्या गाळप हंगामाला...
सहकारी बॅंकांना एकाच छताखाली आणणार :...पुणे ः सहकार क्षेत्राला ‘अच्छे दिन’ आणण्यासाठी...
चला मिरचीच्या आगारात राजूरा बाजारात...मिरचीचे आगार अशी ओळख अमरावती जिल्ह्यातील राजूरा...
‘एसआरटी’ तंत्राने मिळाली उत्पादनासह...पेंडशेत (ता. अकोले, जि. नगर) या कळसूबाई शिखराच्या...
तुटवड्यामुळे कांद्याच्या दरात सुधारणानवी दिल्ली ः देशातील महत्त्वाच्या कांदा उत्पादक...
कृषी विद्यापीठांचे संशोधन आता एका...मुंबई ः राज्यातील चारही कृषी विद्यापीठांनी केलेले...
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...