साठ बाजार समित्यांमध्ये कर्मचारी नियुक्तीचे आदेश

साठ बाजार समित्यांमध्ये कर्मचारी नियुक्तीचे आदेश
साठ बाजार समित्यांमध्ये कर्मचारी नियुक्तीचे आदेश

पुणे : अपुऱ्या आणि प्रशिक्षित मनुष्यबळाअभावी ई-नामच्या प्रभावी अंमलबजावणीसाठी अडचणी निर्माण हाेत आहेत. या पार्श्वभूमीवर ई-नाममध्ये समाविष्ट झालेल्या ६० बाजार समित्यांमध्ये प्रत्येकी ९ कर्मचाऱ्यांची नियुक्ती करण्याचे आदेश पणन संचालक डॉ. आनंद जाेगदंड यांनी बाजार समित्यांना दिले आहेत. आॅनलाइन राष्ट्रीय ॲग्रिकल्चर मार्केट (ई-नाम) या इलेक्ट्रॉनिक प्लॅटफॉर्म याेजनेअंतर्गत राज्यातील ६० बाजार समित्यांची निवड करण्यात आली आहे. आॅनलाइन लिलावाच्या तांत्रिक पायाभूत सुविधांसाठी प्रत्येक बाजार समितीला ३० लाखांचा निधी आणि संगणक प्रणाली केंद्र सरकारच्या वतीने माेफत दिली आहे. मात्र, ही याेजनेची प्रभावीपणे अंमलबजावणी हाेत नसल्याचे वास्तव असून, नुकत्याच मुख्यमंत्र्यांनी घेतलेल्या आढावा बैठकीमध्ये नाराजी व्यक्त करण्यात आली हाेती.  यानंतर या याेजनेच्या प्रभावी अंमलबजावणीसाठी शेतमालाची प्रवेशद्वारावर आणि वाहने बाहेर पडणाऱ्या द्वारावरच शेतमालाच्या आवक जावकेची संगणकीय प्रणालीमध्ये नाेंदणी करणे, गुणवत्ता तपासणी, शेतमालाची मांडणी, आॅनलाइन लिलाव, शेतमालाचे वजन, बिल तयार करणे आदी विविध कामांसाठी कंत्राटीपद्धतीने नियुक्ती करण्याचे आदेश देण्यात आले आहेत, तर शेतमालाच्या आवक जावकेच्या नाेंदणीसाठी बाजार समिती कर्मचाऱ्यांची नियुक्ती करावी, तर उर्वरित कामांसाठी नवीन कर्मचाऱ्यांची नियुक्ती करावी, असे आदेश देण्यात आले आहेत. संगणकीय कामकाजासाठी प्रशिक्षित कर्मचाऱ्यांची प्रतिमहिना १५ हजार रुपये वेतनावर नियुक्ती करावी, असेही स्पष्ट करण्यात आले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com