सोलापूर : सोलापूर कृषी उत्पन्न बाजार समितीच्या अंतर्गत मंद्रूप (ता. दक्षिण सोलापूर) येथे उपबाजार उभारण्याच्या विषयास समितीच्या संचालक मंडळाने एकमताने मंजुरी दिली. उपबाजारासाठी ५० एकर जागेची आवश्यकता असून, जागाखरेदीचा प्रस्ताव येत्या १५ दिवसांत शासनाकडे सादर करण्यात येणार असल्याची माहिती समितीचे सभापती दिलीप माने यांनी दिली.
समितीच्या नूतन संचालकांची पहिलीच सभा बुधवारी (ता. १) माने यांच्या अध्यक्षतेखाली झाली. या वेळी उपसभापती श्रीशैल नरोळे, इंदुमती अलगोंड-पाटील, सचिव मोहनराव निंबाळकर, जिल्हा उपनिबंधक अविनाश देशमुख, वसंत पाटील, प्रकाश वानकर, बाळासाहेब शेळके, जितेंद्र साठे, प्रकाश चोरेकर, अमर पाटील, केदार उंबरजे, बसवेश्वर इटकळे, राजू वाघमारे, शिवानंद पुजारी, रामप्पा चिवडशेट्टी, अप्पासाहेब पाटील, नामदेव गवळी आदी उपस्थित होते.
नाशिक बाजार समितीच्या धर्तीवर हा उपबाजार उभारण्यात येणार आहे. तेथील सोयीसुविधांची माहिती घेऊन अत्याधुनिक पद्धतीने शेतकऱ्यांना सेवा पुरविण्याचा प्रयत्न राहणार आहे. स्टेट बॅंक ऑफ इंडिया आणि कॅनरा बॅंकेत ६० कोटी रुपयांच्या ठेवी आहेत. यापुढील काळात मुदत संपणाऱ्या ठेवी सर्वाधिक व्याज देणाऱ्या बॅंकांमध्ये ठेवण्याचा निर्णयही घेण्यात आला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.