agriculture news in marathi, Government sanctions 2269 corer for Kharif 2017 compensation | Agrowon

खरीप २०१७ हंगामासाठी २,२६९ कोटी भरपाई मंजूर
मारुती कंदले
मंगळवार, 1 मे 2018

मुंबई : पंतप्रधान पीक विमा योजनेअंतर्गत २०१७ च्या खरीप हंगामासाठी शेतकऱ्यांना २,२६९ कोटींची भरपाई मंजूर झाली आहे. यात सर्वाधिक औरंगाबाद विभागासाठी सुमारे १,४४० कोटी त्यापाठोपाठ  अमरावती विभागासाठी ४५१ कोटी रुपयांची भरपाई मिळणार आहे. खरिपात सुमारे ३,४०० कोटी रुपयांचा विमा हप्ता कंपन्यांकडे जमा झाला होता. त्यापोटी ६६ टक्केच रक्कम भरपाई म्हणून शेतकऱ्यांना मिळणार आहे. 

मुंबई : पंतप्रधान पीक विमा योजनेअंतर्गत २०१७ च्या खरीप हंगामासाठी शेतकऱ्यांना २,२६९ कोटींची भरपाई मंजूर झाली आहे. यात सर्वाधिक औरंगाबाद विभागासाठी सुमारे १,४४० कोटी त्यापाठोपाठ  अमरावती विभागासाठी ४५१ कोटी रुपयांची भरपाई मिळणार आहे. खरिपात सुमारे ३,४०० कोटी रुपयांचा विमा हप्ता कंपन्यांकडे जमा झाला होता. त्यापोटी ६६ टक्केच रक्कम भरपाई म्हणून शेतकऱ्यांना मिळणार आहे. 

राज्यात खरीप २०१६ पासून ही योजना राबवण्यात येते. यापूर्वीच्या विमा योजनेत नुकसान आणि भरपाईमध्ये खूप मोठी तफावत होती. पूर्वीच्या योजनेतील सर्व त्रुटी आणि अडथळे या योजनेत दूर करण्यात आले. पूर्वीच्या योजनेतील ११ टक्के विमा हप्त्याच्या कॅपिंगची अट रद्द केल्यामुळे शेतकऱ्यांना मोठी मदत मिळत आहे. 

पूर्वी मंडल स्तरावर संपूर्ण शेतीचे नुकसान झाले असेल तरच शेतकऱ्यांना भरपाई मिळत होती. आता शेतकऱ्यांना वैयक्तिक स्तरावर विम्याचा लाभ होत आहे. त्याचमुळे योजना लागू झाल्यापासून राज्यातील शेतकऱ्यांना खरीप २०१६ मध्ये १,९०० कोटी तर रब्बी २०१६-१७ मध्ये ८९३ कोटी रुपयांची भरीव नुकसानभरपाई मिळाली आहे. योजनेअंतर्गत खरिपासाठी दोन टक्के, रब्बीसाठी दीड टक्का आणि फळबागांसाठी पाच टक्के इतका अल्प हप्ता आकारला जातो. 

पंतप्रधान पीक विमा योजनेसाठी २०१६ मध्ये ऑफलाइन पद्धतीने अर्ज घेण्यात आले. तेव्हा योजनेत राज्यातील एक कोटी नऊ लाख शेतकरी सहभागी झाले होते. गेल्यावर्षी ही सर्व प्रक्रिया ऑनलाइन करण्यात आली. शेतकऱ्यांना आधारशी लिंक करून फॉर्म्स भरण्यात आल्यामुळे शेतकरी सहभागात घट झाल्याचे दिसून येते. सुमारे ७५ लाख शेतकरी योजनेत सहभागी झाले.

दरम्यान, गेल्यावर्षी जुलै महिन्यात मराठवाड्यासह राज्याच्या काही भागांत पावसाने मोठी दडी मारली. सुमारे ४८ दिवस पाऊस पडला नाही. परिणामी, या भागात शेतीपिकांचे मोठे नुकसान झाले. त्याचमुळे या योजनेअंतर्गत मराठवाड्यातील शेतकऱ्यांना सर्वाधिक १,४४० कोटी रुपयांची नुकसानभरपाई मंजूर झाली आहे. येत्या महिन्याभरात मदतीची सर्व रक्कम संबंधित शेतकऱ्यांच्या बँक खात्यांवर जमा करण्याचे निर्देश कृषी विभागाने विमा कंपन्यांना दिले आहेत. येत्या महिन्याभरात भरपाईची रक्कम शेतकऱ्यांना वितरीत होईल, असेही कृषी खात्यातील सूत्रांनी सांगितले. 

इतर अॅग्रो विशेष
शेतकऱ्यांच्या विधवांचे २१ला मुंबईत...मुंबई : देशभरात विविध शेतकऱ्यांचे मोर्चे...
बा सरकार, प्रश्न जगण्याचा आहे!‘‘ज रा कुठे दुष्काळ पडला, गारपीट झाली,  पूर...
विना `सहकार` नाही उद्धारग्रामीण आणि शहरी भागांचा संतुलित विकास साधत...
राज्यातील धरणांमध्ये ५५ टक्के पाणीसाठापुणे   : राज्यात पाणीटंचाईची तीव्रता वाढू...
महाबळेश्र्वरमध्ये ३५०० एकरांवर...सातारा  ः महाबळेश्वरसह वाई, जावली, कोरेगाव...
दुष्काळात तीन श्रेणींत कामांचे नियोजन...पुणे : राज्यात आलेल्या दुष्काळात मदतीचा...
ओडिशात भाडोत्री ट्रॅक्टर योजनेस प्रारंभभुवनेश्‍वर ः राज्यातील शेतकऱ्यांना अद्ययावत...
सोयाबीन वधारण्याची चिन्हेपुणे: राज्यात सध्या सोयाबीनचे दर गडगडले असले...
राज्याच्या दक्षिण भागात पावसाची शक्यतापुणे : राज्यात थंडी वाढण्यास सुरुवात झाली आहे....
कापूस खरेदीला आजपासून प्रारंभनागपूर : पणन महासंघाव्दारे कापूस खरेदीला आजपासून...
चारा लागवडीसाठी शासकीय जमिनी देणारमुंबई : राज्यावरील दुष्काळाचे संकट लक्षात...
दुष्काळात २५ एकरांत शेवगा, रंगबिरंगी...मुंबई येथील ‘कोचिंग क्लास’चा व्यवसाय असलेले तपन...
प्रतिकूलतेतून प्रगती घडवत आले पिकात...वांगी (जि. सांगली) येथील एडके कुटुंबाने अत्यंत...
दूध का दूध... देशातील दूध न दुग्धजन्य पदार्थांमध्ये ६८ टक्के...
पीककर्ज वितरणातील दोष व्हावे दूर पूर्वी जेमतेम तग धरून चालणाऱ्या शेती व्यवसायाने...
पाऊस बरा, मात्र दीर्घ खंड अन् कीडरोगाने...जिल्ह्यात सरासरीच्या जवळपास पाऊस पडला खरा; मात्र...
अन्न प्रक्रिया प्रकल्पांसाठी...औरंगाबाद : शेती उत्पादनात आघाडीवर असलेल्या आपल्या...
मराठवाडा, मध्य महाराष्ट्रात थंडी वाढलीपुणे ः गेल्या दोन ते तीन दिवसांपासून थंडीने...
साखर कारखान्यांनी सह-उत्पादनांवर सक्षम...मुंबई  ः देशांतर्गत साखर उद्योग संकटात आहे....
राज्यात ९१ कारखान्यांची धुराडी पेटली;...पुणे : राज्यात चालू गाळप हंगामात आतापर्यंत ९१...