agriculture news in Marathi, Government stopped subsidy scheme on small equipment, Maharashtra | Agrowon

छोट्या अवजारांवरील अनुदानाच्या योजना बंद
टीम अॅग्रोवन
मंगळवार, 13 फेब्रुवारी 2018

नागपूर  ः राज्यात अल्प आणि अत्यल्पभूधारक शेतकऱ्यांची संख्या वाढती असतानाच राज्य शासनाने मात्र त्यांच्यासाठी असलेल्या बैलचलित अवजारांवरील अनुदानाच्या योजना बंद केल्याचे धक्‍कादायक वास्तव समोर आले आहे. 

नागपूर  ः राज्यात अल्प आणि अत्यल्पभूधारक शेतकऱ्यांची संख्या वाढती असतानाच राज्य शासनाने मात्र त्यांच्यासाठी असलेल्या बैलचलित अवजारांवरील अनुदानाच्या योजना बंद केल्याचे धक्‍कादायक वास्तव समोर आले आहे. 

छोट्या अवजारांच्या अनुदानात योजनांमध्ये गैरप्रकार होत असल्याची ओरड होत असल्याने त्यावर नियंत्रणासाठी उपाययोजना करण्याऐवजी सरसकट त्या योजनाच बंद करण्यात आल्याची माहिती सूत्रांनी दिली. राज्य सरकार तसेच जिल्हा परिषद शेषफंड या माध्यमातून विशेष घटक योजना, आदिवासी विकास योजना व इतर योजना राबविल्या जातात. पाच एकरापर्यंतच्या शेती क्षेत्राच्या यांत्रिकीकरणाला प्रोत्साहन मिळावे याकरिता ५० ते १०० टक्‍के अनुदान देण्याची तरतूद होती. यामध्ये पाठीवरील फवारणी पंपासह बैलचलित पेरणी यंत्रापासून ते इतर अनेक अवजारांचा समावेश होता. 

अनुदानावरील या योजना महाराष्ट्र कृषी औद्योगिक विकास मंडळामार्फत राबविण्यात येत होत्या. त्यामध्ये शेतकऱ्याने अवजाराची खरेदी करावी. त्यानंतर पुरवठादाराला एम.ए.आय.डी.सी.मार्फत अनुदान मिळायचे. यातून गैरव्यवहाराला प्रोत्साहन मिळत असल्याचे आरोप सातत्याने होत गेले. अवजारे उत्पादक व पुरवठादार हे अवजारांचा पुरवठा न करताच अधिकाऱ्यांशी संगनमत करून मलिदा लाटत असल्याची ओरड होऊ लागली. या गैरप्रकारावर नियंत्रणासाठीचे उपाय योजण्यात असमर्थ ठरल्याच्या परिणामी छोट्या शेतकऱ्यांसाठीच्या अवजारांची अनुदान योजनांच बंद करण्याचा निर्णय घेण्यात आला. 

उन्नत शेती समृद्ध शेतकरी अभियान व डॉ. बाबासाहेब आंबेडकर कृषी स्वावलंन योजना यातून आता केवळ ट्रॅक्‍टर व ट्रॅक्‍टरचलित अवजारांचाच पुरवठा केला जातो. त्यासाठी शेतकऱ्यांना पूर्ण रकमेने ते अवजार खरेदी करावे लागते. कृषी अधिकाऱ्यांनी शहनिशा केल्यानंतर मग अनुदानाची रक्‍कम शेतकऱ्याच्या खात्यात जमा केली जाते. परंतु अवजार खरेदीसाठी एकरकमी पैशाची सोय करणे शेतकऱ्यांना शक्‍य होत नाही. त्यातच राज्यात ८० टक्‍के शेतकरी अल्प व अत्यल्पभूधारक आहेत. त्यांच्या शेती व्यवस्थापनात छोट्या अवजारांचे महत्त्व आहे. परिणामी, शासनाने अशा अवजारांवरील अनुदान पूर्ववत करावे, अशी मागणी होत आहे. गैरप्रकार रोखण्यासाठी डीबीटीचा पर्याय त्याकरिता असावा, अशी देखील मागणी आहे. 

घावटे समितीचा अहवाल दुर्लक्षित
ॲग्रिकल्चर इम्प्लिमेंट मॅन्युफॅक्‍चरिंग असोसिएशनने दिलेल्या माहितीनुसार, अवजार अनुदानाविषयी घावटे समिती गठीत करण्यात आली होती. या समितीने सरकारला दिलेल्या अहवालात छोट्या अवजारांची गरज त्यात मांडली. त्यासोबतच सद्यःस्थितीत मिळणारे दहा हजार रुपयांचे अनुदान पुरेसे नसल्याने ते वीस हजार रुपये करावे, असे म्हटले होते.

इतर अॅग्रो विशेष
बॅंकेच्या चकरा अन् कागदपत्रांच्या...धुळे ः मागील दोन - तीन महिन्यांपासून पीककर्जासाठी...
‘ई-नाम’मधील १४५ बाजार समित्यांसाठी हवेत...पुणे ः शेतकऱ्यांना त्यांचा शेतीमाल देशातंर्गत...
सुमारे साठ एकरांवर ‘ड्रीप अॅटोमेशन’पाणी व खतांचा काटेकोर वापर करण्याबाबत अनेक शेतकरी...
भारताकडून अमेरिकेच्या हरभरा, तुरीच्या...नवी दिल्ली ः अमेरिकेने भारतातून आयात होणाऱ्या...
राज्यात अनेक ठिकाणी जोरदार पावसाची हजेरीपुणे ः राज्यातील अनेक भागांत शुक्रवारी (ता. २२)...
माॅन्सून पुढे सरकण्यास अनुकूल स्थितीपुणे : माॅन्सूनला राज्यातून पुढे सरकण्यास अनुकूल...
राज्यात आजपासून प्लॅस्टिकबंदी...मुंबई : राज्य सरकारच्या प्लॅस्टिकबंदीच्या...
धान्याला कीड लागताच सेन्सर देणार माहितीकऱ्हाड, जि. सातारा : साठवणूक केलेल्या ठिकाणी अथवा...
साखर निर्यातीचा कोटा ८० लाख टन करण्याची...कोल्हापूर : साखर निर्यातीची कोटा ८० लाख टन करावा...
सुकाणू समितीच्या कार्यकारिणीची जवळगाव...अंबाजोगाई, जि. बीड : शेतकरी संघटना व सुकाणू...
शेती म्हणजे तोटा हे सूत्र कधी बदलणार? शेती कायम तोट्यात कंटूर मार्करचे संशोधक व शेती...
‘ई-नाम’ची व्याप्ती सर्वांच्या...स्पर्धाक्षम, पारदर्शक व्यवहारातून शेतीमालास अधिक...
कांदा बाजारात दरवाढीचे संकेतनाशिक : राजस्थान व मध्य प्रदेशमध्ये...
उपराष्ट्रपती आज बारामतीतबारामती ः उपराष्ट्रपती वेंकय्या नायडू शुक्रवारी (...
शेतकऱ्यांच्या उत्पन्नवाढीसाठी बहुस्तरीय...पुणे ः शेती क्षेत्राच्या विकासासाठी सिंचन,...
कापूस बाजारात भारताला संधीन्यूयाॅर्क ः चालू कापूस हंगामात पिकाला फटका...
मॉन्सून सक्रिय होण्यास प्रारंभ पुणे  ः अरबी समुद्र आणि हिंदी महासागर...
थकली नजर अन्‌ पाय...औरंगाबाद : घोषणा झाली, पण काय व्हतंय कुणास ठाऊक,...
हास्य योगाद्वारे सरकारचा निषेधनागपूर : सरकारच्या शेतकरी विरोधी धोरणांचा अभिनव...
माळरानावर साकारले फायदेशीर शेतीचे स्वप्नमनात जिद्द आणि कष्ट करण्याची तयारी असेल, तर...