agriculture news in Marathi, government will not purchase sugar, Maharashtra | Agrowon

साखर खरेदीला शासनाची बगल?
राजकुमार चौगुले
शुक्रवार, 30 मार्च 2018

कोल्हापूर: साखरेचे घसरते दर स्थिर राहण्यासाठी राज्य शासनाने दहा लाख टन साखर खरेदी करण्याची घोषणा केली होती. आता या घोषणेला बगल मिळण्याची शक्यता आहे. याऐवजी शासनाने रेशनिंगसाठी ३२ रुपये किलोने थोड्या थोड्या प्रमाणात साखर कारखान्यांकडून खरेदी करावी, असा प्रस्ताव शासनापुढे मांडला जाण्याची शक्‍यता आहे. एकदम दहा लाख टन खरेदी करण्यासाठी राज्य शासनाकडे निधीची तरतूद नसल्याने रेशनिंगसाठी लागणारी साखर खरेदी करण्याचा पर्याय सामोर आला आहे. 

कोल्हापूर: साखरेचे घसरते दर स्थिर राहण्यासाठी राज्य शासनाने दहा लाख टन साखर खरेदी करण्याची घोषणा केली होती. आता या घोषणेला बगल मिळण्याची शक्यता आहे. याऐवजी शासनाने रेशनिंगसाठी ३२ रुपये किलोने थोड्या थोड्या प्रमाणात साखर कारखान्यांकडून खरेदी करावी, असा प्रस्ताव शासनापुढे मांडला जाण्याची शक्‍यता आहे. एकदम दहा लाख टन खरेदी करण्यासाठी राज्य शासनाकडे निधीची तरतूद नसल्याने रेशनिंगसाठी लागणारी साखर खरेदी करण्याचा पर्याय सामोर आला आहे. 

मुख्यमंत्र्यांनी चार दिवसांपूर्वीच साखर उद्योगाच्या अडचणीबाबत उपाय सुचविण्यासाठी संबंधित मंत्री, सर्वपक्षीय नेते, कारखानदार, शासकीय अधिकारी, राज्य, केंद्राच्या साखर महासंघांचे पदाधिकारी यांची एकत्र ‘टास्क फोर्स’ (विशेष समिती) तयार केली आहे. या फोर्सने घेतलेल्या निर्णयाबाबत सरकार सकारात्मक विचार करून हा निर्णय तातडीने अमलात आणण्यासाठी प्रयत्न करेल, असे मुख्यमंत्र्यांनी सांगितले होते. यानुसार या टास्क फोर्सच्या बैठकीत शासनाने रेशनिंगसाठी साखर 32 रुपये किलोप्रमाणे खरेदी करावी, असा प्रस्ताव ठेवला आहे. तो लवकरच शासनाकडे देण्यात येणार आहे. 

ही होती सहकारमंत्र्यांची घोषणा 
फेब्रुवारीच्या पहिल्या सप्ताहात सहकारमंत्री सुभाष देशमुख यांनी साखरेचे घसरते दर स्थिर ठेवण्यासाठी राज्य शासन पहिल्यांदाच यात हस्तक्षेप करणार असल्याचे म्हटले होते. राज्यातील विविध कारखान्यांतून निर्माण होणारी सुमारे दहा लाख टन साखर शासन ३२०० रुपये हमीभावाप्रमाणे खरेदी करणार असल्याचे सांगितले होते. याबाबतचा प्रस्तावही साखर आयुक्तालयाने शासनाकडे पाठविला होता. प्रस्ताव पाठवून एक महिना होऊनही याबाबत निर्णय होत नसल्याने कारखानदार अस्वस्थ होते. अखेर एकदम खरेदी सध्या तरी शक्‍य नसल्याचाच सूर या टास्क फोर्समधील चर्चेत दिसून आला. 

दर स्थिर राहण्यासाठीच घोषणा?
साखरेचा बाजार हा केंद्र व राज्य स्तरावरील साखरेच्या निर्णयावरही अवलंबून असतो. अनेकदा साखरेबाबत सकारात्मक निर्णय झाल्यास त्याचा प्रभाव काही काळ बाजारावर राहून साखरेचे दर बाजारात वधारतात असा अनुभव आहे. किमान निर्णय जाहीर केल्यास दर वधारतील या भावनेतून शासनाने निधीची तरतूद नसतानाही ही घोषणा केली. या वेळी आयातशुल्क शंभर टक्के करण्याचीही घोषणा केंद्राने केल्यानंतर दोन्ही घोषणांचा तातडीचा परिणाम म्हणून साखरेच्या दरात आठवडाभर साखरेच्या दरात ४०० रुपयांची वाढ झाली. पण त्यानंतर साखरेची झालेली घसरगुंडी कायम आहे. अजूनही साखरेचा दर ३००० ते ३१०० रुपयांच्या आसपासच रेंगाळत आहे.  

केंद्राकडे समस्या मांडणार
मुख्यमंत्र्यांनी नेमलेली टास्क फोर्स ही दोन स्तरावर काम करणार आहे. राज्य शासनाला जे उपाय सुचवायचे असतील ते थेट सुचविले जातील. केंद्र स्तरावरच्या मागण्यांचे टिपण तयार करून ते केंद्राला सादर करण्यात येणार आहेत. नव्याने होणाऱ्या मागण्यांचे टिपण तयार करण्याचे काम सुरू असून, ते लवकरच केंद्राला देण्यात येणार असल्याचे टास्क फोर्समधील एका वरिष्ठ अधिकाऱ्याने सांगितले.

इतर अॅग्रो विशेष
उगवत्या सूर्याच्या देशातील मोहक शेतीह वाई वाहतुकीच्या माध्यमातून एखाद्या राष्ट्राचे...
...तरच वाढेल डाळिंब निर्यातफॉस्फोनिक ॲसिडच्या अंशामुळे (रेसिड्यू) डाळिंबाची...
बुलडाण्यात ३३ टन रेशीम कोष उत्पादनबुलडाणा  : जिल्ह्यातील शेतकरी पारंपरिक...
भारतीय दूध सुरक्षितनवी दिल्ली ः भारतातील दुधाच्या दर्जाबाबात सतत...
राज्यात हुडहुडी वाढली... पुणे : किमान तापमानाचा पारा घसरल्याने राज्यात...
धार्मिक स्थळांनी द्यावा दुष्काळासाठी...नागपूर ः राज्यातील सर्वधर्मीय धार्मिक स्थळांनी...
चारा छावण्यांऐवजी थेट अनुदानाचा विचार ः...मुंबई ः दुष्काळी भागात चारा छावण्यांमध्ये होणारा...
देशी बियाण्यांच्या संवर्धनासाठी रंगणार...पुणे : देशी बियाण्यांचे संवर्धन आणि प्रसारासाठी...
खरेदी न झालेल्या हरभरा, तुरीसाठी...सोलापूर : हमीभाव योजनेतून शेतकऱ्यांनी हरभरा व तूर...
दुष्काळाचे चटके सोसलेले साखरा झाले ‘...लोकसहभाग मिळाला तर कोणत्याही योजना यशस्वी होऊ...
‘जनावरं जगवायची धडपड सुरू हाय’सातारा ः शाळू (रब्बी ज्वारी) केलीय. पण पीक...
परभणी जिल्ह्यात ज्वारीवर अमेरिकन लष्करी...परभणी ः परभणी जिल्ह्यात यंदा प्रथमच रब्बी...
सीड हब म्हणून भारताचा उदयनवी दिल्ली ः आशिया खंडात भारत देश ‘सीड हब’ म्हणून...
ब्राझीलचे साखर उत्पादन निम्मे घटलेनवी दिल्ली ः आंतरराष्ट्रीय बाजारात साखरेचे सतत...
गोंदिया जिल्हा अधीक्षक अधिकारी बऱ्हाटे...गोंदिया ः नगर जिल्ह्यात राबविण्यात आलेल्या...
शेतीपंप वीजवापर घोटाळा आयोगाच्या...मुंबई ः महावितरणची प्रचंड वितरण गळती व चोऱ्या...
राज्यात थंडी वाढली; नाशिक ११.५ अंशांवरपुणे : उत्तरेकडील थंड वाऱ्यांचे प्रवाह दक्षिणेकडे...
संत्रा बागेतील उत्कृष्ठ व्यवस्थापनाचा...किडी-रोग, पाण्याचे अयोग्य व्यवस्थापन आदी...
फॉस्फोनिक रेसिड्यूमुळे डाळिंब निर्यात...पुणे : निर्यातक्षम डाळिंबात युरोपसाठी फॉस्फोनिक...
चिकाटी, प्रयत्नवादातून शून्यातून...उस्मानाबाद जिल्ह्यातील देवसिंगे (तूळ) येथील रमेश...