agriculture news in marathi, Govt announces export incentive for Bengal gram for 3 months | Agrowon

हरभऱ्याला सात टक्के निर्यात प्रोत्साहन
टीम अॅग्रोवन
शुक्रवार, 23 मार्च 2018

नवी दिल्ली : हमीभावाच्या खाली असलेल्या हरभऱ्याच्या दरात सुधारणा होण्याच्या दृष्टीने केंद्र सरकारने अाणखी एक पाऊल टाकले आहे. केंद्रीय वाणिज्य मंत्रालयाने हरभरा निर्यातीला सात टक्के प्रोत्साहन अनुदान देण्याचे बुधवारी (ता. २१) जाहीर केले. २१ मार्च ते २० जून २०१८ या तीन महिन्यांच्या कालावधीकरिता हा निर्णय असणार आहे. 

नवी दिल्ली : हमीभावाच्या खाली असलेल्या हरभऱ्याच्या दरात सुधारणा होण्याच्या दृष्टीने केंद्र सरकारने अाणखी एक पाऊल टाकले आहे. केंद्रीय वाणिज्य मंत्रालयाने हरभरा निर्यातीला सात टक्के प्रोत्साहन अनुदान देण्याचे बुधवारी (ता. २१) जाहीर केले. २१ मार्च ते २० जून २०१८ या तीन महिन्यांच्या कालावधीकरिता हा निर्णय असणार आहे. 

देशात यंदा हरभऱ्याचे ११.१० दशलक्ष टन उत्पादन होण्याचा केंद्रीय कृषी मंत्रालयाचा अंदाज आहे. निर्धारित ९.७५ दशलक्ष टनांपेक्षा हा दुसरा आगाऊ अंदाज १.३५ दशलक्ष टनाने अधिक आहे. हरभऱ्याच्या वाढलेल्या उत्पादनाने बाजारातील सरासरी दर हमीभावापेक्षा ८०० ते १२०० रुपयांनी कमी आहे. हरभऱ्यास ४२५० रुपये हमीभाव आणि १५० रुपये बोनस आहे. एकूण ४४०० रुपये सरकारी दर आहे. मात्र, सध्या बाजारात ३२०० ते ३६०० असे सरासरी दर आहेत. 

हरभऱ्याच्या दरात सुधारणांसाठी केंद्र सरकारने नुकताच काबुली चना, वाटाणा यांच्यावर आयात शुल्क लागू केले, निर्यातबंदी उठविली, मात्र दर स्थिरावले असले, तरी वाढ झाली नाही. अखेर हरभऱ्यास ७ टक्के निर्यात प्रोत्साहन अनुदान देण्याचा निर्णय केंद्र सरकारने घेतला. बाजारात या निर्णयाचे काय पडसाद उमटतात हे येणाऱ्या काळात स्पष्ट होणार आहे. 

या निर्णयाबाबत बोलताना राज्य कृषिमूल्य आयोगाचे अध्यक्ष पाशा पटेल म्हणाले, की या निर्णयाचे स्वागतच आहे. देशात हरभरा उत्पादन वाढण्याचा अंदाज असल्याने आम्ही केंद्र सरकारकडे प्रारंभीच केलेल्या मागणीत निर्यातीला प्रोत्साहन अनुदान देण्याच्या विषयाचा समावेश होता. केंद्रीय वाणिज्य मंत्रालयाने ७ टक्के निर्यात अनुदान देण्याचे बुधवारी जाहीर केले. या मंत्रालयास यापेक्षा अनुदान जाहीर करता येत नसल्याने आम्ही आता विशेष बाब म्हणून ही मर्यादा ३० टक्क्यांपर्यंत वाढविण्यासाठी पंतप्रधान नरेंद्र मोदी यांना साकडे घालणार आहोत. हरभरा दरात सुधारणांसाठी केंद्र सरकारने आयातीवर वाटाणा, हरभऱ्यास शुल्क लावले, निर्यात बंदी उठविली. यामुळे दरात अपेक्षित वाढ झाली नसली, तरी दरातील घसरण रोखण्यास या प्रयत्नांची मदत झाली. केंद्रीय मंत्री सुरेश प्रभू, नितीन गडकरी, मुख्यमंत्री देवेंद्र फडणवीस आणि राज्य कृषिमूल्य आयोग याविषयी सातत्याने पाठपुरवा करीत आहेत. शेतमाल दरांच्या सरकारी निर्णय प्रक्रियेत गेल्या काही दशकांची ही गुंतागुंत आहे, ती सुधारण्यास वेळ लागत असला, तरी कमी कालावधीत आम्ही अनेक निर्णय पदरात पाडून घेऊ शकलो आहोत आणि हेच प्रयत्न पुढेही सुरू राहणार आहेत.

इतर अॅग्रो विशेष
वेतन आयोगाने वाढते गरीब-श्रीमंतांतील दरीमाजी पंतप्रधान डॉ. मनमोहनसिंग यांनी ४ ...
दूध दरवाढीसाठीही दाखवा तत्परताआंतरराष्ट्रीय बाजारात दूध भुकटीचे (पावडर) दर...
मक्यातील लाग रंग येण्यामागील गूढ उलगडलेमक्यामध्ये काहीवेळा दिसणाऱ्या लाल रंगाच्या...
एफआरपी तुकड्यात घेणार नाही : खासदार...सांगली : राज्यातील साखर कारखाने सुरू होऊन ८० दिवस...
राज्यात १७८६ टॅंकरव्दारे पाणीपुरवठापुणे  : सलग दोन वर्षे पावसाने ओढ दिल्यानंतर...
केळी पट्ट्याला १५० कोटींचा फटकाजळगाव ः डिसेंबर व जानेवारी महिन्यातील थंडीचा...
सुगंधी वनस्पतींची शेती, तेलनिर्मितीही...नगर जिल्ह्यात आंभोळ या दुर्गम भागात मच्छिंद्र...
शेषरावांनी सुनियोजितपणे जपलेली संत्रा...टेंभूरखेडा (ता. वरुड, जि. अमरावती) येथील शेषराव...
निर्यात कोट्यावरून साखर उद्योगात घमासानपुणे : देशात साखरेचा अफाट साठा तयार होत असताना...
शेतकऱ्यांचा जीवनसंघर्ष २०१८ मध्येही...मुंबई : गेल्या चार वर्षांत सिंचन सोडून कृषीच्या...
मध्य महाराष्ट्र, मराठवाडा, विदर्भात...पुणे : पूर्व आणि पश्चिमेकडून वाहणाऱ्या...
हवामान बदलांमुळे दारिद्र्य वाढण्याचा...नवी दिल्ली : हवामानबदलांचा प्रश्न अतिशय गंभीर आहे...
हिमवृष्टीमुळे काश्‍मीर, हिमाचल गारठले;...नवी दिल्ली : हिमवृष्टीमुळे काश्‍मिरसह हिमाचल...
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...