नवी दिल्ली ः देशांतर्गत बाजारातील दराला प्रोत्साहन मिळावे तसेच शेतकऱ्यांच्या गव्हाला चांगला दर मिळावा या उद्देशाने गव्हावरील अायात शुल्क केंद्र सरकारकडून वाढविले जाण्याची शक्यता अाहे, अशी माहिती सूत्रांनी दिली अाहे.
देशात गेल्या हंगामात उत्पादन वाढल्याने गव्हाचे दर घसरले. त्यानंतर गेल्या मार्चमध्ये केंद्र सरकारने गव्हावर १० टक्के अायात शुल्क लागू केले. तरीही अांतरराष्ट्रीय बााजारात स्वस्त दरात गहू उपलब्ध होत असल्याने देशात अायात सुरूच अाहे. सध्या अाॅस्ट्रेलियात गव्हाचा दर प्रतिटन २७९ डॉलर अाणि युक्रेनमध्ये २२० डॉलर एवढा अाहे, अशी माहिती व्यापाऱ्यांनी दिली अाहे.
यंदा (२०१७-१८) भारतात १.२ दशलक्ष टन गहू अायातीसाठी करार झाले अाहेत. परदेशातून मोठ्या प्रमाणात गव्हाची अायात होत असल्याने गेल्या सहा महिन्यांत देशांतर्गत बाजारातील दरात घसरण झाली अाहे. या पार्श्वभूमीवर गव्हावरील अायात शुल्क वाढविण्याचा केंद्राचा विचार सुरू अाहे.
शंभर रुपयांनी एमएसपी वाढीचा प्रस्ताव
देशातील २०१८-१९ मधील हंगामासाठी गव्हाची किमान अाधारभूत किंमत (एमएसपी) प्रतिक्विंटलमागे १०० रुपयांनी वाढविण्याचा प्रस्ताव कृषी मूल्य अायोगाने केंद्र सरकारपुढे ठेवला अाहे, अशी माहिती सरकारी सूत्रांनी दिली अाहे. सध्या गव्हाची एमएसपी प्रतिक्विंटल १,६२५ रुपये एवढी अाहे. रब्बी हंगामासाठी गहू लागवडीला प्रोत्साहन देण्याच्या उद्देशाने एमएसपी वाढविली जाण्याची शक्यता अाहे.
देशात २०१६-१७ या वर्षात गव्हाचे उत्पादन ९८.४ दशलक्ष टन झाले अाहे. त्याअाधीच्या वर्षी ९२.३ दशलक्ष टन उत्पादन झाले होते. गेल्या वर्षी केंद्र सरकारने ३०.८ दशलक्ष टन गव्हाची खरेदी केली अाहे. दरम्यान, केंद्र सरकार रब्बी हंगामातील गव्हासह मोहरी, हरभरा, मसूर अाणि सूर्यफूल अादी पिकांची एमएसपी ६ टक्क्यांनी वाढविण्याचा कृषी मंत्रालयाचा प्रस्ताव अाहे, असे सूत्रांनी म्हटले अाहे.