साखर उत्पादन यंदा तेवीस टक्क्यांनी वाढणार

नवी दिल्ली ः देशात यंदा (२०१७-१८) सुमारे २४९ लाख टन साखर उत्पादनाचा अंदाज केंद्रीय अन्न मंत्रालयाने बांधला अाहे. यंदाचे साखर उत्पादन हे गेल्या वर्षीच्या तुलनेत २३.३ टक्क्यांनी अधिक असणार अाहे. गेल्या वर्षी २०२ लाख टन साखर उत्पादन झाले होते. यंदा उत्पादनवाढीचे संकेत देण्यात अाले अाहेत.

देशात यंदा २५० लाख टन साखरेचा वापर राहणार अाहे. गेल्या वर्षीचा शिल्लक साठा अाणि यंदाचे उत्पादन मिळून देशातंर्गत साखरेचा पुरेसा पुरवठा राहणार अाहे, असेही अन्न मंत्रालयाने नमूद केले अाहे.

देशात सध्या गाळप हंगाम वेगाने सुरू अाहे. यंदाची उसाची उपलब्धतता अधिक असल्याने साखर उत्पादन २५१ लाख टनांवर पोचेल, असा अंदाज भारतीय कारखानदार संघटनेने (इस्मा) व्यक्त केला अाहे. महाराष्ट्र अाणि कर्नाटकातील साखर उत्पादनात यंदा सुधारणा होणे अपेक्षित अाहे. तसेच उत्तर प्रदेशात अधिक साखर उत्पादन मिळणार असल्याचा अंदाज अाहे.

उत्तर प्रदेश, महाराष्ट्र अाणि कर्नाटक ही तीन राज्ये साखर उत्पादनात अाघाडीवर अाहेत. या तीन राज्यांतून १९८ लाख टन साखर उत्पादन अपेक्षित अाहे, असे ‘इस्मा’ने नमूद केले अाहे. २१ लाख टन साखर निर्यात वाणिज्य मंत्रालयाकडील अाकडेवारीनुसार, देशातून २०१६-१७ (एप्रिल ते जानेवारी) २१.७३ लाख टन साखर निर्यात करण्यात अाली होती. याच कालावधीत १८.९९ लाख टन साखर अायात करण्यात अाली अाहे.

भारतातील साखरेचा व्यापार (लाख टनांमध्ये)

स्राेत ः वाणिज्य मंत्रालय