agriculture news in marathi, grading for agriculture univercities, parbahni, maharashtra | Agrowon

परभणी, राहुरी कृषी विद्यापीठांना पाच वर्षांसाठी अधिस्वीकृती
टीम अॅग्रोवन
शनिवार, 20 ऑक्टोबर 2018

महाविद्यालयातील शैक्षणिक सुविधांचे बळकटीकरण करण्यात आले. रिक्ते पदे भरण्यात आली. खासगी महाविद्यालयांना तुकड्या वाढविण्यासाठी तसेच नवीन महाविद्यालयांना परवानगी दिली नाही. त्यामुळे अधिस्वीकृती कायम राहिली. ‘ब’ दर्जा मिळाल्याने विद्यापीठास प्रतिष्ठा प्राप्त झाली आहे. अधिकारी, कर्मचाऱ्यांच्या सामुदायिक प्रयत्नांचे हे यश आहे.
- डॅा. अशोक ढवण, कुलगुरू, वसंतराव नाईक मराठवाडा कृषी विद्यापीठ.

परभणी ः भारतीय कृषी संशोधन परिषदअंतर्गत कृषी शिक्षण अधिस्वीकृती मंडळाने परभणी येथील वसंतराव नाईक मराठवाडा कृषी विद्यापीठ आणि राहुरी येथील महात्मा फुले कृषी विद्यापीठास पाच वर्षांसाठी अधिस्वीकृती दिली आहे.
 

मूल्यांकनामध्ये परभणी येथील कृषी विद्यापीठाला ४ पैकी २.७७ आणि राहुरी येथील कृषी विद्यापीठाला २.९१ गुण मिळाले. यामुळे दोन्ही विद्यापीठांना ‘ब’ दर्जा प्राप्त झाला आहे. ‘आयसीएआर’च्या कार्यकक्षेत न येणारे अभ्यासक्रम तसेच २.५ पेक्षा कमी गुण मिळालेल्या महाविद्यालयांना अधिस्वीकृती देण्यात आलेली नाही.

भारतीय कृषी संशोधन परिषदेचे अध्यक्ष तथा राष्ट्रीय कृषी शिक्षण अधिस्वीकृती मंडळाचे अध्यक्ष डॅा. त्रिलोचन महापात्रा, उप महासंचालक (कृषी शिक्षण) डॅा. एन. एस. राठोड यांच्या प्रमुख उपस्थितीत कृषी शिक्षण अधिस्वीकृती मंडळाची २२ वी बैठक नुकतीच घेण्यात आली. या वेळी देशातील आठ कृषी विद्यापीठांच्या अधिस्वीकृतीबाबत निर्णय घेण्यात आला. संबंधित राज्यांच्या मुख्य सचिवांनी सकारात्मक परिणांमाच्या दृष्टीने दर्जेदार कृषी शिक्षणासाठी प्रयत्न करावेत.

खासगी महाविद्यालयांची अधिस्वीकृती करून घ्यावी असे निर्देश देण्यात आले आहेत. अधिस्वीकृती मिळाल्यामुळे ‘आयसीएआर’कडून शिक्षण, संशोधन, विस्तार शिक्षणासाठी निधी उपलब्ध होईल.
‘वनामकृवि’अंतर्गत अधिस्वीकृती मिळालेल्या कृषी महाविद्यालयांमध्ये परभणी येथील कृषी महाविद्यालयास ३ गुण, लातूर येथील कृषी महाविद्यालयास ३ गुण, बदनापूर येथील कृषी महाविद्यालयास २.७३ गुण, गोळेगाव येथील कृषी महाविद्यालयास २.५६ गुण, उस्‍मानाबाद येथील कृषी महाविद्यालयास २.८६ गुण आणि अंबाजोगाई येथील कृषी महाविद्यालयास २.५५ गुण प्राप्त झाले आहे. परभणी येथील कृषी अभियांत्रिकी आणि तंत्रज्ञान महाविद्यालयास २.९१ गुण, अन्‍नतंत्र महाविद्यालयास २.८७ गुण, उद्यानविद्या महाविद्यालयास २.८२ गुण, सामाजिक विज्ञान महाविद्यालयास २.८७ गुण, लातूर येथील जैवतंत्रज्ञान महाविद्यालयास २.८० गुण मिळाले असून त्यांचा अधिस्वीकृती मिळालेल्या महाविद्यालयांमध्ये समावेश आहे.

या महाविद्यालयातील पदवी, पदव्‍युत्तर तसेच आचार्य पदवी अभासक्रमास अधिस्वीकृ‍ती देण्‍यात आली आहे.  पशुसंवर्धन, दुग्धशास्‍त्र, जैवतंत्रज्ञान आणि कृषी व्‍यवसाय व्‍यवस्‍थापन विषयांतील पदव्‍युत्तर अभ्‍यासक्रम हा भारतीय कृषी संशोधन परिषदेच्‍या कार्यक्षेत्रात येत नाहीत. चाकूर (जि. लातूर) येथील कृषी व्यवसाय व्यवस्थापन महाविद्यालयास (२.०५ गुण) अधिस्‍वीकृती दिलेली नाही. ‘वनामकृवि’तील रिक्त पदे, शैक्षणिक दर्जा, खासगी महाविद्यालयातील शैक्षणिक दर्जा आदी कारणांनी राज्यातील चारही कृषी विद्यापीठांची २०१६ मध्ये स्थगित केलेली अधिस्वीकृती काही अ‍टी, शर्तींवर दोन वर्षांकरिता बहाल करण्यात आली होती. शैक्षणिक दर्जा सुधारण्यासाठी तत्कालीन कुलगुरू डॉ. बी. व्‍यंकटेश्‍वरलू, विद्यमान कुलगुरू डॉ. अशोक ढवण यांच्‍या मार्गदर्शनाखाली शिक्षण संचालक तथा‍ अधिष्‍ठाता डॉ. विलास पाटील आदींनी प्रयत्न केले. अधिस्वीकृती मूल्यांकनासाठी ‘आयसीएआर’च्या समितीने २० ते २३ सप्टेंबर या कालावधीत वसंतराव नाईक मराठवाडा कृषी विद्यापीठाअंतर्गत विविध महाविद्यालयांची तपासणी केली होती.

राहुरी येथील महात्मा फुले कृषी विद्यापीठअंतर्गत धुळे येथील कृषी महाविद्यालयास २.९८ गुण, नंदूरबार येथील कृषी महाविद्यालयास २.७५ गुण, राहुरी येथील कृषी अभियांत्रिकी महाविद्यालयास ३.१५ गुण, पदव्युत्तर पदवी संस्थेस २.९५ गुण, पुणे कृषी महाविद्यालयास २.८८ गुण, कोल्हापूर येथील कृषी महाविद्यालयास ३.०८ गुण मिळाले असून या महाविद्यालयातील पदवी, पदव्युत्तर तसेच आचार्य पदवी अभ्यासक्रमास अधिस्वीकृती देण्यात आली आहे.

महात्मा फुले कृषी विद्यापीठास २.९१ गुणांसह ‘ब’ दर्जा मिळाला आहे. पाच वर्षांसाठी ही अधिस्वीकृती देण्यात आली आहे. परंतु अधिस्वीकृतीसाठी अपेक्षित २.५ पेक्षा कमी गुण मिळाल्यामुळे कराड येथील कृषी महाविद्यालय, कृषी पदवी (२.१२ गुण), पुणे येथील उद्यानविद्या महाविद्यालय, पदवी (१.८५ गुण), पुणे कृषी महाविद्यालयातील मृदाशास्त्र आणि कृषी रसायनशास्त्र विषयातील पदव्युत्तर पदवी, राहुरी कृषी अभियांत्रिकी महाविद्यालयातील आचार्य पदवी, पदव्युत्तर संस्थेतील पदव्युत्तर पदवी तसेच आचार्य पदवी अभ्यासक्रमास अधिस्वीकृती देण्यात आलेली नाही.
 

इतर अॅग्रो विशेष
वेतन आयोगाने वाढते गरीब-श्रीमंतांतील दरीमाजी पंतप्रधान डॉ. मनमोहनसिंग यांनी ४ ...
दूध दरवाढीसाठीही दाखवा तत्परताआंतरराष्ट्रीय बाजारात दूध भुकटीचे (पावडर) दर...
मक्यातील लाग रंग येण्यामागील गूढ उलगडलेमक्यामध्ये काहीवेळा दिसणाऱ्या लाल रंगाच्या...
एफआरपी तुकड्यात घेणार नाही : खासदार...सांगली : राज्यातील साखर कारखाने सुरू होऊन ८० दिवस...
राज्यात १७८६ टॅंकरव्दारे पाणीपुरवठापुणे  : सलग दोन वर्षे पावसाने ओढ दिल्यानंतर...
केळी पट्ट्याला १५० कोटींचा फटकाजळगाव ः डिसेंबर व जानेवारी महिन्यातील थंडीचा...
सुगंधी वनस्पतींची शेती, तेलनिर्मितीही...नगर जिल्ह्यात आंभोळ या दुर्गम भागात मच्छिंद्र...
शेषरावांनी सुनियोजितपणे जपलेली संत्रा...टेंभूरखेडा (ता. वरुड, जि. अमरावती) येथील शेषराव...
निर्यात कोट्यावरून साखर उद्योगात घमासानपुणे : देशात साखरेचा अफाट साठा तयार होत असताना...
शेतकऱ्यांचा जीवनसंघर्ष २०१८ मध्येही...मुंबई : गेल्या चार वर्षांत सिंचन सोडून कृषीच्या...
मध्य महाराष्ट्र, मराठवाडा, विदर्भात...पुणे : पूर्व आणि पश्चिमेकडून वाहणाऱ्या...
हवामान बदलांमुळे दारिद्र्य वाढण्याचा...नवी दिल्ली : हवामानबदलांचा प्रश्न अतिशय गंभीर आहे...
हिमवृष्टीमुळे काश्‍मीर, हिमाचल गारठले;...नवी दिल्ली : हिमवृष्टीमुळे काश्‍मिरसह हिमाचल...
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...