agriculture news in marathi, gram procurement become slow due to storage issue, marathwada | Agrowon

चार जिल्ह्यांत हरभरा खरेदीला ग्रहण
टीम अॅग्रोवन
शनिवार, 26 मे 2018

औरंगाबाद : खरेदीत सातत्य नसणे, जागेचा प्रश्‍न आणि आता बारदानाच उपलब्ध न होणे आदी कारणांनी हमीभावाने सुरू असलेल्या तूर व हरभरा खरेदीचा खेळखंडोबा झाला आहे. तूर खरेदी थांबली असतानाच आता औरंगाबाद, लातूर, बीड, लातूर जिल्ह्यांत हरभरा खरेदीलाही ग्रहण लागले आहे. बारदाना नसण्यासोबतच साठवणुकीसाठी जागा नसणे हे त्यामागील प्रमुख कारण असल्याचे समोर आले आहे.

औरंगाबाद : खरेदीत सातत्य नसणे, जागेचा प्रश्‍न आणि आता बारदानाच उपलब्ध न होणे आदी कारणांनी हमीभावाने सुरू असलेल्या तूर व हरभरा खरेदीचा खेळखंडोबा झाला आहे. तूर खरेदी थांबली असतानाच आता औरंगाबाद, लातूर, बीड, लातूर जिल्ह्यांत हरभरा खरेदीलाही ग्रहण लागले आहे. बारदाना नसण्यासोबतच साठवणुकीसाठी जागा नसणे हे त्यामागील प्रमुख कारण असल्याचे समोर आले आहे.

लातूर जिल्ह्यात तुरीची हमीदराने खरेदी करण्यासाठी ११ केंद्रे सुरू करण्यात आली होती. या ११ केंद्रावरून ११ हजार शेतकऱ्यांची जवळपास २ लाख १ हजार क्‍विंटल तूर खरेदी केली गेली. १५ मे रोजी मुदत संपल्यापासून ऑनलाइन नोंदणी केलेल्या जवळपास २० हजारांवर शेतकऱ्यांची तूर अजूनही खरेदीच्या प्रतीक्षेत आहे. किमान तीन लाख क्‍विंटल तूर आणखी खरेदीसाठी येऊ शकते असा अंदाज आहे.

दुसरीकडे लातूर जिल्ह्यातील १३ खरेदी केंद्रावरून हरभऱ्याची हमीदराने खरेदी सुरू केली गेली. या केंद्रावरून तीन हजार शेतकऱ्यांचा जवळपास ५२ हजार क्‍विंटल हरभरा खरेदी केला गेला. येत्या मंगळवारी (ता. २९) या खरेदी केंद्राची मुदत संपणार असून किमान ३७ हजार शेतकऱ्यांच्या हरभऱ्याची खरेदी अजून बाकी आहे. या शेतकऱ्यांकडून किमान ७ ते ८ लाख क्‍विटंल हरभरा खरेदीसाठी येण्याचा अंदाज व्यक्‍त केला जात आहे.

ज्यांचा तूर व हरभरा खरेदी केला गेला, त्या रकमेपैकी एकट्या लातूर जिल्ह्यात जवळपास ८० कोटी रुपयांचे चुकारे शेतकऱ्यांना मिळणे बाकी आहेत. यामध्ये हरभऱ्याच्या चुकाऱ्यापोटी बाकी असलेले २५ कोटी व तुरीच्या चुकाऱ्यापोटी बाकी असलेल्या जवळपास ५५ कोटी रुपयांचा समावेश असल्याची माहिती सूत्रांनी दिली.

बीड जिल्ह्यात तुरीच्या हमीदराने खरेदीसाठी ३२,५१९ शेतकऱ्यांनी ऑनलाइन नोंदणी केली होती. त्यापैकी केवळ २१ हजार ७४४ शेतकऱ्यांची तूर खरेदी केली गेली. खरेदी केलेल्या तुरीपैकी १ लाख ४ हजार १३१ क्‍विंटल तुरीला साठवायला जागाच नसल्याने ती खरेदी केंद्रावर पडून आहे.

हरभऱ्यासाठी नोंदणी व खरेदी सुरू असताना ६४०१ शेतकऱ्यांकडून ८५ हजार ४२५ क्‍विंटल हरभरा खरेदी करण्यात आला. त्यापैकी तब्बल ६८ हजार २५१ क्‍विंटल हरभरा खरेदी केंद्रावरच पडून आहे. ऑनलाइन पद्धतीने  चुकारे होत असले तरी ४० ते ५० टक्‍के चुकाऱ्यांचा प्रश्‍न कायम असल्याची माहिती सूत्रांनी दिली.

औरंगाबाद जिल्ह्यात नोंदणी केलेल्या ३४९६ शेतकऱ्यांची २७ हजार ७६३ क्‍विंटल तूर खरेदी केली गेली. ३१०५ शेतकऱ्यांकडून खरेदी केलेल्या या तुरीच्या खरेदीची रक्‍कम १५ कोटी १३ लाखांवर जाते.

जालना जिल्ह्यात ४३३६ शेतकऱ्यांनी हरभऱ्याच्या खरेदीसाठी ऑनलाइन नोंदणी केली. त्यापैकी केवळ ७९० शेतकऱ्यांचा ९५८३ क्‍विंटल हरभरा खरेदी झाला. तूर खरेदीसाठी ८७२५ शेतकऱ्यांनी ऑनलाइन नोंदणी केली होती. त्यापैकी ७८८३ शेतकऱ्यांना एसएमएस पाठविले गेले. ८४२ शेतकऱ्यांना  एसएमएस पाठविणे बाकी आहे.

एसएमएस पाठविलेल्या शेतकऱ्यांपैकी ५१८८ शेतकऱ्यांची ४८ हजार २६५ क्‍विंटल ७५ किलो तूर खरेदी केली गेली. आणखी किमान १५ हजार क्‍विंटल तूर खरेदी होणे अपेक्षित आहे. त्यामुळे शासन मुदतवाढ देऊन संपूर्ण तूर खरेदी करते की आणखी कोणता निर्णय घेते याकडे शेतकऱ्यांचे लक्ष लागले आहे.

लातूर जिल्ह्यातील सर्वच खरेदी केंद्रावरील हरभरा खरेदी बारदान्याअभावी थांबली आहे. बीड जिल्ह्यातही तीन ते चार खरेदी केंद्रांवर बारदान्याअभावी खरेदी थांबवावी लागणार हे जवळपास स्पष्ट आहे. जालन्यातही हरभऱ्याची खरेदी थांबली असल्याची माहिती सूत्रांनी दिली.

इतर ताज्या घडामोडी
पुण्यात कांदा, लसूण, फ्लॉवरच्या दरात वाढपुणे  ः गुलटेकडी येथील कृषी उत्पन्न बाजार...
'आणखी साखर तयार कराल, तर खड्ड्यात जाल'विटा, जि सांगली : पाणी आले म्हणून साखरेचे...
शिपायाने घातला शेतकऱ्यांना २२ लाखांला...वर्धा : पशुसंवर्धन विभागाच्या अनुदानावरील...
धान्य पट्ट्यात २०१८मध्ये ४३ शेतकरी...भंडारा : सिंचन, पर्यायी आणि व्यवसायिक पद्धतीविषयी...
पुणे जिल्ह्यात चाराटंचाईचा प्रश्‍न गंभीरपुणे  : जिल्ह्यात पाणीटंचाईबरोबरच...
नांदेड जिल्ह्याला एक लाख क्विंटल...नांदेड : नांदेड जिल्ह्यात २०१९-२० मधील खरीप...
नांदेड जिल्ह्यात हमीभावाने ३८५७ क्विंटल...नांदेड : केंद्र शासनाच्या किंमत समर्थन मूल्य...
खानदेशात मे महिनाअखेरीस कापूस बियाणे...जळगाव  ः खानदेशात पूर्वहंगामी कापूस लागवड...
नांदेड विभागात ७८ लाख टन ऊस गाळपनांदेड : प्रादेशिक सहसंचालक (साखर) नांदेड...
गडहिंग्लज, चंदगड तालुक्यात दहा गावांत...गडहिंग्लज, जि. कोल्हापूर  : गडहिंग्लज आणि...
अनुकूल हवामानामुळे यंदा दर्जेदार...सांगली : यंदा बेदाणा निर्मितीसाठी अनुकूल हवामान...
एकतीस वर्षांतही संपले नाही गोसेखुर्द...भंडारा : राज्यकर्त्यांच्या निष्क्रीयतेमुळे...
शेती, शेतकऱ्यांचे हित जपणारे सरकार...फलटण, सातारा : ‘‘लोकसभा निवडणुकीकडे जगाचे...
बागायती कोल्हापूरचा दुष्काळग्रस्तांना...कोल्हापूर : पाणीटंचाईमुळे दूरवरून पाणी आणण्यासाठी...
नागपूर विभागातील प्रकल्पात  उरला १० टक्...नागपूर  : विभागातील मोठ्या प्रकल्पांमध्ये...
यवतमाळ जिल्ह्यात नाफेडची तूर खरेदी बंदयवतमाळ  : गेल्या दोन वर्षांपासून जिल्ह्यात...
माझे लक्ष्य विधानसभा निवडणूक : राज ठाकरेमुंबई : लोकसभेची निवडणूक लढविणार नाही, हे मी...
शेतकरी संघटनांच्या कार्यकर्त्यांवर...नाशिक : शेतकरी आंदोलनाचा केंद्रबिंदू राहिलेल्या...
जळगाव जिल्ह्यातील ६७ शाळांना सौर प्रकल्पजळगाव  ः  जिल्हा परिषद शाळांमधील...
नगर मतदारसंघात अठरा लाख मतदार बजावणार...नगर  : नगर मतदारसंघात १८ लाख ५४ हजार २४८...