agriculture news in marathi, gram procurement issue,jalgaon, maharashtra | Agrowon

जळगावमध्ये २५ ते २८ हजार क्विंटल हरभरा पडून
टीम अॅग्रोवन
रविवार, 17 जून 2018

शेवटच्या दिवशी शासकीय केंद्रांवर रात्री उशिरापर्यंत हरभरा खरेदी केली. शेतकरी वंचित राहायला नको, असा प्रयत्न होता. आता जे शेतकरी हरभरा विक्रीपासून वंचित आहेत, त्यांची माहिती घेतली जात आहे.
- परिमल साळुंखे, पणन अधिकारी, मार्केटिंग फेडरेशन.

जळगाव : जिल्ह्यात हरभरा खरेदीसाठीची मुदत संपल्यानंतर अनेक नोंदणीकृत शेतकऱ्यांची हरभरा विक्री शासकीय केंद्रात झालेली नाही. खरेदी केंद्र पुन्हा सुरू करण्याची मागणी जिल्ह्यातील शेतकऱ्यांनी केली आहे.१३ जूनपर्यंत खरेदी सुरू होती. जिल्ह्यात शेवटच्या दिवशी सुमारे १० खरेदी केंद्रांवर रात्री उशिरापर्यंत खरेदी करण्यात आली. परंतु तरीदेखील अनेक शेतकऱ्यांचा हरभरा पडून आहे. या शेतकऱ्यांनी शासकीय केंद्रात विक्रीसंबंधीची नोंदणी केली आहे. सुमारे २५ ते २८ हजार क्विंटल हरभरा पडून असल्याची माहिती आहे.

या शेतकऱ्यांची नेमकी माहिती जमा करण्याची कार्यवाही सुरू झाली आहे. त्यात शेतकऱ्याचे नाव, किती क्षेत्रावर पेरणी होती, किती हरभरा विकायचा होता, बॅंक खाते क्रमांक, आधार क्रमांक आदी मुद्यांची माहिती जमा केली जात आहे.

ज्या शेतकऱ्यांनी शासकीय खरेदी केंद्रात हरभरा विक्रीसंबंधी नोंदणी केली आहे, त्यांना क्विंटलमागे एक हजार रुपये अनुदान देण्याचे शासनाने म्हटले आहे. परंतु हे अनुदान कसे, केव्हा, कुठल्या निकषांवर देणार यासंबंधीचा शासनादेश अजून आलेला नाही. परंतु या आदेशाची प्रतीक्षा न करता अनुदानास कोण शेतकरी पात्र आहेत, त्यांची माहिती संकलित करण्याची कार्यवाही सुरू झाल्याची माहिती मिळाली.

शासकीय खरेदी केंद्रात हरभऱ्याला ४४०० रुपये क्विंटल दर होता. बाजार समित्या व इतर खासगी बाजारांमध्ये हरभऱ्याला ३५०० रुपये क्विंटलपर्यंत दर आहेत. यात शेतकऱ्यांचे नुकसान होत आहे. खरिपासाठी निधी आवश्‍यक असल्याने शेतकरी अधिकचे दिवस हरभरा घरात साठविण्याच्या मनःस्थितीत नाहीत. त्यामुळे शासनाने तातडीने खरेदी सुरू करावी किंवा अनुदानासंबंधी तातडीने कार्यवाही करावी, अशी मागणीही पुढे आली आहे.
 

इतर ताज्या घडामोडी
पुण्यात कांदा, लसूण, फ्लॉवरच्या दरात वाढपुणे  ः गुलटेकडी येथील कृषी उत्पन्न बाजार...
'आणखी साखर तयार कराल, तर खड्ड्यात जाल'विटा, जि सांगली : पाणी आले म्हणून साखरेचे...
शिपायाने घातला शेतकऱ्यांना २२ लाखांला...वर्धा : पशुसंवर्धन विभागाच्या अनुदानावरील...
धान्य पट्ट्यात २०१८मध्ये ४३ शेतकरी...भंडारा : सिंचन, पर्यायी आणि व्यवसायिक पद्धतीविषयी...
पुणे जिल्ह्यात चाराटंचाईचा प्रश्‍न गंभीरपुणे  : जिल्ह्यात पाणीटंचाईबरोबरच...
नांदेड जिल्ह्याला एक लाख क्विंटल...नांदेड : नांदेड जिल्ह्यात २०१९-२० मधील खरीप...
नांदेड जिल्ह्यात हमीभावाने ३८५७ क्विंटल...नांदेड : केंद्र शासनाच्या किंमत समर्थन मूल्य...
खानदेशात मे महिनाअखेरीस कापूस बियाणे...जळगाव  ः खानदेशात पूर्वहंगामी कापूस लागवड...
नांदेड विभागात ७८ लाख टन ऊस गाळपनांदेड : प्रादेशिक सहसंचालक (साखर) नांदेड...
गडहिंग्लज, चंदगड तालुक्यात दहा गावांत...गडहिंग्लज, जि. कोल्हापूर  : गडहिंग्लज आणि...
अनुकूल हवामानामुळे यंदा दर्जेदार...सांगली : यंदा बेदाणा निर्मितीसाठी अनुकूल हवामान...
एकतीस वर्षांतही संपले नाही गोसेखुर्द...भंडारा : राज्यकर्त्यांच्या निष्क्रीयतेमुळे...
शेती, शेतकऱ्यांचे हित जपणारे सरकार...फलटण, सातारा : ‘‘लोकसभा निवडणुकीकडे जगाचे...
बागायती कोल्हापूरचा दुष्काळग्रस्तांना...कोल्हापूर : पाणीटंचाईमुळे दूरवरून पाणी आणण्यासाठी...
नागपूर विभागातील प्रकल्पात  उरला १० टक्...नागपूर  : विभागातील मोठ्या प्रकल्पांमध्ये...
यवतमाळ जिल्ह्यात नाफेडची तूर खरेदी बंदयवतमाळ  : गेल्या दोन वर्षांपासून जिल्ह्यात...
माझे लक्ष्य विधानसभा निवडणूक : राज ठाकरेमुंबई : लोकसभेची निवडणूक लढविणार नाही, हे मी...
शेतकरी संघटनांच्या कार्यकर्त्यांवर...नाशिक : शेतकरी आंदोलनाचा केंद्रबिंदू राहिलेल्या...
जळगाव जिल्ह्यातील ६७ शाळांना सौर प्रकल्पजळगाव  ः  जिल्हा परिषद शाळांमधील...
नगर मतदारसंघात अठरा लाख मतदार बजावणार...नगर  : नगर मतदारसंघात १८ लाख ५४ हजार २४८...