agriculture news in marathi, gram procurement stop due to storage issue, nagar, maharashtra | Agrowon

नगर जिल्ह्यातील सहा ठिकाणी हरभरा खरेदी बंद
टीम अॅग्रोवन
बुधवार, 23 मे 2018

नगर  ः खरेदी केलेला हरभरा साठवणुकीसाठी जागा नसल्याने नगर जिल्ह्यातील सहा हरभरा खरेदी केंद्रे बंद आहेत. मागणी करूनही वखार महामंडळाकडून गोदाम उपलब्ध होत नाही. सोलापूर, औरंगाबाद जिल्ह्यांतून पाठवलेल्या गाड्या परत आल्या आहेत. त्यामुळे मार्केटिंग फेडरेशनसह केंद्रचालक त्रस्त झाले आहेत.

हमीभावाने खरेदीसाठी तुरीपाठोपाठ शासनाने हरभरा खरेदी केंद्रे सुरू केली आहेत. जिल्ह्यात सुरवातील एक लाख तेरा हजार क्विंटल तूर खरेदी झाली होती. मात्र, मागणी झाल्यानंतर पुन्हा खरेदीला मुदत वाढवून दिली. त्यामुळे आता तूर खरेदीचा आकडा एक लाख २३ हजार १६० क्विंटलवर गेला.

नगर  ः खरेदी केलेला हरभरा साठवणुकीसाठी जागा नसल्याने नगर जिल्ह्यातील सहा हरभरा खरेदी केंद्रे बंद आहेत. मागणी करूनही वखार महामंडळाकडून गोदाम उपलब्ध होत नाही. सोलापूर, औरंगाबाद जिल्ह्यांतून पाठवलेल्या गाड्या परत आल्या आहेत. त्यामुळे मार्केटिंग फेडरेशनसह केंद्रचालक त्रस्त झाले आहेत.

हमीभावाने खरेदीसाठी तुरीपाठोपाठ शासनाने हरभरा खरेदी केंद्रे सुरू केली आहेत. जिल्ह्यात सुरवातील एक लाख तेरा हजार क्विंटल तूर खरेदी झाली होती. मात्र, मागणी झाल्यानंतर पुन्हा खरेदीला मुदत वाढवून दिली. त्यामुळे आता तूर खरेदीचा आकडा एक लाख २३ हजार १६० क्विंटलवर गेला.

मनुष्यबळाचा विचार करून आणि खरेदी करणे सोपे जावे म्हणून नाफेडने तूर खरेदी सुरू असलेल्या ठिकाणीच हरभरा खरेदी सुरू केली. सध्या जिल्ह्यामध्ये तेरा ठिकाणी हरभरा खरेदी केंद्रे सुरू आहेत. आतापर्यंत १० हजार ६६८ शेतकऱ्यांकडून १ लाख ११ हजार ४४४ क्विंटल हरभरा खरेदी झाली आहे, तर तब्बल ५६ हजार २४१ शेतकऱ्यांनी ऑनलाइन नोंदणी केलेली आहे. मात्र, आता हरभरा खरेदीतदेखील अडचणी येऊ लागल्या आहेत.

जिल्ह्यामधील वखार महामंडळाची गोदामे हाऊसफुल्ल झाली आहेत. शेजारच्या जिल्ह्यामध्ये काही साठवण केलेली आहे. त्यामुळे नव्याने खरेदी केलेला हरभरा साठवायला जागा नाही. दोन दिवसांपासून पारनेर, शेवगाव, कोपरगाव, कर्जत, राहुरी व राहाता या सहा ठिकाणी हरभरा खरेदी बंद आहे. जवळपास साठवणुकीसाठी जागा नसल्याने थेट पनवेल (जि. रायगड) येथे जागा असल्याचे सांगून तेथे हरभरा नेण्याचे सांगितले जात आहे.

मात्र, एवढ्या दूरवर नेण्यासाठी एका ट्रकला तब्बल पंचवीस ते तीस हजारांचा खर्च येतो. एवढा खर्च करायला खरेदी केंद्र चालकही तयार नाही. त्यामुळे हरभरा खरेदीच्या अडचणी वाढल्या आहेत. मार्केटिंग फेडरेशनने गोदामे उपलब्ध करून देण्याची विनंती केली जात असली तरी अजूनही साठवणुकीसाठी गोदाम उपलब्ध झाले नसल्याने अजून तरी हरभरा खरेदी केंद्रे बंद आहेत.
जिल्ह्यामध्ये अजून साधारण साठ ते सत्तर हजार क्विंटल हरभरा खरेदी होण्याचा अंदाज आहे. ऑनलाइन नोंदणीही मोठ्या प्रमाणात झालेली आहे.

जिल्ह्यामध्ये गोडाऊन उपलब्ध नसल्याने हरभरा खरेदीला अडचणी येत आहेत. शेतकऱ्यांची अडचणी कमी करण्यासाठी वखार महामंडळाने तातडीने गोडाऊन उपलब्ध करून द्यावे, अशी मागणी पारनेर बाजार समितीचे सभापती प्रशांत गायकवाड यांनी केली आहे.

इतर ताज्या घडामोडी
अकोल्यात तूर प्रतिक्विंटल ४२०० ते ५४००...अकोला ः स्थानिक कृषी उत्पन्न बाजार समितीत...
प्रतिष्ठेच्या माढ्यात मतदानासाठी चुरस सोलापूर : संपूर्ण राज्याचे लक्ष वेधलेल्या व...
सांगली काही ठिकणी ‘ईव्हीएम’च्या...सांगली ः जिल्ह्यात लोकसभेसाठी झालेल्या मतदानावेळी...
कोल्हापूर, हातकणंगले मतदारसंघात चुरशीने...कोल्हापूर : लोकसभेच्या कोल्हापूर आणि हातकणंगले...
मोदी यांच्या सभेसाठी कांदा लिलाव बंदनाशिक : नाशिक व दिंडोरी लोकसभा मतदारसंघातील...
परभणी ः दूध संकलनात सात लाख ८९ हजार...परभणी ः शासकीय दूध योजनेअंतर्गंत परभणी दुग्धशाळेत...
राज्यात तिसऱ्या टप्प्यात शांततेत मतदानमुंबई :  लोकसभा निवडणुकीच्या तिसऱ्या...
लोकांचा कौल आघाडीलाच; पण ईव्हीएम...मुंबई : मी अनेक मतदारसंघांमध्ये फिरलो....
शिर्डी लोकसभा निवडणुकीसाठी वीस उमेदवार...नगर   : नगर लोकसभा मतदारसंघात मंगळवारी...
सोलापूर जिल्ह्यातील ६६२...सोलापूर  : लोकसभा निवडणुकीची धामधूम सुरू...
पुण्यात पाच वाजेपर्यंत ५३ टक्के मतदानपुणे  ः पुणे लोकसभा मतदारसंघात मंगळवारी (ता....
बारामतीत शांततेत मतदानपुणे  : बारामती लोकसभा मतदारसंघासाठी...
पुणे जिल्ह्यातील १४ कारखान्यांचा गाळप...पुणे  ः जिल्ह्यातील १४ साखर कारखान्यांचा...
बुलडाण्यात खरिपात सात लाख ३८ हजार...बुलडाणा  ः येत्या खरीप हंगामात जिल्हयात...
तुरीचे चुकारे रखडल्याने शेतकरी अडचणीत   संग्रामपूर, जि. बुलडाणा  : शासनाच्या हमीभाव...
नगर लोकसभा मतदारसंघात उत्साहात मतदाननगर ः नगर लोकसभा मतदारसंघात मंगळवारी (ता. २३)...
उपयोगानुसार वनशेतीसाठी वृक्षांची निवडवनशेतीसाठी मुख्यतः कोरडवाहू अथवा पडीक जमिनीची...
आंतरमशागतीसाठी अवजारेमकृवि चाकाचे हात कोळपे ः या अवजाराने आपण खुरपणी,...
एकलहरे वीज केंद्रात उभारली रोपवाटिकानाशिक : पर्यावरणाचा समतोल राखण्यासाठी...
जळगाव : निवडणुकीमुळे टॅँकरचे प्रस्ताव...जळगाव : खानदेशात दिवसागणिक पिण्याच्या...