agriculture news in marathi, gram procurment centers planning, jalgaon, maharashtra | Agrowon

जळगाव जिल्ह्यात नऊ ठिकाणी हरभरा खरेदी केंद्रे
टीम अॅग्रोवन
मंगळवार, 6 मार्च 2018

हरभरा खरेदीची तयारी सुरू झाली असून, नऊ तूर खरेदी केंद्रांमध्येच हरभरा खरेदी होईल. हरभऱ्याच्या प्रकारानुसार दर कसे द्यायचे, याबाबत स्पष्ट मार्गदर्शक सूचना प्राप्त झालेल्या नाहीत. परंतु ४४०० रुपये प्रतिक्विंटलचा दर आहे.
- परिमल साळुंखे, पणन अधिकारी, मार्केटींग फेडरेशन.

जळगाव  ः जिल्ह्यात हरभऱ्याची पेरणी यंदा सर्वाधिक झाली. पीक हातात आले आहे. परंतु यंदा समाधानकारक दर नसल्याने शेतकऱ्यांना आर्थिक फटका बसत आहे. खासगी बाजार किंवा बाजार समितीमध्ये ३६०० रुपये क्विंटलपर्यंत दर आहे. अशातच जिल्ह्यात नऊ ठिकाणी येत्या १० ते १२ दिवसांत शासकीय हरभरा खरेदी केंद्रे सुरू होतील, असे संकेत मिळाले आहेत. 
 
शासन ४४०० रुपये प्रतिक्विंटल या दरात हरभरा खरेदीचा विचार करीत असून, या महिन्याच मध्यापर्यंत खरेदी सुरू होईल, असे संकेत मध्यंतरी सूत्रांनी दिले होते. यातच यंदा प्रथमच शासकीय पातळीवरून हरभरा खरेदी केली जाणार असून, सुरवातीला पाच केंद्रे असतील.
 
हे केंद्र हरभऱ्याचे अधिक उत्पादन असलेल्या भागात सुरू करण्याचे नियोजन असून रावेर, मुक्ताईनगर, चोपडा, जळगाव, पाचोरा, चाळीसगाव, अमळनेर, जामनेर व बोदवड येथे हरभरा खरेदी केंद्र सुरू होणार आहेत. या नऊ केंद्रांमध्ये सध्या तूर खरेदी सुरू आहे.
 
हरभरा खरेदीसाठीही ऑनलाइन नोंदणी करावी लागणार आहे. त्यासाठी पीक पेरा असलेला सातबारा उतारा, बॅंक पासबुक व आधार कार्डची सत्यप्रत, मोबाईल क्रमांक आवश्‍यक आहे. अपेक्षित नोंदणी झाल्यानंतर खरेदी सुरू होईल. खासगी बाजारातील सद्यःस्थिती लक्षात घेता नोंदणीला प्रतिसाद मिळेल, असे सांगण्यात आले. 
 
जिल्ह्यात पारोळा, धरणगाव, भडगाव या भागात पावसाचे प्रमाण कमी होते. या भागात हरभऱ्याची पेरणी कमी असते. असे असले तरी या तालुक्‍यांनजीक हरभरा खरेदी केंद्रे असतील. यावलच्या शेतकऱ्यांना रावेर किंवा चोपडा येथेही हरभरा आणता येईल. धरणगाव, एरंडोलच्या शेतकऱ्यांसाठी जळगाव तालुक्‍यातील म्हसावद केंद्र सोईस्कर असेल.
 
यंदा सुमारे ९० हजार हेक्‍टरवर हरभऱ्याची पेरणी झाली होती. उत्पादनही बऱ्यापैकी आले आहे. उत्पादन हाती आल्यानंतर शेतकऱ्यांनी त्याची विक्री सुरू केली आहे. जिल्ह्यात अमळनेर, चोपडा व धुळ्यातील शिरपूर येथील बाजारांना शेतकरी प्राधान्य देत आहेत. कमाल चुकारे रोखीने व सेम डे धनादेश मिळत असल्याने या बाजारात शेतकरी हरभरा विक्रीसाठी नेत आहेत. 

इतर ताज्या घडामोडी
लोहाच्या कमतरतेवरील वनस्पतींची...हेन्रिच हेईन विद्यापीठ डस्सेलडॉर्प आणि...
नेरच्या नदी पात्रातील भराव काढादेऊर, ता.धुळे : पांझरा नदी पात्रातील नव्या...
सौर कृषिपंप योजनेसाठी पुणे जिल्ह्यातून...पुणे : शेतकऱ्यांना दिवसा व सौरऊर्जेद्वारे शाश्वत...
अपारंपरिक ऊर्जा काळाची गरज : बावनकुळेभंडारा : पारंपरिक ऊर्जेची मर्यादा लक्षात घेऊन...
नांदेड जिल्ह्यामध्ये १८ टॅंकरद्वारे...नांदेड ः जिल्ह्यातील तीव्र पाणीटंचाई उद्भवलेली ११...
परभणी, नांदेड जिल्ह्यात २ लाख खात्यांवर...परभणी ः परभणी आणि नांदेड जिल्ह्यातील दुष्काळामुळे...
टेंभूच्या नेवरी वितरिकेची कामे २२...सांगली ः टेंभू उपसा सिंचन योजनेच्या नेवरी वितरिका...
पाणीटंचाईमुळे कांदा लागवडीच्या...पुणे ः वाढत असलेल्या पाणीटंचाईमुळे शेतकऱ्यांनी...
नगर जिल्ह्यामध्ये तुरीचे उत्पादन...नगर ः नगर जिल्ह्यामध्ये यंदा दुष्काळी परिस्थिती...
अण्णासाहेब पाटील महामंडळामार्फत १२ कोटी...कोल्हापूर : शासनाने अण्णासाहेब पाटील आर्थिक मागास...
कचारगडला `अ’ वर्ग पर्यटनस्थळाचा दर्जा...गोंदिया ः कचारगड हे देशभरातील भाविकांचे...
जैविक शेती मिशन राबविण्यास प्रारंभअकोला ः शासनाने गेल्या वर्षी जाहीर केलेल्या डॉ....
जळगावसह रावेर मतदारसंघ भाजपकडेच?जळगाव ः आगामी लोकसभा निवडणुकीसंबंधी शिवसेना व...
किसान लाँग मार्चला जाणाऱ्या शेतकऱ्यांना...धुळे  : किसान लाँग मार्चमध्ये सहभागी...
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...