agriculture news in marathi, Gram repurchase scheme extended deadline doesn't help farmer | Agrowon

हरभरा खरेदीची मुदतवाढही ठरली केवळ नावापुरतीच
टीम अॅग्रोवन
बुधवार, 13 जून 2018

अकोला ः अाधारभूत किमतीने राज्यात सुरू असलेली हरभरा खरेदी अखेर बुधवारी (ता. १३) सायंकाळी पाच वाजेपासून बंद होत अाहे. या हंगामात मार्च महिन्यात हरभरा खरेदी सुरू झाल्यानंतर एकदा मुदत वाढवून १३ जूनपर्यंत सुरू ठेवण्यात अाली. तरीही अाॅनलाइन नोंदणी केलेल्यांपैकी सुमारे ४० टक्केही शेतकऱ्यांचा हरभरा अद्याप खरेदी झालेला नाही. 

अकोला ः अाधारभूत किमतीने राज्यात सुरू असलेली हरभरा खरेदी अखेर बुधवारी (ता. १३) सायंकाळी पाच वाजेपासून बंद होत अाहे. या हंगामात मार्च महिन्यात हरभरा खरेदी सुरू झाल्यानंतर एकदा मुदत वाढवून १३ जूनपर्यंत सुरू ठेवण्यात अाली. तरीही अाॅनलाइन नोंदणी केलेल्यांपैकी सुमारे ४० टक्केही शेतकऱ्यांचा हरभरा अद्याप खरेदी झालेला नाही. 

या महिन्यात शासनाने वाढवून दिलेली मुदतही केवळ नावापुरती ठरली असून साठवणुकीसाठी जागा नसणे व बारदान्याअभावी असंख्य केंद्रांवर केवळ दोन ते तीनच दिवस खरेदी सुरू होती. मार्च महिन्यात हरभरा खरेदी सुरू केल्यापासूनच मोजमाप संथगतीने केले जात होते. मेअखेरीस हरभरा खरेदीची मुदत संपल्याने शासनाने केंद्राकडे प्रस्ताव पाठवला. त्यानंतर १३ जूनपर्यंत खरेदीची मुदत वाढवून मिळाली, परंतु या मुदतवाढीचा फारसा फायदा झाला नाही. पूर्वीप्रमाणेच साठवणुकीसाठी जागा नसल्याने प्रत्येक खरेदी केंद्रावर हजारो पोती पडून होती.

जोपर्यंत हा शेतमाल वेअरहाऊसला जात नाही तोवर केंद्रावर खरेदीसाठी जागा उपलब्ध होणार नव्हती. नेमके हेच झाले. कुठल्याही केंद्रावर नवीन धान्य खरेदीसाठी जागा नसताना भरीसभर म्हणजे बारदाना टंचाईसुद्धा याच काळात उदभवली. 

अाता खरेदी बंद व्हायला अवघे काही तास शिल्लक असताना बारदाना उपलब्ध झाला; परंतु संकटांची मालिका कमी व्हायला तयार नव्हती. याच अाठवड्यात सर्वत्र पावसाने हजेरी दिली. त्यामुळे खरेदी बंद राहण्यास हेही एक कारण पुरेशे ठरले. या सर्वच संकटांच्या मालिकेमुळे हरभरा खरेदीचा हंगाम केवळ फार्स ठरल्याची टीका केली जात अाहे.

राहिलेल्यांनी काय करावे?
अाॅनलाइन नोंदणी झालेल्यांपैकी केवळ ४० टक्क्यांच्या अात शेतकऱ्यांचा हरभरा मोजून झाला अाहे. दरम्यान, शासनाने तूर, हरभरा उत्पादकांना क्विंटलला हजार रुपये अनुदान देण्याची घोषणा केली अाहे. या घोषणेनंतर मात्र त्याचा कुठलाही सविस्तर तपशील जाहीर झालेला नाही. परिणामी नोंदणी केलेल्या व विक्री न झालेल्या हरभरा उत्पादकांना हे अनुदान कसे मिळणार याबाबत विविध प्रश्न उपस्थित केले जात अाहेत. शिल्लक राहलेल्या तूर, हरभऱ्याचा पंचनामा होईल की नोंदणी केलेल्यांना क्षेत्रानुसार सरसकट मदत मिळेल हे स्पष्ट नाही. यामुळे गरज असून अनेकांनी विक्री करण्याचे धाडस केलेले नाही. जिल्हास्तरीय यंत्रणांनाही माहिती नसल्याने त्यांच्याकडून शेतकऱ्यांचे समाधान होताना दिसत नाही.

टॅग्स

इतर ताज्या घडामोडी
नगर जिल्ह्याचे विभाजन होणारच ः...नगर  ः नगर जिल्ह्याचे विभाजन व्हावे, ही...
पंधरा दिवसांपूर्वीच संपला नगरमधील पाच...नगर ः नगर जिल्ह्यामध्ये चाराटंचाई अंधिक तीव्र होत...
वीज दरवाढ रद्दबाबतचे परिपत्रक...शिरोली पुलाची, जि. कोल्हापूर : वीज दरवाढ...
दुष्काळग्रस्तांच्या मागण्यांसाठी परभणीत...परभणी : जिल्ह्यातील दुष्काळग्रस्त शेतकरी,...
हरकती असलेल्या जमिनी अधिग्रहित करणार...मुंबई   : हरकती असलेल्या जमिनी...
मराठवाडा, खानदेशात ४९ लाख टन ऊसगाळपऔरंगाबाद : यंदाच्या हंगामात मराठवाडा व खानदेशातील...
कांदा अनुदानाची मुदत ३१ डिसेंबरपर्यंत...सोलापूर   ः कांद्याचे दर घसरल्याने...
नगर बाजारात तूर प्रतिक्विंटल ४४०० ते...नगर ः नगर कृषी उत्पन्न बाजार समितीत तुरीची आवक...
सोयाबीन दरात काही अंशी तेजीचा अंदाजनागपूर ः सोयाबीन दरात आलेली तेजी शेतकऱ्यांना...
जळगावात चवळी, कारल्याचे दर टिकूनजळगाव ः कृषी उत्पन्न बाजार समितीमध्ये मागील...
हळद पॉलिश, प्रतवारी महत्त्वाचीलोखंडी ड्रममधून शिजवलेली हळद २० ते ३० मिनिटांसाठी...
सागरी तापमानाची जुनी माहिती मिळवणे...माहितीच्या नोंदीच्या अभावामुळे बहुतांश जागतिक...
मधमाश्यांचे सर्वेक्षण सातत्याने...गेल्या काही वर्षांमध्ये स्थानिक मधमाश्यांच्या...
बुलडाणा जिल्ह्यातील अनेक प्रकल्प कोरडेबुलडाणा : उष्णतेच्या झळा सुरू होण्यापूर्वीच...
खानदेशात तूर खरेदी केंद्रे सुरू कराजळगाव : खानदेशात तुरीची मळणी पूर्ण होत आली आहे....
ऊस गाळपात नंदुरबार जिल्हा आघाडीवरजळगाव : खानदेशात ऊस गाळपात नंदुरबार जिल्ह्यातील...
नाचणी बीजोत्पादक शेतकऱ्यांना पन्हाळ्यात...कोल्हापूर : पन्हाळा तालुक्यात आत्माच्या...
गोदावरी दूध संघ शेतकऱ्यांसाठी ठरला ‘...नगर : ‘‘गोदावरी खोरे नामदेवराव परजणे पाटील तालुका...
परभणी, हिंगोलीतील सिंचनासाठीच्या...परभणी : परभणी आणि हिंगोली जिल्ह्यात २०१७-१८...
खरीप नुकसानीच्या मदतीसाठी शेतकऱ्यांच्या...सोलापूर : गतवर्षीच्या २०१८ च्या खरीप हंगामात...