साताऱ्यात हरभऱ्याची साडेसत्तावीस हजार हेक्‍टरवर पेरणी

हरभरा
हरभरा

सातारा: हरभऱ्याचा फायदेशीर ठरणारा बिवड तसेच दरातील स्थिरता यामुळे सातारा जिल्ह्यात मागील तीन ते चार वर्षांपासून सर्वसाधारण क्षेत्राइतक्‍या क्षेत्रावर लागवड होत असल्याचे दिसून येत आहे. जिल्ह्यात या रब्बी हंगामात हरभऱ्याची २७ हजार ५५१ हेक्‍टरवर पेरणी झाली असून, सर्वाधिक क्षेत्र कोरेगाव तालुक्‍यात आहे.

जिल्ह्यात रब्बी हंगामात ज्वारी, गहू व हरभरा ही प्रमुख पिके आहेत. हरभऱ्याच्या उत्पादना एवढाच बिवड उपयुक्त असल्याने हरभरा करण्याकडे शेतकऱ्यांचा कल वाढला आहे. जिल्ह्यात रब्बी हंगामात हरभऱ्याचे सर्वसाधारण क्षेत्र २९ हजार १८७ हेक्‍टर आहे. यापैकी मागील सप्ताहापर्यंत २७ हजार ५५१ हेक्‍टर क्षेत्रावर पेरणी झाली आहे.

रब्बी हंगाम हा माण, खटाव, कोरेगाव, फलटण, खंडाळा या दुष्काळी तालुक्‍याचा प्रमुख हंगाम असला तरी रब्बी हंगामात सर्वच तालुक्‍यांत हरभरा पिक घेतले जाते. कमी पाण्यात आणि थंडीवर हरभऱ्याची वाढ होत असते. आले उत्पादक शेतकरी आले लागवड करण्यापूर्वी हरभरा घेण्यास पंसती देतात. कोरेगाव तालुक्‍यात आले पिकाचे क्षेत्र मोठे असल्याने याच तालुक्‍यात सर्वाधिक क्षेत्रावर हरभऱ्याची पेरणी झाली आहे.

कोरेगावसह सातारा, जावली, खटाव, माण व फलटण या तालुक्‍यात सर्वसाधारण क्षेत्रापेक्षा जास्त क्षेत्रावर लागवड झाली आहे. सध्या हरभऱ्याची वाढ चांगली असून, तो फुलोऱ्यात आला आहे. हरभरा पिकाकडे शेतकऱ्यांनी वळावे, यासाठी कृषी विभागाकडून प्रयत्न करण्यात आले आहेत. अनेक शेतकरी आंतरपीक म्हणून हरभऱ्यास प्राधान्य देत आहेत.

तालुकानिहाय हरभरा लागवड (हेक्‍टर)

तालुका क्षेत्र
सातारा ३३६७
जावली १३७५
पाटण २११३
कऱ्हाड ३३७७
खटाव ३७४६
कोरेगाव ५८३५
माण २०५०
फलटण १९३४
खंडाळा १५०४
वाई २१९०
महाबळेश्वर ६०

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com