agriculture news in marathi, gram sowing will increase by one lakh hectare | Agrowon

एक लाख हेक्टरने हरभऱ्याचा पेरा वाढणार
मनोज कापडे
मंगळवार, 26 सप्टेंबर 2017

हरभरा उत्पादनवाढीसाठी कृषी विभागांतर्गत मोहीम राबविली जाईल. शासनाचा स्वतंत्र निधी मिळण्याबाबत आयुक्तालयास्तरावरून चाचपणी केली जाईल.
- डॉ. एस. जाधव, कृषी विस्तार संचालक

पुणे : राज्यात यंदा चांगला पाऊस झाल्यामुळे रब्बी हंगामात हरभऱ्याचा पेरा किमान एक लाख हेक्टरने वाढविण्याची चिन्हे आहेत. कृषी विभागाकडून देखील हरभऱ्याखालील क्षेत्र वाढविण्यासाठी मोहीम हाती घेतली जाणार आहे.

कृषी आयुक्त सच्चिंद्र प्रतापसिंह यांनी रब्बी हंगामाच्या पूर्वतयारीचा आढावा नुकताच घेतला. राज्यात हरभरा उत्पादनवाढीसाठी अतिशय अनुकूल स्थिती असल्याचे दिसून येत आहे. रब्बी हंगामाचा एकूण पेरादेखील वाढण्याची चिन्हे आहेत, असे आढाव्याच्या वेळी सांगण्यात आले.

कृषी विस्तार संचालक डॉ. एस. जाधव यांनी सांगितले, की ''गेल्या हंगामात राज्यात हरभऱ्याचा पेरा १८.९५ लाख हेक्टरवर झाला होता. यंदा सर्वत्र चांगला पाऊस असून ऑक्टोबरमध्ये देखील पावसाची शक्यता आहे. त्यामुळे पेरा २० लाख हेक्टरच्या पुढे जाण्याची अपेक्षा आहे. मराठवाड्यासह नगर, सोलापूरचा काही भाग आणि विदर्भातील यवतमाळ, अमरावती, वाशीम, बुलडाणा जिल्ह्यात हरभऱ्याचा पेरा वाढण्याची शक्यता आहे.

प्रचारप्रसार केला जाणार
रब्बी हंगामात शेतकऱ्यांना हरभऱ्याकडे वळण्यासाठी कृषी विभागाच्या मोहिमेत तीन मुद्द्यांवर भर दिला जाणार आहे. त्यात अनुदानित बियाण्याचे वाटप, पीक प्रात्यक्षिके आणि पीक संरक्षणविषयक उपायासाठी मार्गदर्शन अशा तीन स्तरांवर नियोजन केले जाणार आहे. बीजप्रक्रिया करून पेरा करण्याकडे शेतकऱ्यांचा कल असावा यासाठी प्रचारप्रसार करण्याचे कृषी आयुक्तालयाने ठरविले आहे.

पेरा वाढण्यासाठी अनुकूलता
'हरभरा पिकाकडे यंदा शेतकरीदेखील वळतील. दर्जेदार वाणांची उपलब्धता, बाजारभाव, संरक्षित पाण्याची चांगली स्थिती आणि मॉन्सूनचा दिलासादायक प्रवास या सर्व बाबी पेरा वाढण्यासाठी अनुकूल आहेत. ऑक्टोबरच्या दुसऱ्या आठवडापासून राज्यात हरभरा पेरण्यास सुरवात होईल. यंदा डिसेंबरच्या पहिल्या आठवड्यापर्यंत पेरा चालू राहील, असेही डॉ. जाधव यांनी स्पष्ट केले.

इतर ताज्या घडामोडी
सेंद्रिय कर्बवाढीला धोरणात्मक रूप...राज्यातील शेतकरीवर्गाच्या उत्पन्नवाढीचा...
जमीन सुपीकतेसाठी गावनिहाय कार्यक्रम हवा...देशात हरितक्रांती अत्यावश्यक होती. मात्र, ...
निर्यातक्षम मोसंबीसाठी एकच बहर घ्यावा...जालना :  निर्यातक्षम मोसंबी उत्पादनासाठी...
सुबोध सावजींचा विहिरीतच मुक्कामअकोला ः पाणीपुरवठा योजनांच्या कामात मोठ्या...
साखर दरप्रश्नी सरकारने हस्तक्षेप करावा...लातूर ः केंद्र व राज्य सरकारने शेतकऱ्यांना...
जागेवरच कुजवा सेंद्रिय घटकमी १९७० मध्ये कोल्हापूरमध्ये शेती करण्यास प्रारंभ...
धोरणकर्त्यांना शेतमाल उत्पादकांपेक्षा...बारामती, जि. पुणे : देशातील धोरणकर्त्यांना शेतमाल...
शिफारशीत मूग जातींची निवड महत्त्वाची...गेल्या काही वर्षांमध्ये मुगाचे दर वाढते असल्याने...
माफसू : मुलाखतीपासून उमेदवार वंचितनागपूर : महाराष्ट्र पशू आणि मत्स्य विज्ञान...
पिंक बेरी, भुरी, क्रॅकिंग टाळण्यासाठी...सध्याच्या वाातावरणामध्ये द्राक्ष बागेमध्ये पिंक...
तंत्र उन्हाळी तीळ लागवडीचे...सुपीक व उत्तम निचरा असलेल्या मध्यम ते भारी जमिनीत...
खानदेशात अजूनही कांदा लागवड सुरूचजळगाव : धुळ्यासह जळगाव जिल्ह्यात अजूनही कांदा...
गोड दह्याच्या निवळीपासून तेलाची...योगर्ट (दही) निर्मिती उद्योगामध्ये गोड...
आर. बी. हर्बल अॅग्रोचे ‘भू-परीस’...मार्केट ट्रेंडस्.. आर. बी. हर्बल अॅग्रो ही...
ई-नामसाठी डायनॅमिक कॅश क्रेडिट बंधनकारकपुणे ः आॅनलाइन राष्ट्रीय कृषी बाजार याेजनेत (ई-...
सिंधुदुर्ग जिल्ह्यात विस्तारतेय ऊसशेतीसिंधुदुर्ग : आंबा, काजू व अन्य मसाला पीक...
मुख्यमंत्री शाळा बंद करताहेत : अजित पवारबीड : सरकार मस्तीत आहे. पंतप्रधान नरेंद्र...
माजी राज्यमंत्र्यांचे विहिरीत आंदोलनअकोला : बुलडाणा जिल्ह्यातील पाणीपुरवठा योजनांमधील...
शासकीय निधी खर्चाची माहिती आता एका क्‍...रत्नागिरी - ग्रामीण भागात होणाऱ्या कामांचा...
जळगावात चवळी शेंगा २००० ते ३००० रुपये...जळगाव : येथील कृषी उत्पन्न बाजार समितीमध्ये...